Iran News: મધ્ય પૂર્વમાં ચાલી રહેલી લડાઈ વચ્ચે શનિવારે ઈરાન પર મોટો સાઈબર હુમલો થયો. અહેવાલો અનુસાર, ઈરાનની સરકાર અને પરમાણુ સ્થળો પરના આ સાયબર હુમલામાં ઘણી મહત્વપૂર્ણ માહિતી ચોરાઈ છે. આ હુમલામાં સરકારની ત્રણેય શાખાઓને નિશાન બનાવવામાં આવી છે. આ સાયબર હુમલો ક્યારે થયો અને કોણે કર્યો તે અંગે કોઈ માહિતી નથી. નોંધનીય છે કે 1 ઓક્ટોબરના રોજ ઈરાને ઈઝરાયેલ પર મિસાઈલોથી હુમલો કર્યો હતો. ત્યારથી ઇઝરાયલ ગુસ્સે છે અને તેણે બદલો લેવાની પ્રતિજ્ઞા લીધી છે. તાજેતરમાં જ ઈઝરાયેલના વડાપ્રધાને પણ આ સંબંધમાં એક બેઠક યોજી હતી, જેમાં ઈરાનના પરમાણુ સ્થળોને નિશાન બનાવવાના મુદ્દા પર ચર્ચા થઈ હતી.
ઈરાન ઈન્ટરનેશનલે ઈરાનની સુપ્રીમ કાઉન્સિલ ઓફ સાયબર સિક્યુરિટીના ભૂતપૂર્વ સેક્રેટરી ફિરોઝાબાદીને ટાંકીને જણાવ્યું હતું કે ઈરાનની સરકારની ત્રણેય શાખાઓ – ન્યાયતંત્ર, ધારાસભા અને કારોબારી શાખા પર મોટો સાયબર હુમલો થયો છે. અહીંથી મોટા પાયે માહિતીની ચોરી થઈ છે. તેમણે કહ્યું કે આ હુમલામાં ન્યુક્લિયર બેઝની સાથે ઈંધણ વિતરણ, મ્યુનિસિપલ નેટવર્ક, ટ્રાન્સપોર્ટેશન નેટવર્ક, પોર્ટ અને અન્ય નેટવર્કને નિશાન બનાવવામાં આવ્યા છે. આ દેશભરના વિવિધ વિસ્તારોની લાંબી યાદીનો એક ભાગ છે કે જેના પર હુમલા થયા છે.
આ પણ વાંચો: અકસ્માતે મહિલાનું જીવન બદલ્યું, જીવ બચાવવા કર્યું ઓપરેશન, છતાં પણ સ્થિતિ….
આ પણ વાંચો: ઇટાલીમાં પ્લેનની પાંખમાં વિસ્ફોટ થતાં લાગી ભીષણ આગ, 184 મુસાફરોની ચીસો
આ પણ વાંચો: અડધી સદીના વિવાદનો અંત, બ્રિટન મોરેશિયસને ‘ચાગોસ’ ટાપુ પરત કરશે, હિંદ મહાસાગરમાં સ્થાન કેમ મહત્વનું છે?
