દક્ષિણની પ્રખ્યાત અભિનેત્રી અને કન્ટેન્ટ સર્જક સૌમ્યા શેટ્ટીની વિશાખાપટ્ટનમ પોલીસે ધરપકડ કરી છે. અભિનેત્રી પર સોનાની ચોરીનો આરોપ છે. કહેવામાં આવી રહ્યું છે કે અભિનેત્રી સૌમ્યા શેટ્ટીએ આ ચોરી ભારતીય ટપાલ વિભાગના એક નિવૃત્ત કર્મચારીના ઘરે કરી હતી. અભિનેત્રીએ આ ઘટનાને તેના જ મિત્રના ઘરે અંજામ આપ્યો હતો. એવું કહેવામાં આવી રહ્યું છે કે પોલીસે સમયસર કાર્યવાહી કરી અને એફઆઈઆર નોંધી અને સૌમ્યાની ધરપકડ કરી.

આ પ્રકારની ચોરી

ભારતીય ટપાલ વિભાગના નિવૃત્ત કર્મચારી પ્રસાદ બાબુએ તેમના ઘરમાંથી 150 તોલા સોનાના દાગીનાની ચોરી અંગે પોલીસમાં ફરિયાદ કરી હતી. પોલીસનું કહેવું છે કે સૌમ્યા અવારનવાર પ્રસાદના ઘરે જતી હતી. પ્રસાદની પુત્રી મોનિકા સાથે તેની ગાઢ મિત્રતા હતી અને તેના કારણે તે તેની જીવનશૈલી અને મોંઘી વસ્તુઓથી વાકેફ હતી. આવી સ્થિતિમાં તેને પરિવારના વિશ્વાસનો ખોટો ફાયદો ઉઠાવ્યો છે. પોલીસે જણાવ્યું કે સૌમ્યા તેના બેડરૂમમાં ઘણી વખત સોનું ચોરવા ગઈ હતી. બાથરૂમ જવાનું બહાનું બનાવીને તે વારંવાર રૂમમાં જતી રહેતી.

પોલીસે કાર્યવાહી હાથ ધરી હતી

જ્યારે મોનિકાના પરિવારજનો લગ્નમાંથી પરત આવ્યા ત્યારે તેમને ખબર પડી કે ઘરમાં રાખેલી સોનાની વસ્તુઓ ગાયબ છે, જેના પગલે ફરિયાદ નોંધાવવામાં આવી હતી. ફોરેન્સિક તપાસમાં ફિંગર પ્રિન્ટ અને સીસીટીવી ફૂટેજ પણ લેવામાં આવ્યા હતા. 11 લોકો શંકાના દાયરામાં આવ્યા. આ પછી, પૂછપરછ કરવામાં આવી હતી જેમાં ત્રણ લોકોની ધરપકડ કરવામાં આવી હતી અને પ્રશ્નો પૂછવામાં આવ્યા હતા. આમાં સૌમ્યા પણ સામેલ છે. પોલીસે આ મામલે સૌમ્યા વિરુદ્ધ ગુનો નોંધીને કાર્યવાહી હાથ ધરી છે. આ ચોરી કર્યા બાદ સૌમ્યા શેટ્ટી ચાલાકીપૂર્વક ગોવા જતી રહી.

74 ગ્રામ સોનું ઝડપાયું

ધરપકડ બાદ સૌમ્યા શેટ્ટીએ ચોરીની કબૂલાત કરી હતી. અત્યાર સુધી પોલીસને 74 ગ્રામ સોનું મળી આવ્યું છે. અભિનેત્રી કહે છે કે તેની પાસે બાકીનું સોનું નથી, તેથી તે તેને પરત કરી શકતી નથી. આ સમગ્ર મામલે હજુ આગળની કાર્યવાહી ચાલુ છે.

આ પણ વાંચોઃ ગૃહમાં વોટના બદલે નોટ લેનારા સાંસદો, ધારાસભ્યોને કાયદાકીય સંરક્ષણ નહીં

આ પણ વાંચોઃ પર્યાવરણ પ્રેમીઓ માટે AMCની નવી પહેલ, શહેરમાં બોન્સાઈ ટોપીયોરી શોનું આયોજન