Dharma news: વૈદિક જ્યોતિષ પ્રમાણે અગિયારસને ખૂબ જ શુભ માનવામાં આવે છે. હિન્દુ ધર્મમાં અગિયારસનું વ્રતનું ખૂબ મહત્વ છે. અગિયારસના વ્રતના દિવસે ભગવાન વિષ્ણુની પણ વિધિ-વિધાનથી પૂજા કરવામાં આવે છે.
હિંદુ નવા વર્ષની પહેલી અગિયારસ આવતીકાલે એટલે કે 5 એપ્રિલે છે. ધાર્મિક માન્યતાઓ અનુસાર ચૈત્ર મહિનાની પ્રથમ એકાદશીને પાપમોચની અગિયારસ કહેવામાં આવે છે.
વૈદિક જ્યોતિષ અનુસાર ચૈત્ર માસના કૃષ્ણ પક્ષની અગિયારસ તિથિએ પાપમોચની અગિયારસનું વ્રત કરવામાં આવે છે. ચૈત્ર કૃષ્ણ પક્ષની અગિયારસ 4 એપ્રિલે એટલે કે આજે સાંજે 4.14 વાગ્યે શરૂ થઈ રહી છે અને 5 એપ્રિલે બપોરે 1.28 વાગ્યે સમાપ્ત થશે. ઉદયા તિથિ અનુસાર, પાપમોચની અગિયારસનું વ્રત 5 એપ્રિલ 2024 એટલે કે આવતીકાલે કરવામાં આવશે. તેમજ 6 એપ્રિલને શનિવારે સૂર્યોદય બાદ પારણા કરવામાં આવશે.
જ્યોતિષના મતે પાપમોચની અગિયારસના દિવસે અનેક પ્રકારના શુભ યોગો બની રહ્યા છે. જેમાંથી એક સાધ્યયોગ છે. પાપમોચની અગિયારસનું વ્રત ધનિષ્ઠા નક્ષત્રમાં કરવામાં આવશે. શુક્રવારે સવારે 9.55 વાગ્યા સુધી સાધ્ય યોગ રહેશે. તે પછી જ શુભ યોગ શરૂ થશે. જ્યોતિષના મતે ધનિષ્ઠા નક્ષત્ર પણ આવતીકાલે સાંજે 6.07 વાગ્યા સુધી રહેશે. આ શુભ મુહૂર્તમાં દાનનું વિશેષ મહત્વ આપવામાં આવ્યું છે. પાપમોચની અગિયારસના દિવસે અભિજીત મુહૂર્ત બપોરે 12 થી 12.50 વચ્ચે રહેશે.
આ પણ વાંચો:હનુમાન જયંતી પર બજરંગબલીના 10 મંત્રનો જાપ કરો
આ પણ વાંચો: બુધના વક્રી થવાથી આ બે રાજયોગનું નિર્માણ થશે, કઈ રાશિઓને ફાયદો થશે
આ પણ વાંચો: રવિવારના દિવસે ભગવાન સૂર્યની આ રીતે પૂજા કરો અને દરેક ક્ષેત્રમાં સફળતા મેળવો
