વડાપ્રધાન નરેન્દ્ર મોદી તેમના ભૂતાનના પ્રવાસે રવાના થઈ ગયા છે. આ પહેલા પીએમ મોદીની ભૂટાનની સૂચિત રાજ્ય મુલાકાત ખરાબ હવામાનને કારણે સ્થગિત કરવામાં આવી હતી. આ પછી બંને તરફથી નવી તારીખ નક્કી કર્યા બાદ હવે પીએમ મોદી ભૂતાન જવા રવાના થઈ ગયા છે. આ સંદર્ભે PM મોદીની તસવીર પણ સામે આવી છે. PM મોદી ભારત સરકારની ‘નેબરહુડ ફર્સ્ટ પોલિસી’ હેઠળ મોદી 21-22 માર્ચે ભૂતાનની મુલાકાત લેવાના હતા.

જણાવી દઈએ કે PM મોદી ભૂતાનની બે દિવસીય મુલાકાતે રવાના થઈ ગયા છે. ગત વખતની મુલાકાત રદ થયા બાદ વિદેશ મંત્રાલયે પોતાના નિવેદનમાં કહ્યું હતું કે પારો એરપોર્ટ પર ખરાબ હવામાનને કારણે વડાપ્રધાનની 21-22ના રોજ ભૂતાનની રાજ્ય મુલાકાતને સ્થગિત કરવાનો પરસ્પર નિર્ણય લેવામાં આવ્યો છે.

હકીકતમાં, પૂર્વ ભારતના ભાગોમાં બુધવારે ભારે વરસાદ પડી રહ્યો હતો અને ભારતીય હવામાન વિભાગ (IMD) એ બિહાર, ઝારખંડ, ઉત્તર પશ્ચિમ બંગાળ અને ઓડિશા માટે ‘ઓરેન્જ’ એલર્ટ જાહેર કર્યું હતું. ભુતાનના વડા પ્રધાન શેરિંગ તોબગે ગયા અઠવાડિયે ગુરુવારથી પાંચ દિવસની ભારતની મુલાકાતે હતા. જાન્યુઆરીમાં વડાપ્રધાન તરીકેનો કાર્યભાર સંભાળ્યા બાદ આ તેમની પ્રથમ વિદેશ યાત્રા હતી. તેમની મુલાકાત દરમિયાન તેઓ રાષ્ટ્રપતિ દ્રૌપદી મુર્મુ અને વડાપ્રધાન મોદીને મળ્યા હતા. વિવિધ ઉદ્યોગોના વડાઓ સાથે બેઠકો યોજવા ઉપરાંત, તેમણે અન્ય ઘણા કાર્યક્રમોમાં પણ હાજરી આપી હતી.

દરમિયાન, હવામાન વિભાગે આગામી બે દિવસમાં ઉત્તર પશ્ચિમ બંગાળ અને ઉત્તર-પૂર્વીય ક્ષેત્રના ભાગોમાં વરસાદની આગાહી કરી છે. અને એવું પ્રથમ વખત નથી જ્યારે PM મોદી ભૂતાનની મુલાકાતે ગયા હોય. જણાવી દઈએ કે બંને દેશો વચ્ચેના સંબંધો સારા છે. આવી સ્થિતિમાં કેન્દ્ર સરકારે પોતાની વિદેશ નીતિઓમાં ફેરફાર કરતા વર્ષ 2014થી જ પડોશી દેશો પર ધ્યાન આપવાનું શરૂ કર્યું હતું. ભૂતાન જતા પહેલા પીએમ મોદીની એક તસવીર પણ સામે આવી છે, જ્યાં વડાપ્રધાન એરપોર્ટ પર પ્લેનની સીડીઓ પર ઉભા રહીને લોકોનું સ્વાગત કરી રહ્યા છે.

આ પણ વાંચોઃરાજ્યમાં હીટવેવની ચેતવણી, નેતાઓને ગરમીમાં કરવો પડશે પ્રચાર

આ પણ વાંચોઃયુજીસીની લોકપાલ નીમવાની સૂચનાને ઘોળીને પી ગઈ ગુજરાતની 20 યુનિવર્સિટી

આ પણ વાંચોઃ પોલીસકર્મીએ હાથ લારીને લીધી અડફેટે, ત્યારબાદ તપાસમાં થયેલા ખુલાસાને વાંચશો તો…