જમ્મુ-કાશ્મીરમાં સુરક્ષા દળો પર ફરી એકવાર આતંકવાદી હુમલો કરવામાં આવ્યો છે. ગુરુવારે શ્રીનગર શહેરની સીમમાં લાવાપોરા ખાતે આતંકવાદીઓએ સીઆરપીએફ ના જવાનો પર હુમલો કર્યો હતો અને સુરક્ષા દળો પર ગોળીબાર કર્યો હતો. સીઆરપીએફના પીઆરઓએ જણાવ્યું હતું કે આતંકીઓ દ્વારા કરવામાં આવેલા ફાયરિંગમાં 2 સીઆરપીએફ જવાન ઘાયલ થયા છે, જેને નજીકની હોસ્પિટલમાં દાખલ કરવામાં આવ્યા છે.
આ સાથે જ આતંકવાદીઓને પકડવા સમગ્ર વિસ્તારમાં સર્ચ ઓપરેશન કરવામાં આવી રહ્યું છે.
આ પણ વાંચો : PMને શોધવા બંગાળ જઇએ?’ સવાલ કરતા જ લોકસભામાં થઇ મોદીની એન્ટ્રી, જાણો પછી શું થયું
આપને જણાવી દઈએ કે લાવાપોરા વિસ્તારમાં ગુરુવારે બપોરે આતંકીઓએ સીઆરપીએફની પેટ્રોલિંગ પાર્ટી પર હુમલો કર્યો હતો. આઈજીએ કહ્યું કે આ હુમલામાં સીઆરપીએફના બે જવાન શહીદ થયા છે અને બે જવાન ઘાયલ થયા છે. ઇજાગ્રસ્તોને તાત્કાલિક નજીકની હોસ્પિટલમાં ખસેડવામાં આવ્યા હતા. હાલમાં તેની સારવાર ચાલી રહી છે.
આ હુમલો સીઆરપીએફની 73 મી બટાલિયન પર કરવામાં આવ્યો છે. પહેલાથી ઘાત લગાવીને બેઠેલા આતંકીઓએ શ્રીનગરના લાવાપોરા વિસ્તારમાં સુરક્ષા દળોના વાહન પર હુમલો કર્યો હતો. આ હુમલામાં 2 જવાનો શહીદ થયા હતા. તે જ સમયે, બે સૈનિકો પણ ઘાયલ થયા છે.
આ પણ વાંચો : આનંદીબેન પટેલે લીધો કોરોના વેકસીનનો પ્રથમ ડોઝ
આ પણ વાંચો :સૈન્યના મહિલા અધિકારીઓ પર સુપ્રીમ મહેરબાન, કહ્યું – બે મહિનામાં કાયમી કમિશન આપો
