બોલિવૂડ અભિનેત્રી મલાઈકા અરોરા ઈન્ડસ્ટ્રીની જાણીતી અભિનેત્રી છે. મલાઈકા હંમેશા પોતાના લુકને લઈને લાઈમલાઈટમાં રહે છે. મલાઈકા ઈન્ડસ્ટ્રીની તે અભિનેત્રી છે, જે 48 વર્ષની ઉંમરમાં પણ ફિટનેસના મામલે નવી અભિનેત્રી સાથે સ્પર્ધા કરે છે. સમગ્ર વિશ્વમાં આજે આંતરરાષ્ટ્રીય યોગ દિવસની ઉજવણી કરવામાં આવી રહી છે. યોગ દિવસના અવસર પર અભિનેત્રી મલાઈકા અરોરાએ પોતાનો એક વીડિયો શેર કર્યો છે, જે ચાહકોનું દિલ જીતી રહ્યો છે.
પોતાને ફિટ રાખવા માટે મલાઈકા હંમેશા યોગા અને વર્કઆઉટ કરે છે. અભિનેત્રી ઘણીવાર જીમની બહાર પણ જોવા મળે છે. આટલું જ નહીં, મલાઈકા અરોરા પોતાનો એક યોગ સ્ટુડિયો પણ ચલાવે છે, એટલે કે અભિનેત્રી યોગ કરવાની સાથે અન્યને પણ યોગ શીખવે છે. હવે યોગ દિવસના અવસર પર મલાઈકા અરોરા ખાને ઈન્સ્ટાગ્રામ પર પોતાનો લેટેસ્ટ વીડિયો શેર કર્યો છે. આ વીડિયોમાં મલાઈકા અરોરા યોગ કરતી જોવા મળી રહી છે.
https://www.instagram.com/reel/CfBHEfQIWfr/?utm_source=ig_embed&ig_rid=52f978e5-a558-474d-9b96-e890f4ea106f&__coig_restricted=1
આ યોગા વીડિયોને શેર કરતા મલાઈકા અરોરાએ કેપ્શનમાં લખ્યું છે કે તેને આ ડાયનેમિક પોઝમાં યોગ કરવાનું પસંદ છે. આ સિવાય મલાઈકાએ ચાહકોને તેના યોગા વીડિયો શેર કરવા કહ્યું છે. મલાઈકા અરોરાની આ પોસ્ટ પર તેની ફ્રેન્ડ અને સોહેલ ખાનની એક્સ વાઈસ સીમા સજદેહે ફની કોમેન્ટ કરી છે. મલાઈકાના આ વીડિયો પર ટિપ્પણી કરતી વખતે સીમાએ પૂછ્યું છે કે શું તે શવાસનનો વીડિયો શેર કરી શકે છે.
જણાવી દઈએ કે સીમા સજદેહ મલાઈકા અરોરાની વહુ રહી છે. સીમા એક્ટર સોહેલ ખાનની પૂર્વ પત્ની છે. તાજેતરમાં, સોહેલ અને સીમાએ કોર્ટમાં છૂટાછેડા માટે અરજી કરી છે, જેના કારણે તેઓ સતત ચર્ચામાં રહે છે.
