દીકરીના આખી રાત બહાર રહેવાના કારણે એક પિતા કેટલી હદે જઈ શકે છે, આ ઘટના પહેલા ભાગ્યે જ કોઈએ વિચાર્યું હશે. પંજાબના અમૃતસરમાં એક નિહંગ પિતાએ તેની 16 વર્ષની પુત્રીની તલવારથી હત્યા કરી નાખી. આ પછી પણ તેનો ગુસ્સો શમ્યો નહીં, તેથી તેણે પુત્રીના મૃતદેહને તેની મોટરસાઇકલની પાછળ બાંધી દીધો અને તેને આખા ગામમાં ખેંચી ગયો. અહેવાલો અનુસાર, સગીરા રાત્રે કોઈ અન્યના ઘરે રોકાઈ હતી. આ ઘટનાનો વીડિયો પણ સોશિયલ મીડિયા પર વાયરલ થઈ રહ્યો છે, જેમાં તે મૃતદેહને ખેંચતો જોઈ શકાય છે.

પોલીસનું કહેવું છે કે તેમની પાસે મૃતદેહને ખેંચીને રેલવે ટ્રેક પર ફેંકવાના સીસીટીવી ફૂટેજ મળ્યા છે. આરોપી પિતાની ધરપકડ કરીને શુક્રવારે કોર્ટમાં રજૂ કરવામાં આવ્યો છે. આરોપીએ કહ્યું કે તે અન્ય માતા-પિતા જેવો નથી કે જેઓ તેમની દીકરીઓ ખોટું કરે તો તેને ઢાંકી દે છે. તેણે કહ્યું કે તેને પોતાના કૃત્ય માટે કોઈ પસ્તાવો નથી.

Shocking incident of Honor killing in #Amritsar
A father murdered his daughter who was missing from home for 2 days.
Tied his daughter's dead body to his motorcycle and dragged it across the village.#Punjab #Murder #fatherdaughter #HonorKilling #crime pic.twitter.com/AttM6Nvxxi

— Parkash Fulara प्रकाश फुलारा (@Fulara_Parkash) August 11, 2023

તેમણે કહ્યું કે તે નથી ઈચ્છતો કે તેની દીકરીએ જે કર્યું તે અન્ય છોકરીઓ કરે. કોર્ટે પોલીસને એક દિવસના રિમાન્ડ મંજૂર કર્યા હતા. પોલીસે કહ્યું, અમને જાણવા મળ્યું કે નિહંગ શીખ છે, તેણે પહેલા તેની છોકરીની તલવારથી હત્યા કરી અને પછી તેને મોટરસાઇકલ પરથી ખેંચીને રેલવે ટ્રેક પર ફેંકી દીધી. છોકરીના શરીર પર ખૂબ ઊંડા ઘા હતા. તેની સામે હત્યાનો કેસ નોંધવામાં આવ્યો છે. બાદમાં આરોપીની ધરપકડ કરવામાં આવી હતી.

પોલીસે જણાવ્યું કે, એવું કહેવામાં આવ્યું છે કે છોકરી એક દિવસ પહેલા જ જાણ કર્યા વિના ઘર છોડીને ચાલી ગઈ હતી. એક દિવસ પછી જ્યારે તે પાછી આવી ત્યારે તેના પિતા સાથે ઝઘડો થયો હતો. આ પછી આરોપીએ તલવાર કાઢીને તેની હત્યા કરી નાખી. ત્યારબાદ મોટરસાઇકલ પાછળ તેના પગ બાંધીને તેને રેલવે ટ્રેક તરફ ખેંચી ગયો હતો.

આ પણ વાંચો:ડોક્ટર સાથે ઝગડ્યા તો તમારી દવા નહીં થાય….

આ પણ વાંચો:રાહુલ ગાંધીના નિવેદન પર ગુસ્સે થયા કેન્દ્રીય મંત્રી પ્રહલાદ જોશી, કહ્યું- માનસિક સંતુલન ગુમાવી દીધું છે

આ પણ વાંચો:નકલી સહી કેસમાં રાઘવ ચઢ્ઢાને વિશેષાધિકાર સમિતિએ મોકલી નોટિસ, AAP નેતાએ ભાજપ ફેંક્યો પડકાર્યો

આ પણ વાંચો:દિલ્હી સર્વિસ બિલ બન્યો કાયદો, રાષ્ટ્રપતિની મંજૂરી, ભારત સરકારનું જાહેરનામું બહાર