ICC T20 વર્લ્ડ કપ 2024 1 જૂનથી શરૂ થવા જઈ રહ્યો છે. આ ટુર્નામેન્ટ માટે તમામ ટીમોએ તૈયારીઓ કરી લીધી છે. આ આઈસીસી ટૂર્નામેન્ટમાં કુલ 20 ટીમો ભાગ લેવા જઈ રહી છે, તમામ ટીમો કોઈપણ રીતે આ ટ્રોફી જીતવાનો પ્રયાસ કરશે. પાકિસ્તાનની ટીમ પણ કોઈને કોઈ રીતે ટી-20 વર્લ્ડ કપનો ખિતાબ જીતવા માટે પ્રયાસ કરી રહી છે. પરંતુ આ ટૂર્નામેન્ટની શરૂઆત પહેલા જ પાકિસ્તાનની ટીમના એક ખેલાડીને મોટો આંચકો લાગ્યો છે. પાકિસ્તાની ઘાતક બેટ્સમેન પર 5 વર્ષનો પ્રતિબંધ લગાવવામાં આવ્યો છે. આ ખેલાડીએ પીએસએલમાં પણ ખૂબ ધૂમ મચાવી હતી. તેને  પાકિસ્તાન સુપર લીગમાં સતત બે સદી ફટકારી હતી, પરંતુ હવે આ ખેલાડીની મુશ્કેલીઓ વધી ગઈ છે. તેના પર ECB એટલે કે UAE ક્રિકેટ બોર્ડ દ્વારા 5 વર્ષનો પ્રતિબંધ લગાવવામાં આવ્યો છે, ECBએ દેશ સાથે વિશ્વાસઘાત કરવા બદલ ખેલાડી પર પ્રતિબંધ લગાવ્યો છે. આ કારણે, ખેલાડી આગામી 5 વર્ષ સુધી ECB હેઠળની કોઈપણ ટૂર્નામેન્ટમાં ભાગ લઈ શકશે નહીં.

શા માટે પ્રતિબંધ મૂકવામાં આવ્યો 

આ પાકિસ્તાની ખેલાડીનું નામ ઉસ્માન ખાન છે, જે પીએસએલમાં મોહમ્મદ રિઝવાનની ટીમ મુલતાન સુલ્તાન્સ તરફથી રમે છે. ઉસ્માન ખાને PSL 2024માં પોતાના બેટથી ઘણા રન બનાવ્યા હતા. આ ટૂર્નામેન્ટમાં ખેલાડીએ 2 સદીની ઇનિંગ્સ પણ રમી હતી. ઉસ્માનનો જન્મ પાકિસ્તાનમાં થયો હતો, પરંતુ તે UAEની ટીમ માટે આંતરરાષ્ટ્રીય ક્રિકેટ રમતો હતો. હવે જ્યારે ઉસ્માને પીએસએલમાં શાનદાર ઇનિંગ રમી ત્યારે પીસીબીએ તેને પોતાની ટીમ સાથે ટી20 વર્લ્ડ કપ રમવા માટે લલચાવ્યું હતું. ખેલાડીઓ પણ પાકિસ્તાન સાથે જોડાવા માટે સંમત થયા હતા. તે ICC T20 વર્લ્ડ કપ 2024માં પાકિસ્તાન તરફથી રમતા જોવા મળી શકે છે. PSL ખતમ થયા બાદ તમામ વિદેશી ખેલાડીઓ સ્વદેશ પરત ફર્યા હતા, પરંતુ ઉસ્માને પાકિસ્તાની ખેલાડીઓ સાથે પ્રેક્ટિસ શરૂ કરી દીધી હતી.

ખેલાડીઓ આ લીગમાં ભાગ લઈ શકશે નહીં

ઉસ્માન ખાનના આ પગલાથી ECB ગુસ્સે થઈ ગયું. ઉસ્માન ઈન્ટરનેશનલ ક્રિકેટમાં UAE માટે રમતો હતો, પરંતુ જ્યારે તેણે પાકિસ્તાન સાથે જોડાવાનું નક્કી કર્યું ત્યારે ECBએ તેના પર 5 વર્ષનો પ્રતિબંધ લગાવી દીધો. ઉસ્માન હવે 5 વર્ષ સુધી ECB દ્વારા આયોજિત કોઈપણ ટૂર્નામેન્ટમાં ભાગ લઈ શકશે નહીં. વર્લ્ડ કપ પહેલા પાકિસ્તાનને ન્યુઝીલેન્ડ સામે પણ સીરીઝ રમવાની છે, એવી આશા છે કે ઉસ્માન આ સીરીઝમાં પણ રમતા જોવા મળશે. ખેલાડી પર 5 વર્ષ માટે પ્રતિબંધ મૂકવામાં આવ્યો હતો, જેનો અર્થ છે કે તે 2029 સુધી UAEમાં બે ટ્વેન્ટી20 લીગ, ILT20 અને અબુ ધાબી T10 ચૂકી જશે.

આ પણ વાંચો: Rishabh Pant/પંતને ફટકારવામાં આવ્યો 12 લાખનો દંડ જાણો કેમ

આ પણ વાંચો:RCB vs KKR Live: કોલકાતાએ બેંગલુરુને 7 વિકેટે હરાવ્યું

આ પણ વાંચો:ક્રિકેટર પૂજા વસ્ત્રાકરે ઈન્સ્ટાગ્રામ સ્ટોરી ડીલિટ કરી, PM અને દિગ્ગજ નેતાઓ પરની પોસ્ટ વાયરલ