અફઘાનિસ્તાનમાં તાલિબાનની ક્રૂરતાને જોતા સોશિયલ મીડિયા એપ ફેસબુકે મોટી કાર્યવાહી કરી છે. આ અંતર્ગત હવે ફેસબુક યુઝર્સ અન્ય કોઇની ફ્રેન્ડ લિસ્ટ જોઇ શકશે નહીં. ફેસબુકે તેને હંગામી ધોરણે લાગુ કરી દીધું છે.
ફેસબુકના સુરક્ષા નીતિના વડા, નાથાનિયલ ગ્લેઇશરે કહ્યું કે, અફઘાનિસ્તાનમાં ફેસબુક પર લોકોની ફ્રેન્ડ લીસ્ટ જોવાનો અથવા શોધવાનો વિકલ્પ અસ્થાયી રૂપે બંધ કરવામાં આવ્યો છે. આ અફઘાન વપરાશકર્તાઓને તાલિબાનના સંભવિત હુમલાઓથી બચાવવાનો પ્રયાસ છે.
ગ્લેઇશરે એક સોશિયલ મીડિયા પોસ્ટમાં જણાવ્યું હતું કે એક સપ્તાહની સખત મહેનત પછી, ફેસબુકે અફઘાનિસ્તાનના લોકો માટે વન ક્લિક ટુલ વિકસાવ્યું છે જે તેમને તેમના એકાઉન્ટ બંધ કરવાની મંજૂરી આપે છે.
4/ We’ve launched a one-click tool for people in Afghanistan to quickly lock down their account. When their profile is locked, people who aren’t their friends can’t download or share their profile photo or see posts on their timeline. pic.twitter.com/pUANh5uBgn
— Nathaniel Gleicher @[email protected] (@ngleicher) August 19, 2021
એવી આશંકા હતી કે તાલિબાન સોશિયલ સાઇટ્સની મદદથી અફઘાન નાગરિકોના સામાજિક જોડાણો અને ડિજિટલ ઇતિહાસને ટ્રેક કરી શકે છે. સોશિયલ મીડિયા કંપનીઓ વપરાશકર્તાઓને લઈને ચિંતિત છે
ફેસબુકે તેના યુઝર્સ માટે ‘વન-ક્લિક ટૂલ’ લોન્ચ કર્યું. આ ટુલનો ઉપયોગ કર્યા પછી, જે લોકો તેમના મિત્રોની સૂચિમાં નથી તેઓ તેમની ટાઈમલાઈન પોસ્ટ્સ જોઈ શકશે નહીં અથવા તેમના પ્રોફાઇલ ફોટા શેર કરી શકશે નહીં.
ટ્વિટર
ટ્વિટર શક્ય તેટલી વહેલી તકે જૂની ટ્વીટ ડિલીટ કરવાનું કામ કરી રહ્યું છે. આ માટે કંપની ઇન્ટરનેટ આર્કાઇવની મદદ લઇ રહી છે. જો અફઘાન નાગરિકો તેમની મહત્વની માહિતી ધરાવતા ખાતાઓને એક્સેસ કરવામાં અસમર્થ હોય, તો કંપની આ ખાતાઓને અસ્થાયી રૂપે બંધ કરી શકે છે. કંપનીએ કહ્યું કે જ્યાં સુધી યુઝર્સ આ એકાઉન્ટ્સને એક્સેસ નહીં કરે અને તેમની સાથે જોડાયેલી તમામ મહત્વની માહિતી ડિલીટ ન કરે ત્યાં સુધી એકાઉન્ટ્સ લોક રાખવામાં આવશે.
લિંક્ડઇન
લિંક્ડઇન તેના વપરાશકર્તાઓના જોડાણો છુપાવ્યા છે. કંપનીના પ્રવક્તાના જણાવ્યા અનુસાર, આ પછી, અન્ય વપરાશકર્તાઓ હવે સોશિયલ મીડિયા સાઇટ પર આ માહિતીનો ઉપયોગ કરી શકશે નહીં.
માનવાધિકાર સંગઠનો અને પત્રકારોએ અફઘાન લોકોની માહિતી સુરક્ષિત રાખવા માટે સોશિયલ મીડિયા કંપનીઓ પાસેથી માંગ ઉઠાવી હતી. ફેસબુકની સાથે સાથે ઇન્સ્ટાગ્રામ, ટ્વિટર અને લિંક્ડઇન જેવી સોશિયલ મીડિયા એપ્સ પણ આ દિશામાં પગલા લઇ રહી છે. આ અંતર્ગત, તમામ કંપનીઓ અફઘાન યુઝર્સના સોશિયલ મીડિયા એકાઉન્ટને તાલિબાનથી બચાવવા માટે સુરક્ષિત કરી રહી છે.
અગાઉ, ઘણા માનવ અધિકાર સંગઠનો અને પત્રકારોએ સોશિયલ મીડિયા કંપનીઓને આ તરફ ધ્યાન આપવા કહ્યું હતું. તેમાં કહેવામાં આવ્યું છે કે ઉગ્રવાદી સંગઠન તાલિબાન આ સાઇટ્સની મદદથી અફઘાન નાગરિકોના સામાજિક જોડાણો અને ડિજિટલ ઇતિહાસને ટ્રેક કરી શકે છે.
પ્રતિબંધ / ફેસબુક બાદ યુટ્યુબ અને વોટ્સએપએ મુક્યો તાલીબાન પર પ્રતિબંધ
વપરાશકર્તાઓ ચહેરાના હાવભાવ સાથે મોબાઇલને કરી શકશે ઓપરેટ
હેકરને તે જ કંપનીમાં નોકરી મળી જ્યાંથી ક્રિપ્ટોકરન્સી ચોરાઈ હતી
સેમસંગ આપશે 50,000 યુવાનોને તાલીમ અને રોજગારી, NSDC સાથે MOU સાઇન કર્યા
