અફઘાનિસ્તાનમાં તાલિબાન શાસનની ફરીથી સ્થાપનાથી ડરી ગયેલા લોકો કોઈપણ રીતે દેશ છોડવા માંગે છે. આનું એક ભયાનક દ્રશ્ય સોમવારે કાબુલ એરપોર્ટ પર જોવા મળ્યું હતું. યુએસ એરફોર્સનું લશ્કરી વિમાન ટેકઓફ માટે આગળ વધી રહ્યું હતું ત્યારે લોકોના ટોળાએ રનવે પર વિમાનને ફોલો કર્યું હતું. વિમાન ઉડાન ભરતા પહેલા કેટલાક લોકો ટાયરની ઉપરની જગ્યામાં ચઢી ગયા હતા. જ્યારે વિમાન ઉંચાઈએ પહોંચ્યું ત્યારે લોકોએ પોતાનું સંતુલન ગુમાવ્યું. આકાશમાંથી પડ્યા બાદ ત્રણ લોકોના મોત થયા હતા. બાદમાં તેમના મૃતદેહો ઘરની છત પરથી મળી આવ્યા હતા. પરિસ્થિતિ એટલી ખરાબ થઈ ગઈ છે કે 60 દેશોએ તાલિબાનને અપીલ કરી છે કે જે નાગરિકો અફઘાનિસ્તાનમાં રહેવા નથી માંગતા તેમને દેશ છોડવા દેવા જોઈએ.
આ ઘટનાનો વીડિયો આ સમયે સોશિયલ મીડિયા પર ખૂબ વાયરલ થઈ રહ્યો છે. આ અમેરિકાનું લશ્કરી વિમાન C17 હતું. મળતી માહિતી મુજબ આ લોકો વિમાનના ટાયર વચ્ચે ઉભા રહીને મુસાફરી કરવાનો પ્રયાસ કરી રહ્યા હતા. પરંતુ, વિમાન હવામાં પહોંચતાની સાથે જ આ લોકો એક પછી એક નીચે પડી ગયા. તેઓની હજુ સુધી ઓળખ થઈ શકી નથી. કાબુલમાં કથળતી પરિસ્થિતિ વચ્ચે લૂંટ અને ફાયરિંગની ઘટનાઓ પણ બની રહી છે. એરપોર્ટ પર ફાયરિંગમાં અત્યાર સુધીમાં પાંચ લોકોના મોત થયા છે અને અન્ય ઘણા લોકો ઘાયલ થયા છે.
કાબુલ એરપોર્ટ પર વિમાનમાં ચઢવા માટે, બસ સ્ટેશન અથવા રેલવે સ્ટેશનનો ડબ્બો હોય તેમ ભીડ એકઠી થઈ છે. સોશિયલ મીડિયા પર વાયરલ થઈ રહેલા અન્ય વીડિયોમાં, વિમાનની નજીક ભેગા થયેલા લોકોનું ટોળું વિમાનના રનવે પર દોડતું જોવા મળે છે. આ સાથે, કેટલાક લોકો વિમાનના બાહ્ય ભાગ પર બેઠેલા જોવા મળે છે. આવી સ્થિતિમાં કોઇ મોટો અકસ્માત થવાની શક્યતા નકારી શકાય નહીં.
Insane. Don’t have any other words.
The Kabul Airport.
— Ragıp Soylu (@ragipsoylu) August 16, 2021
તમને જણાવી દઈએ કે અફઘાનિસ્તાન હાલમાં સત્તા પરિવર્તનના સંકટનો સામનો કરી રહ્યું છે. તાલિબાને અહીં લગામ સંભાળી છે અને પૂર્વ રાષ્ટ્રપતિ અશરફ ગનીએ દેશ છોડી દીધો છે. અગાઉ રવિવારે રાજધાની કાબુલમાં તાલિબાનના પ્રવેશ સાથે પરિસ્થિતિ બગડવાની શરૂઆત થઈ હતી. લોકોને તાલિબાનના ડરને કારણે દેશ છોડવાની ઉતાવળ હતી અને તેના કારણે રાજધાની કાબુલની શેરીઓમાં ચક્કાજામના દ્રશ્યો જોવા મળ્યા હતા.
તાલિબાનનો આતંક / વડોદરા રહેતા અફઘાન વિધાર્થીઓની વ્યથા, પાકિસ્તાનનું પાપ છે તાલિબાન
વરસાદ,વાવણી અને ધરતીપુત્ર / રાજ્યમાં વરસાદ ખેંચાતા ખેડૂતોમાં ચિંતા, પાક નિષ્ફળ જવાનો ખેડૂતોને ભય
રક્ષાબંધન / દૂર રહેતા ભાઈઓને બહેનો અત્યારથી કરી રહી છે કુરિયર
