ભારતમાં ચાલી રહેલા ન્યૂઝ ક્લિક વિવાદ વચ્ચે અમેરિકાએ મોટો ખુલાસો કર્યો છે કે ચીન તેના આયર્ન બ્રધર પાકિસ્તાનના મીડિયા પર કબજો કરવા માગે છે. યુએસ સ્ટેટ ડિપાર્ટમેન્ટે પોતાના એક રિપોર્ટમાં કહ્યું છે કે, ચીને એક એવી મિકેનિઝમ બનાવી છે જેના દ્વારા આંતરરાષ્ટ્રીય સ્તર પર મીડિયામાં તેના દૃષ્ટિકોણને પ્રોત્સાહન કરી શકાય છે. ચીન પાકિસ્તાની મીડિયા પર મજબૂત પકડ રાખવા માગે છે. આટલું જ નહીં ચીન હવે રશિયા સાથે મળીને માહિતીના ક્ષેત્રમાં કામ કરી રહ્યું છે. ચીને તેની વિરુદ્ધ કોઈપણ અહેવાલોનો જવાબ આપવા માટે અન્ય ભાગીદારો સાથે મળીને કામ કરવાનો પ્રયાસ કર્યો છે.
અમેરિકાએ કહ્યું કે અન્ય ભાગીદાર દેશોમાં પાકિસ્તાન અગ્રણી છે. રિપોર્ટમાં કહેવામાં આવ્યું છે કે ચીન ‘ફર્જી માહિતી સાથે કામ કરવા’ પર પાકિસ્તાનને સહયોગ કરી રહ્યું છે. જેમાં ચાઈના પાકિસ્તાન ઈકોનોમિક કોરિડોર મીડિયા ફોરમ પણ સામેલ છે. ચીન અને પાકિસ્તાન બંને સંયુક્ત રીતે આ મીડિયા ફોરમનો ઉપયોગ તેઓ જેને ડિસઇન્ફોર્મેશન અને ‘માલિન ઇન્ફોર્મેશન’ માને છે તેનો સામનો કરવા માટે કરી રહ્યા છે. બંને દેશોએ CPEC રેપિડ રિસ્પોન્સ ઇન્ફોર્મેશન નેટવર્ક પણ બનાવ્યું છે.
પાકિસ્તાનના મીડિયા પર ચીનનો સંપૂર્ણ નિયંત્રણ
એટલું જ નહીં, ચીન અને પાકિસ્તાને મીડિયા કોરિડોર શરૂ કરવાનું વચન પણ આપ્યું છે. વર્ષ 2021ના યુએસ સ્ટેટ ડિપાર્ટમેન્ટના રિપોર્ટમાં કહેવામાં આવ્યું છે કે ચીને પાકિસ્તાની મીડિયા પર મોટા પ્રમાણમાં નિયંત્રણ મેળવવા માટે વાતચીત કરી હતી. તે ચીન-પાકિસ્તાન મીડિયા કોરિડોરનો ભાગ હતો. આ સિવાય એક નર્વ સેન્ટર પણ બનાવવાનું હતું જેમાં પાકિસ્તાનની માહિતી પર નજર રાખવાની હતી. પાકિસ્તાને ચીનની આ માગને વધારે મહત્વ આપ્યું ન હતું. આ સમગ્ર સિસ્ટમનો સૌથી મોટો ફાયદો ચીનને મળ્યો હોત અને ડ્રેગન તેના મિત્ર દેશના મીડિયા પર સંપૂર્ણ નિયંત્રણ મેળવ્યું હોત.
ચીનના ડ્રાફ્ટ પેપરમાં કહેવામાં આવ્યું છે કે ચીન અને પાકિસ્તાનની સરકારો એક નર્વ સેન્ટરની સ્થાપના કરશે જેથી માહિતી પર નજર રાખી શકાય. આ દ્વારા ચીન તેની થિંક ટેન્ક, ઓફિનિયન, CPEC સ્ટડી સેન્ટર, મીડિયા સંસ્થાઓ અને ચીની કંપનીઓ વિશેની માહિતી પણ સામેલ કરે છે. ચીન પણ તેની માહિતીને ઉર્દૂમાં અનુવાદિત કરવા માંગતું હતું જેથી તે પાકિસ્તાની જનતાના અભિપ્રાયને પ્રભાવિત કરી શકે. પાકિસ્તાનમાં ચીની દૂતાવાસે પાકિસ્તાનની સત્તાવાર પ્રેસ રિલીઝ સિસ્ટમમાં સીધો હસ્તક્ષેપ કર્યો હોત. તેણે પાકિસ્તાની જનતાની ટીકા પર નજર રાખી અને તેની સામે ઝુંબેશ શરૂ કરી.
આ પણ વાંચો: રાજકોટ/ જેતપુરમાં રોડ પર સિક્કાનો વરસાદ, વીણવા લોકોની પડાપડી
આ પણ વાંચો: West Bengal/ AAP બાદ હવે TMC મંત્રી પણ EDના રડાર પર
આ પણ વાંચો: Surat-Youth Death/ સુરતમાં ગરબા રમતા 28 વર્ષીય યુવકનું મોત