ઇન્કમટેક્સ રિટર્નની તારીખ આવી રહી છે. દેશના દરેક નાગરિક જે આવકવેરાના દાયરામાં આવે છે તેણે ટેક્સ ભરવો પડે છે. એક્ટ, 1961 હેઠળ આવકવેરાની જોગવાઈ કરવામાં આવી છે. પરંતુ શું તમે દેશના આવા રાજ્ય વિશે જાણો છો, જ્યાં રહેતા લોકોને ટેક્સ ચૂકવવો પડતો નથી. આવો જાણીએ આ કયું રાજ્ય છે અને અહીંના લોકો ટેક્સ કેમ નથી ભરતા.
ભારતના આ એકમાત્ર રાજ્યનું નામ સિક્કિમ છે. ભારતના બંધારણની કલમ 372(F) મુજબ, સિક્કિમમાં રહેતા લોકોને ટેક્સ સ્લેબની બહાર રાખવામાં આવ્યા છે. ચાલો જાણીએ આ પાછળનું કારણ શું છે.
સિક્કિમના લોકો ટેક્સ કેમ ભરતા નથી?
સિક્કિમનું ભારતમાં વિલિનીકરણ વર્ષ 1975માં થયું હતું. સિક્કિમ એ શરત સાથે ભારતનો ભાગ બન્યો કે તે તેના જૂના કાયદા અને વિશેષ દરજ્જાને પહેલાની જેમ જ જાળવી રાખશે. અને ભારત સરકારે આ શરત સ્વીકારી હતી. તેથી, સિક્કિમના પોતાના અલગ કર નિયમો છે, જે વર્ષ 1948માં બનાવવામાં આવ્યા હતા. સિક્કિમ ઈન્કમટેક્સ મેન્યુઅલ 1948 હેઠળ, સિક્કિમમાં રહેતા કોઈપણ રહેવાસીએ ભારત સરકારને ટેક્સ ચૂકવવો પડતો નથી.
વર્ષ 2008માં સંપૂર્ણ મુક્તિ મળી હતી
વર્ષ 2008માં સિક્કિમના લોકોને ટેક્સમાંથી સંપૂર્ણ મુક્તિ આપવામાં આવી હતી. સિક્કિમમાંથી જરૂરી ટેક્સ કાયદાઓ પણ દૂર કરવામાં આવ્યા હતા. નાણાકીય વર્ષ માટે કેન્દ્રીય બજેટમાં આવકવેરા કાયદામાં એક અલગ કલમ 10 (26AAA) ઉમેરવામાં આવી હતી. આ કાયદો કહે છે કે સિક્કિમના રહેવાસીઓએ ભારત સરકારને ટેક્સ ચૂકવવો પડશે નહીં. તેમાં કલમ 371 (F) પણ ઉમેરવામાં આવી હતી, જે સિક્કિમના લોકોને મળતા વિશેષ દરજ્જાને બંધારણીય સુરક્ષા પ્રદાન કરે છે. આ સાથે જ ભારત સરકારે સિક્કિમના 94 ટકા લોકોને ટેક્સમાં છૂટ આપી છે. જ્યારે અહીં કેટલાક ખાસ પરિવારો રહેતા હતા જેમને ટેક્સના દાયરામાં રાખવામાં આવ્યા હતા.
આ પણ વાંચો: “શું અલ્લાહ ત્યારે જ સાંભળે છે જ્યારે લાઉડસ્પીકર પર અઝાન વગાડવામાં આવે છે?” ભાજપના ધારાસભ્ય ઇશ્વરપ્પાના નિવેદન પર વિવાદ
આ પણ વાંચો:છોકરીઓ અને મહિલાઓને Kiss કરીને ભાગી જાય છે આ વ્યક્તિ, જુઓ CCTV
આ પણ વાંચો:દોહા જતી ઈન્ડિગો ફ્લાઈટમાં એક મુસાફરનું મોત, કરાચીમાં થયું ઈમરજન્સી લેન્ડિંગ
આ પણ વાંચો:સાવધાનઃ ફરીથી બિલ્લીપગે પગપેસારો કરતો કોરોના, સાત દિવસમાં કેસો બમણા થયા
