દિલ્હીની ઓલ ઈન્ડિયા ઈન્સ્ટીટ્યુટ ઓફ મેડિકલ સાયન્સ (AIIMS) પર થયેલા સાયબર હુમલામાં લાખો દર્દીઓનો અંગત ડેટા ચોરાઈ ગયો હતો. સૂત્રોના જણાવ્યા અનુસાર ચોરાયેલો ડેટા ડાર્ક વેબ પર વેચવામાં આવ્યો છે. આ મામલામાં ચીનના લોકોની સંડોવણી હોવાની આશંકા છે.

સૂત્રોના જણાવ્યા અનુસાર, સાયબર હુમલા દરમિયાન ચીની હેકર્સે એઈમ્સના પાંચ મુખ્ય સર્વરને નિશાન બનાવ્યું હતું. ચોરાયેલો ડેટા સંભવતઃ ડાર્ક વેબ પર વેચવામાં આવ્યો હતો. ચોરેલો AIIMS ડેટા શોધવા માટે ડાર્ક વેબ પર 1,600 થી વધુ શોધ કરવામાં આવી છે. ચોરાયેલા ડેટામાં રાજકારણીઓ અને સેલિબ્રિટીઓ સહિત VVIPની અંગત માહિતીનો સમાવેશ થાય છે.

દિલ્હી પોલીસના સાયબર ક્રાઈમ યુનિટ IFSO (ધ ઈન્ટેલિજન્સ ફ્યુઝન એન્ડ સ્ટ્રેટેજિક ઓપરેશન્સ)ના સૂત્રોના જણાવ્યા અનુસાર, પાંચ સર્વર પર હુમલો કરવામાં આવ્યો હતો. એફએસએલની ટીમ લીક થયેલા ડેટાની તપાસ કરી રહી છે. IFSO અધિકારીઓનું કહેવું છે કે કોઈ ડેટાનો નાશ થયો નથી. આ પ્રથમ વખત છે જ્યારે હેકિંગનો કેસ IFSOને સોંપવામાં આવ્યો છે. હેકર્સનો મુખ્ય ઉદ્દેશ્ય નાણાંની ઉચાપત છે.

હેકર્સે 200 કરોડ રૂપિયાની કરી હતી માંગણી

હેકર્સે AIIMS પાસેથી ડેટાના બદલામાં ક્રિપ્ટોકરન્સીના રૂપમાં 200 કરોડ રૂપિયાની માંગણી કરી છે. એવી આશંકા છે કે AIIMSના લગભગ 3-4 કરોડ દર્દીઓના ડેટા હેકિંગથી પ્રભાવિત થયા છે. હેકિંગની ઘટના બુધવારે સવારે પ્રકાશમાં આવી હતી. જેના કારણે એઈમ્સમાં દર્દીઓની સારવાર પણ પ્રભાવિત થઈ છે. સર્વર ડાઉનના કારણે ઈમરજન્સી, આઉટપેશન્ટ, ઇનપેશન્ટ અને લેબોરેટરી વિંગની કામગીરી પ્રભાવિત થઈ છે.

AIIMSમાં નેટવર્ક સેનિટાઈઝેશનનું કામ ચાલી રહ્યું છે. સર્વર અને કોમ્પ્યુટરને એન્ટીવાયરસથી સાફ કરવામાં આવી રહ્યા છે. AIIMS માં 5,000 કમ્પ્યુટર્સમાંથી લગભગ 1,200 પર એન્ટિવાયરસ લોડ થયેલ છે. તે જ સમયે, 50 માંથી 20 સર્વર સ્કેન કરવામાં આવ્યા છે. સેનિટાઈઝેશનનું કામ 24×7 ચાલી રહ્યું છે.

આ પણ વાંચો:“બંગાળીઓ માટે માછલી બનાવીશું” ટિપ્પણી બદલ અભિનેતા પરેશ રાવલે માંગી માફી

આ પણ વાંચો:અમદાવાદમાં સતત બીજા દિવસે પણ PM નરેન્દ્ર મોદીનો ભવ્ય રોડ શો ,શાહીબાગથી સરસપુર રૂટ પર યોજાશે

આ પણ વાંચો:PM મોદીના રોડ શોમાં એમ્બ્યુલન્સ આવતા કાફલાને રોક્યો: VIDEO