કચ્છના નાના રણનો વિસ્તાર 4953 ચોરસ મીટર જેટલો છે. ત્યાં દર વખતે ઠંડીની સીઝનમાં વિદેશી પક્ષીઓ બહુજ મોટી સંખ્યામાં આવતા હોય છે. જે આ વખતે પણ જોવા મળે છે.
હાલમાં રણની અંદર મોટી સંખ્યામાં પક્ષીઓ આવ્યા છે. ખાસ કરીને શિયાળામાં ઠંડી હોવાથી આ પક્ષીઓ અહીંયા ખોરાકની શોધ માં આવે છે. સાથે અહીંયા આ જગ્યામાં તે નેસ્ટિંગ પણ કરે છે. બતક, ફ્લેમિંગો, સુરખાબ,તેમજ કુંજ જેવા અલગ અલગ પક્ષીઓ હજારો કિલોમીટર દૂર થી અહીંયા આવેછે. અને લગભગ શિયાળાના ચાર મહિના તે અહિયાં જ રોકાય છે.
આ પક્ષીઓને જોવા માટે પક્ષીપ્રેમી તેમજ પ્રવાસીઓ મોટી સંખ્યામાં આવે છે.અહીંયા કોઈ આ પક્ષીઓ નો શિકાર ન કરે અથવા તેમને કોઈ જાતની તકલીફ ન પડે તે માટે ઘુડખર અભયારણ્ય ધ્રાંગધ્રા દ્વારા દેખરેખ રાખવામાં આવે છે. અને પ્રવાસીઓને આ વિદેશી પક્ષી વિષે ની માહિતી આપવામાં આવે છે.
જયારે પ્રવાસી પણ આ વિદેશી પક્ષીઓ જોઈને ખુશ છે.અને તંત્ર દ્વારા આ પક્ષીઓ વિષે માહિતી મળે તે ખૂબ જ સરસ છે. આ પક્ષીઓ વહેલી સવારે વધુ જોવા મળે છે. ઉલ્લેખનીય છે કે આ ઠંડીની સિઝન દરમિયાન નેસ્ટિંગ પણ થાય છે જે આ વખતે 50,000 જેટલા માળા જોવા મળેલ છે.
