કોણ બનશે મોદી કેબિનેટનો હિસ્સો? નીતીશથી લઈને નાયડુ અને ચિરાગ પાસવાન સુધી આ છે દાવેદાર

Modi Government Third Cabinet: લોકસભા ચૂંટણી 2024 જીત્યા બાદ NDAએ ફરી એકવાર વડાપ્રધાન નરેન્દ્ર મોદીને પોતાના નેતા તરીકે પસંદ કર્યા છે. ગઈકાલે સાંજે એનડીએની બેઠકમાં જેડીયુ નેતા નીતિશ કુમાર અને ટીડીપી પ્રમુખ ચંદ્રબાબુ નાયડુએ સર્વસંમતિથી મોદી સરકારને લીલી ઝંડી આપી દીધી હતી. પીએમ મોદી ટૂંક સમયમાં ત્રીજી વખત શપથ લેતા જોવા મળશે. આવી સ્થિતિમાં તમામની નજર મોદી કેબિનેટ પર છે.

દરેક વ્યક્તિ મોદી સરકારના ત્રીજા કાર્યકાળમાં કેબિનેટ મંત્રી બનવાની હરીફાઈ કરી રહ્યા છે. ભાજપના નેતાઓથી લઈને ગઠબંધન પક્ષોના નેતાઓ પણ મોદી કેબિનેટનો હિસ્સો હોવાનો દાવો કરી રહ્યા છે. મીડિયા રિપોર્ટ્સ અનુસાર, ઘણા નેતાઓએ મહત્વપૂર્ણ મંત્રાલયોની માગ કરી છે, જ્યારે ભાજપે મોટા મંત્રાલયો પોતાની પાસે રાખવાની ઓફર કરી છે.

નીતિશ કુમાર (જેડીયુ)

જેડીયુ પ્રમુખ અને બિહારના મુખ્યમંત્રી નીતિશ કુમાર 12 બેઠકો સાથે એનડીએનો ભાગ છે. આવી સ્થિતિમાં તેમણે ચાર મંત્રાલયોની માંગણી કરી છે. જો અહેવાલો પર વિશ્વાસ કરવામાં આવે તો, નીતિશ કુમારે રેલવે, ગ્રામીણ વિકાસ, જલ શક્તિ અને પરિવહન મંત્રાલયોની માંગણી કરી છે. તમને જણાવી દઈએ કે નીતીશ કુમાર અટલ બિહારી વાજપેયીની સરકારમાં રેલવે મંત્રી રહી ચૂક્યા છે. આ સાથે જ તેમણે બિહારના જળ સંકટને ઉકેલવા માટે જળ મંત્રાલયની માંગ કરી છે.

Met our valued NDA partners. Ours is an alliance that will further national progress and fulfil regional aspirations. We will serve the 140 crore people of India and work towards building a Viksit Bharat. pic.twitter.com/ENo9b5ye4J

— Narendra Modi (@narendramodi) June 5, 2024

ચંદ્રબાબુ નાયડુ (ટીડીપી)

આંધ્ર પ્રદેશમાં 16 લોકસભા બેઠકો જીતનાર ચંદ્રબાબુ નાયડુએ એનડીએને સમર્થન આપવા બદલ કેટલાક મંત્રાલયો પણ માંગ્યા છે. અહેવાલો અનુસાર ચંદ્રબાબુ નાયડુ અને જનસેના પાર્ટીના અધ્યક્ષ પવન કલ્યાણે પાંચ મંત્રાલયોની માંગણી કરી છે. આ યાદીમાં રોડ, પંચાયતી રાજ, આરોગ્ય અને શિક્ષણ મંત્રાલયનો સમાવેશ થાય છે.

ચિરાગ પાસવાન (LJP)

બિહારમાં પાંચ બેઠકો જીતનાર ચિરાગ પાસવાને પણ NDAને સમર્થન આપ્યું છે. અહેવાલો અનુસાર, ચિરાગે કેબિનેટ મંત્રીનું પદ પણ માંગ્યું છે. જોકે, ચિરાગ પાસવાને આ અહેવાલોને સ્પષ્ટપણે નકારી કાઢ્યા હતા. તેમનું કહેવું છે કે તેઓ માત્ર મોદીને વડાપ્રધાન બનતા જોવા માંગે છે અને તેમને બીજું કંઈ જોઈતું નથી.

આ સિવાય એવા પણ અહેવાલ છે કે કર્ણાટકના જેડીએસ નેતા એચડી કુમારસ્વામીએ પણ કૃષિ મંત્રાલયની માંગ ઉઠાવી છે. આ ઉપરાંત બિહારની ગયા લોકસભા બેઠક પરથી જીતેલા જીતન રામ માંઝીએ પણ એક મંત્રાલય માંગ્યું છે. જો કે, આ સમાચારની હજુ ઔપચારિક પુષ્ટિ થઈ નથી.

#WATCH दिल्ली: NDA सरकार में अपनी पार्टी द्वारा 2-3 कैबिनेट पदों की मांग की खबरों पर LJP (रामविलास) प्रमुख चिराग पासवान ने कहा, "मैं ऐसी सभी बातों का खंडन करता हूँ। कोई मांग नहीं है। कोई मांग हो ही नहीं सकती क्योंकि हमारा लक्ष्य प्रधानमंत्री को फिर से प्रधानमंत्री बनाना था…यह… pic.twitter.com/8HBfRsBIEk

— ANI_HindiNews (@AHindinews) June 6, 2024

ભાજપે શરત મૂકી

મીડિયા રિપોર્ટ્સ અનુસાર, મંત્રાલયની માંગણી કરનારા કેટલાક સહયોગી પક્ષોને બીજેપીએ મોટા મંત્રાલયો આપવાનો સ્પષ્ટ ઈન્કાર કરી દીધો છે. મોદી સરકારના ત્રીજા કાર્યકાળમાં પણ ભાજપે રક્ષા, વિદેશ, નાણા, કાયદો અને ગૃહ મંત્રાલય પોતાની પાસે રાખવાની ઓફર કરી છે. હવે એ જોવાનું રસપ્રદ રહેશે કે એનડીએ શું સહમત થાય છે.