રાજકીય વ્યૂહરચનાકાર પ્રશાંત કિશોર માને છે કે ભારતીય જનતા પાર્ટી આગામી દાયકાઓ સુધી ભારતીય રાજકારણમાં પોતાનો દબદબો બનાવી રાખશે. પ્રશાંત કિશોરે તેમની ગોવા મુલાકાત દરમિયાન આ વાત કહી છે.
પ્રશાંત કિશોરે કહ્યું, ‘જેમ ભારતીય રાજનીતિના પ્રથમ 40 વર્ષોમાં કોંગ્રેસ કેન્દ્રમાં હતી, તેવી જ રીતે ભાજપ ભલે તે હારે કે જીતે, રાજકારણના કેન્દ્રમાં ભાજપ જ રહેશે. ભાજપ ક્યાંય જવાનું નથી. એકવાર તમે રાષ્ટ્રીય સ્તરે 30% વોટ મેળવી લો, પછી આટલી જલ્દી રાજકીય ચિત્રથી દૂર ન જી શકો.
લોકો મોદીથી નારાજ છે તેવા ઢોંગમાં ન પડો.
પ્રશાંત કિશોરે ગોવાના મ્યુઝિયમમાં વાતચીત દરમિયાન કહ્યું, “લોકો ગુસ્સે થઈ રહ્યા છે અને તેઓ મોદીને બહાર ફેંકી દેશે તેવા ભ્રમમાં ક્યારેય ન આવશો.” કદાચ તેઓ મોદીને બહાર દુર કરશે. પરંતુ ભાજપ ક્યાંય જઈ રહ્યું નથી. તમારે આગામી કેટલાક દાયકાઓ સુધી ભાજપ સામે લડવું પડશે.
રાહુલ ગાંધી મૂંઝવણમાં છે
કિશોરે કોંગ્રેસના નેતા રાહુલ ગાંધી વિશે કહ્યું કે તેઓ કદાચ એવા ભ્રમમાં છે કે જ્યાં સુધી મોદી સત્તામાં છે ત્યાં સુધી ભાજપ મજબૂત છે. કિશોરે કહ્યું, ‘આ જ સમસ્યા રાહુલ ગાંધીની છે. કદાચ, તેમને લાગે છે કે એ સમયની વાત છે જ્યારે લોકો તેમને (નરેન્દ્ર મોદી)ને સત્તામાંથી બહાર ફેંકી દેશે.
મોદીની શક્તિને હરાવવા માટે સમજવું પડશે
પ્રશાંત કિશોરે કહ્યું, ‘જ્યાં સુધી તમે તેમની (મોદીની) તાકાત નહીં સમજો ત્યાં સુધી તમે તેમને હરાવી શકશો નહીં. હું જોઉં છું કે સમસ્યા એ છે કે મોટાભાગના લોકો તેમની શક્તિઓને સમજવા માટે તેમનો સમય પસાર કરતા નથી. તેની લોકપ્રિયતાનું કારણ શું છે તે સમજવું પડશે. જો તમે આ સમજો છો, તો જ તમે તેમને હરાવવા માટે કાઉન્ટર શોધી શકો છો.
કોંગ્રેસ ભાજપનું ભવિષ્ય કેવી રીતે જુએ છે?
કોંગ્રેસ મોદી અને બીજેપીનું ભવિષ્ય કેવી રીતે જુએ છે તેના પર કિશોરે કહ્યું, “તમે જાઓ અને કોંગ્રેસના કોઈપણ નેતા અથવા કોઈપણ પ્રદેશના નેતા સાથે વાત કરો, તેઓ કહેશે, ‘બસ સમય કી બાત હૈ, લોકો કંટાળી ગયા છે, અને લોકો તેમને બહાર ફેંકી દેશે, પરંતુ મને નથી લાગતું કે આવું થશે.’
દેશમાં વિભાજિત મતદાર આધાર મોટી સમસ્યા છે
દેશમાં વિભાજિત મતદાર આધાર તરફ ઈશારો કરતા કિશોરે કહ્યું, “જો તમે મતદાર આધારને જુઓ તો તે એક તૃતીયાંશ અને બે તૃતીયાંશ વચ્ચેની લડાઈ છે. માત્ર એક તૃતીયાંશ લોકો ભાજપને મત આપી રહ્યા છે અથવા ભાજપને સમર્થન આપવા માંગે છે. સમસ્યા એ છે કે બે તૃતીયાંશ મતદારો 10, 12 કે 15 રાજકીય પક્ષોમાં વહેંચાયેલા છે. આ કોંગ્રેસની નબળાઈને કારણે છે.
લૂંટનો પ્રયાસ નિષ્ફળ / શાહીબાગમાં નળ રીપેરીંગ કરવાના નામે ઘરમાં ઘુસ્યા અને …
ચોંકાવનારી ઘટના / યુટ્યુબ જોઈને 17 વર્ષની છોકરીએ આપ્યો બાળકને જન્મ, માતા-પિતા હતા સમગ્ર ઘટનાથી અજાણ
World / તાલિબાન સાથેની દોસ્તી પાકિસ્તાનને ભારે પડી, અફઘાનિસ્તાન સરહદ પર આતંકવાદી હુમલામાં 8 સૈનિકોના મોત
