ભારતમાં  મોટાભાગના શહેરોના નામ માધાપુર, કાનપુર, નાગપુની જેમ રાખવામાં આવ્યા છે.  આ સિવાય એવા ઘણા શહેરો છે જેમના નામના અંતે ‘પુર’ આવે છે.  જ્યારે કેટલાકના નામ સાથે ‘હાલી’ જોડાયેલ હોય છે. છેવટે, શહેરોના નામના અંતે આવતા ‘પુર, હાલી, પલ્લી’ વગેરેનો અર્થ શું છે? આ શહેરોના નામના અંતે ઉમેરાયેલા શબ્દોનું વિશેષ મહત્વ અને અર્થ છે.

પ્રદેશ પ્રમાણે બદલાય છે નામ

ભારતમાં ઉત્તરીય ભાગોમાં મોટાભાગના શહેરોના નામની પાછળ પૂર જોવા મળે છે અર્થાત્ જયપુર, ઉદયપુર, ગોરખપુર જેવા નામ છે.  શું તમે જાણો છો કે ‘પુર’ એટલે શું? વાસ્તવમાં પુર એ સંસ્કૃત શબ્દ છે, જેનો અર્થ થાય છે ‘ગામ’. આમાંના મોટાભાગના શહેરોમાં કોઈને કોઈ કિલ્લો છે.

‘હાલી’ શબ્દ કર્ણાટકના ગામોના નામ સાથે જોડાયેલો છે, તેનો અર્થ એ થાય છે કે આ નામવાળા ગામો કર્ણાટક સાથે જોડાયેલા છે અને ‘હાલી’ ને કન્નડમાં ‘ગામ’ કહેવાય છે. તેવી જ રીતે, આંધ્રપ્રદેશ, તેલંગાણા અને ઓડિશામાં મોટાભાગના ગામોના નામના અંતે ‘પલ્લી’ શબ્દ જોડાયેલ છે.

આંધ્રપ્રદેશ, તેલંગાણા અને ઓડિશાના ગામો કે શહેરોના નામ ચિંતપલ્લી, નૌપલ્લી વગેરે જેવા છે. અહીં ‘પલ્લી’નો અર્થ તેલુગુમાં ગામ પણ થાય છે. એ જ રીતે મહારાષ્ટ્રમાં ‘વાડી’ શબ્દ છે, મરાઠીમાં ‘વાડી’નો અર્થ ખેતરની આસપાસનું ગામ છે.

તમિલનાડુ, આંધ્રપ્રદેશ અને તેલંગાણામાં ઘણા શહેરો અને સ્થળના નામના અંતે ‘પુરમ’ જોડાયેલ છે. જેમ કે રામનાથપુરમ, રંગાપુરમ વગેરે. ઉત્તર પ્રદેશના ઘણા શહેરોના નામના અંતે ‘બાદ’ જોડાયેલ છે, જેમ કે ફૈઝાબાદ, અલ્હાબાદ વગેરે. ‘કોટ, દુર્ગ, ગઢ’ વગેરે કેટલાક સ્થળોના નામ સાથે જોડાયેલા છે, જેનો અર્થ છે કે અહીં કિલ્લો છે અથવા આ કિલ્લાની આસપાસના ગામો અથવા શહેરો છે. તમને એ પણ જણાવી દઈએ કે ‘ગિરી’ નો અર્થ પર્વત થાય છે.

જો કોઈ શહેરના નામના અંતે ‘નગર’ જોડાયેલ હોય, તો તેનો અર્થ એ છે કે તે એક નાનું શહેર અથવા ગામ છે. આ રીતે દરેક ગામના નામ સાથે જોડાયેલા શબ્દો પરથી તમે સરળતાથી જાણી શકો છો કે તે સ્થળની વિશેષતા શું છે. જો કે, કેટલાક શહેરો એવા છે જેમના નામ ઉપર જણાવેલ નામો સાથે મેળ ખાતા નથી, તેઓ અપવાદ છે.

નામ પરથી શહેરની મળશે ઓળખ

ઉત્તરથી લઈને દક્ષિણ સુધી અને પૂર્વથી લઈને પશ્ચિમ સુધી ભારતમાં શહેરોના નામ તેના પ્રદેશ એટલે ત્યાંના સ્થાનિક વિસ્તાર સાથે વધુ જોડાયેલા છે. આ નામ તે ત્યાંના સ્થાનિક વિસ્તારોની આગવી વિશેષતા સૂચવે છે. જુદા-જુદા રાજ્યો વિવિધ બોલી અને વિવિધ પહેરવેશ એ ભારતની સંસ્કૃતિની ઓળખ છે. અને જે-તે શહેરના નામ પણ તે પ્રદેશની વિશિષ્ટ ઓળખ સૂચવે છે આથી જ્યારે તમે કાનપુર શહેર નામ સાંભળો ત્યારે ઉત્તરભારત અને અને રંગાપુરમ જેવા શહેરનું નામ સાંભળો ત્યારે તે દક્ષિણનું હોવાનું નામ પરથી જ જાણી શકશો.

આ પણ વાંચો: Gujarat/ગુજરાતમાં માર્ચના આરંભે ફરી જોવા મળશે ઠંડીની લહેર, અનેક સ્થાનો પર વરસાદની સંભાવના

આ પણ વાંચો: Solar Park-Notice/સોલર પાર્કના ડાયરેક્ટરને ધારીના મામલતદારની નોટિસ

આ પણ વાંચો: Himalayan Region Drought/માત્ર 3 ડિગ્રી વધુ… અને આખો હિમાલય સુકાઈ જશે, વૈજ્ઞાનિકોએ ‘આપત્તિ’ વિશે આપી મોટી ચેતવણી

આ પણ વાંચો:વિદેશી સામાનની વધુ તપાસ ન કરવા લાંચ લેતા કસ્ટમના બે અધિકારી સહિત 3 ઝડપાયા