કોરોનાની લહેર અટક્યા બાદ કેજરીવાલ સરકારે દિલ્હીના લોકોને મોટી રાહત આપી છે. હવે રાજધાનીમાં માસ્ક નહીં લગાવવા પર કોઈ ચલણ કે દંડ નહીં લાગે. ગુરુવારે યોજાયેલી દિલ્હી ડિઝાસ્ટર મેનેજમેન્ટ ઓથોરિટી (DDMA)ની બેઠકમાં આ નિર્ણય લેવામાં આવ્યો હતો. જોકે, એપિડેમિક એક્ટ ચાલુ રહેશે, જેથી કોરોનાની તપાસ અને રસીકરણ ચાલુ રહેશે. આપને જણાવી દઈએ કે દિલ્હીમાં કોરોનાની સ્થિતિ સંપૂર્ણપણે નિયંત્રણમાં છે.
ગુરુવારે દિલ્હીના લેફ્ટનન્ટ ગવર્નર અનિલ બૈજલની અધ્યક્ષતામાં ડીડીએમની બેઠક યોજાઈ હતી, જેમાં દિલ્હીના મુખ્યમંત્રી અરવિંદ કેજરીવાલ પણ વીડિયો કોન્ફરન્સિંગ દ્વારા હાજરી આપી હતી. આ બેઠક દિલ્હીમાં કોરોના અને રસીકરણની સ્થિતિની સમીક્ષા કરવા માટે બોલાવવામાં આવી હતી. બેઠકમાં નિર્ણય લેવામાં આવ્યો કે હવે માસ્ક નહીં પહેરવા પર કોઈ દંડ વસૂલવામાં આવશે નહીં. અત્યાર સુધી માસ્ક ન પહેરવા પર 500 રૂપિયાના દંડની જોગવાઈ હતી. અગાઉ 2000ના દંડની જોગવાઈ હતી, તે છેલ્લી ડીડીએમએની બેઠકમાં ઘટાડવામાં આવી હતી.
આ પણ વાંચો: મહારાષ્ટ્રમાં શનિવારથી માસ્ક ફરજિયાત નહીં, કોવિડ-19ના તમામ નિયંત્રણો હટાવ્યા
મહારાષ્ટ્રમાં શનિવારથી એટલે કે 2 એપ્રિલથી માસ્ક પહેરવાનું ફરજિયાત રહેશે નહીં. કોવિડના કેસમાં થયેલા ઘટાડાને ધ્યાનમાં રાખીને રાજ્યમાં તમામ કોવિડ-19 પ્રતિબંધો હટાવવાનો નિર્ણય લેવામાં આવ્યો છે. નવરાત્રિ અને હિંદુ નવું વર્ષ ગુડી પડવો 2 એપ્રિલથી શરૂ થઈ રહ્યો છે. રાજ્ય સરકાર દ્વારા જારી કરવામાં આવેલા નિવેદનમાં કહેવામાં આવ્યું છે કે માસ્કનો ઉપયોગ કરવાની સલાહ આપવામાં આવશે પરંતુ તે હવે ફરજિયાત રહેશે નહીં. મુખ્યમંત્રી ઉદ્ધવ ઠાકરેના કાર્યાલય દ્વારા આ જાહેરાત કરવામાં આવી છે. મુખ્યમંત્રી કાર્યાલયે ટ્વીટ કરીને કહ્યું, “ગુડી પડવા શરૂ થતાં જ મહારાષ્ટ્રમાં તમામ કોવિડ પ્રતિબંધો હટાવવામાં આવશે.
