ભારતના પેરા-એથ્લેટ્સે શનિવારે ઈતિહાસ રચ્યો હતો. ભારતીય ખેલાડીઓએ હાંગઝોઉ પેરા એશિયન ગેમ્સમાં પોતાનો 100મો મેડલ જીત્યો. ભારતીય પેરા એથ્લેટ્સે પ્રથમ વખત 100 મેડલના આંકને સ્પર્શ કર્યો છે, જે તેને પેરા એશિયન ગેમ્સનું અત્યાર સુધીનું તેમનું સૌથી સફળ અભિયાન બનાવે છે. એશિયન પેરા ગેમ્સ 2023માં ભારતીય પેરા એથ્લેટ્સની આ ઐતિહાસિક જીત પર પીએમ મોદીએ X પ્લેટફોર્મ પર તમામ ખેલાડીઓને અભિનંદન પાઠવ્યા હતા.
ભારતે 26 ગોલ્ડ, 29 સિલ્વર અને 45 બ્રોન્ઝ સહિત 100 મેડલ જીતીને શાનદાર પ્રદર્શન કર્યું છે. આ પહેલા ભારતે 2018માં ઈન્ડોનેશિયામાં આયોજિત પેરા એશિયન ગેમ્સમાં પોતાનું સર્વશ્રેષ્ઠ પ્રદર્શન કર્યું હતું અને 72 મેડલ જીત્યા હતા. આજે દિલીપ ગાવિતે પુરુષોની T-47 400 મીટર દોડમાં 49.48 સેકન્ડના સમય સાથે ગોલ્ડ મેડલ જીત્યો હતો.
100 MEDALS at the Asian Para Games! A moment of unparalleled joy. This success is a result of the sheer talent, hard work, and determination of our athletes.
This remarkable milestone fills our hearts with immense pride. I extend my deepest appreciation and gratitude to our… pic.twitter.com/UYQD0F9veM
— Narendra Modi (@narendramodi) October 28, 2023
પીએમ મોદીએ અભિનંદન પાઠવ્યા હતા
સોશિયલ મીડિયા પ્લેટફોર્મ ‘X’ પર ખુશી વ્યક્ત કરતા પીએમ નરેન્દ્ર મોદીએ લખ્યું- ‘એશિયન પેરા ગેમ્સમાં 100 મેડલ! અપૂર્વ આનંદની ક્ષણ. આ સફળતા આપણા ખેલાડીઓની પ્રતિભા, મહેનત અને સંકલ્પનું પરિણામ છે. આ અદ્ભુત સીમાચિહ્નરૂપ અમારા હૃદયને અપાર ગર્વથી ભરી દે છે. હું અમારા અવિશ્વસનીય એથ્લેટ્સ, કોચ અને તેમની સાથે કામ કરતી સમગ્ર સપોર્ટ સિસ્ટમ પ્રત્યે મારી ઊંડી પ્રશંસા અને આભાર વ્યક્ત કરું છું. આ જીત આપણને બધાને પ્રેરણા આપે છે અને યાદ અપાવશે કે આપણા યુવાનો માટે કશું જ અશક્ય નથી.
આ પણ વાંચો: ધમકી/ સલમાન, શાહરૂખ પછી મુકેશ અંબાણીને પણ મળી જીવથી મારી નાખવાની ધમકી
આ પણ વાંચો: Lunar Eclipse/ ચંદ્રગ્રહણ પર રચાતા ગજકેસરી યોગથી આ જાતકોને થશે ધનલાભ
આ પણ વાંચો: ASSAM/ ‘સરકારી કર્મચારીઓને બીજા લગ્ન કરવાનો અધિકાર નથી, જો ધર્મ પરવાનગી આપે તો…’
