KRK એટલે કે કમલ આર ખાન આ નામ સાંભળતા જ લોકોના મગજમાં તેના વિવાદાસ્પદ નિવેદનો આવવા લાગે છે. ભાગ્યે જ કોઈ એવી સેલિબ્રિટી હશે જેની કમાલ આર ખાનની ટીકા ન થઈ હોય. ફિલ્મ ઈન્ડસ્ટ્રીથી લઈને રાજનેતાઓ સુધી KRK નિવેદનો આપતા ખચકાતા નથી. તે જ સમયે, હવે KRK એ ડ્રગ્સ (Drugs)માં ફસાયેલા અભિનેતા શક્તિ કપૂર (Shakti Kapoor)ના પુત્ર સિદ્ધાંત કપૂર (Siddhanth Kapoor) વિશે ટ્વિટ કર્યું છે. સિદ્ધાંત કપૂર ડ્રગ કેસમાં KRKએ બે ટ્વિટ કર્યા છે.
પહેલા ટ્વીટમાં તેણે લખ્યું- ‘આ બોલિવૂડ #Kaarname અને આ જ કારણ છે કે તેઓ કોઈપણ ખોટા કામમાં પણ સરકાર વિરુદ્ધ બોલી શકતા નથી.’
બીજી તરફ, બીજા ટ્વીટમાં તેણે લોકોને સવાલ પૂછ્યો- ‘શું તમને લાગે છે કે સિદ્ધાંત કપૂરે ડ્રગ્સ લઈને પિતાનું નામ રોશન કર્યું છે. શક્તિ કપૂરનો પુત્ર આવું નહીં કરે તો કોણ કરશે.
આપને જણાવી દઈએ કે 12 જૂનની રાત્રે એમજી રોડ પર હોટલ પાર્કના પબમાં ચાલી રહેલી રેવ પાર્ટીમાં દરોડા દરમિયાન સિદ્ધાંત કપૂરની અટકાયત કરવામાં આવી હતી. તેના પર ડ્રગ્સ લેવાનો આરોપ છે. આ પાર્ટીમાં સિદ્ધાંતને DJ તરીકે બોલાવવામાં આવ્યો હતો.પાર્ટીમાં રહેલા સિદ્ધાંત સહિત 6 લોકો ડ્રગ્સ ટેસ્ટમાં પોઝિટિવ આવ્યા છે.
બેંગ્લોર સિટી ઈસ્ટ ડિવિઝનના ડીસીપી ડૉ. ભીમાશંકરે કહ્યું કે આ મામલામાં હજુ સુધી એ સ્પષ્ટ નથી થયું કે આ બધા ડ્રગ્સ લઈને પાર્ટીમાં આવ્યા હતા કે પછી હોટેલમાં ડ્રગ્સ લેવામાં આવ્યું હતું. તમામ આરોપીઓને ઉલસુર પોલીસ સ્ટેશનમાં લાવવામાં આવ્યા છે. તે જ સમયે, પુત્રને પોલીસ કસ્ટડીમાં લેવાના સમાચાર, શક્તિ કપૂરે કહ્યું – ‘હું ફક્ત એક જ વાત કહી શકું છું, આ શક્ય નથી’.
વર્ષ 2020માં નાર્કોટિક્સ કંટ્રોલ બ્યુરોએ સુશાંત સિંહ રાજપૂત મૃત્યુ કેસ સંબંધિત ડ્રગ્સ કેસમાં પૂછપરછ માટે શ્રદ્ધા કપૂરને બોલાવી હતી. આ દરમિયાન શ્રદ્ધાએ સુશાંત સિંહ રાજપૂતની ફિલ્મ ‘છિછોરે’ માટે પવન ગેસ્ટ હાઉસની સક્સેસ પાર્ટીમાં હાજરી આપવાનું કબૂલ્યું હતું પરંતુ ડ્રગ્સ લેવાની ના પાડી હતી. હવે જોવાનું એ રહેશે કે સિદ્ધાંત કપૂરના આ કેસમાં શું વળાંક આવે છે.
આ પણ વાંચો:કોર્ટે સત્યેન્દ્ર જૈનને 14 દિવસની જ્યુડિશિયલ કસ્ટડીમાં મોકલ્યા
આ પણ વાંચો:રાહુલ ગાંધી માટે રોબર્ટ વાડ્રાએ ભાવનાત્મક પોસ્ટ શેર કરી
આ પણ વાંચો:બહુચર્ચિત નેશનલ હેરાલ્ડ કેસ શું છે ? નેહરુના અખબાર પર કેમ ગાજી રહી છે કાનૂની ગાજ