Assam News : આસામની મોરીગાંવ જિલ્લા જેલમાંથી 5 અંડરટ્રાયલ કેદીઓ ભાગી ગયા છે. અધિકારીઓએ આ માહિતી આપી હતી. મોરીગાંવ જિલ્લા કમિશ્નર દેવાશિષ શર્માએ જણાવ્યું કે જેલમાંથી કેદીઓ ભાગી જવાની ઘટના સવારે 1 થી 2 વાગ્યાની વચ્ચે બની હતી. તેમણે કહ્યું, ‘પાંચે અન્ડરટ્રાયલ કેદીઓ પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સ એક્ટ (POCSO) હેઠળ આરોપી છે. મોરીગાંવ અને સોનિતપુર જિલ્લામાંથી તેમની ધરપકડ કરવામાં આવી હતી. શર્માએ જણાવ્યું કે આ ઘટના શુક્રવારે બની હતી. અન્ય એક અધિકારીએ જણાવ્યું કે કેદીઓએ લોખંડના સળિયા તોડી નાખ્યા.
ત્યારબાદ ચાદર, ધાબળો અને લુંગીનો દોરડા તરીકે ઉપયોગ કરીને તેઓ જેલની 20 ફૂટ ઉંચી દિવાલ પરથી નીચે ઉતર્યા હતા.વરિષ્ઠ અધિકારીએ કહ્યું કે ફરાર કેદીઓને પકડવા માટે સર્ચ ઓપરેશન ચાલી રહ્યું છે. દેવાશિષ શર્માએ કહ્યું કે આ ઘટનાની મેજિસ્ટ્રેટ તપાસના આદેશ આપવામાં આવ્યા છે. તેમણે કહ્યું કે તપાસમાં એ પણ જાણવા મળશે કે જેલના સુરક્ષાકર્મીઓ તરફથી કોઈ ક્ષતિ હતી કે કેમ. અધિકારીએ જણાવ્યું કે, ‘આ પાંચ લોકોમાંથી ત્રણ વિરુદ્ધ લારીઘાટ પોલીસ સ્ટેશનમાં કેસ નોંધાયેલા છે, જ્યારે અન્ય બેની મોઇરાબારી અને તેજપુર પોલીસ સ્ટેશન વિસ્તારમાંથી ધરપકડ કરવામાં આવી છે.’તે જ સમયે, છત્તીસગઢની રાયપુર સેન્ટ્રલ જેલમાં કેદ એક અન્ડરટ્રાયલ કેદી ભાગી ગયો.
બુધવારે 9 ઓક્ટોબરે તેને કોર્ટમાં હાજર કરવા માટે લાવવામાં આવ્યો હતો. દરમિયાન તે પોલીસ કોન્સ્ટેબલને ચકમો આપી સ્થળ પરથી ફરાર થઈ ગયો હતો. બનાવની જાણ થતાં વિભાગમાં ખળભળાટ મચી ગયો હતો. પોલીસની ટીમ ફરાર કેદીને શોધવામાં વ્યસ્ત છે. મામલો સિવિલ લાઇન પોલીસ સ્ટેશન વિસ્તારનો છે. પોલીસને ચકમો આપીને નાસી છૂટેલા આ આરોપીનું નામ સજય ભટ્ટાચાર્ય છે. જ્યારે કેદી ભાગી રહ્યો હતો ત્યારે કોન્સ્ટેબલ શિવમ દિવેદી પણ તેનો મોબાઈલ ફોન લઈને ફરાર થઈ ગયો હતો. કોન્સ્ટેબલના જણાવ્યા અનુસાર જ્યારે કેદીએ ભાગવાનો પ્રયાસ કર્યો તો તે તેને પકડવા દોડ્યો અને મદદ માટે બૂમો પાડી.
આ પણ વાંચો:ભારતના અરુણાચલ પ્રદેશ મામલે ચીનની હેરાનગતિ વધી, વિવિધ સ્થળોના 30 નામોની બહાર પાડી યાદી
આ પણ વાંચો:કેજરીવાલને જયુડિશીયલ કસ્ટડીમાં 15 એપ્રિલ સુધી જેલમાં ખાશે રોટલી…
આ પણ વાંચો:બંગાળના જલપાઈગુડીમાં વાવાઝોડાના કારણે મૃત્યુઆંક 5, 100થી વધુ ઘાયલ
આ પણ વાંચો:એપ્રિલ ! ખુશ ખબર, ગેસ સિલિન્ડરની કિમંતોમાં સતત વધારા બાદ કરાયો ભાવમાં ઘટાડો
