Ahmedabad News: અમદાવાદમાં 1,000 ટન કચરા પર પ્રક્રિયા કરીને ગુજરાતના સૌથી મોટા વેસ્ટ-ટુ-એનર્જી પ્લાન્ટનું (Waste to Energy) ઉદઘાટન કરવામાં આવશે. AMC દ્વારા જિંદાલ અર્બન વેસ્ટ મેનેજમેન્ટ કંપની સાથે PPP ધોરણે સ્થાપવામાં આવેલા આ પ્લાન્ટમાં કચરા પર પ્રક્રિયા કરીને 15 વોટ પ્રતિ કલાકના પાવર જનરેશન પ્લાન્ટનું ઉદ્ઘાટન કરવામાં આવશે.
આમ, કચરામાંથી 15 મેગાવોટ (Megawatt Electricity) પ્રતિ કલાક એટલે કે દરરોજ 360 મેગાવોટ વીજળી ઉત્પન્ન થશે. આ પ્લાન્ટમાંથી ઉત્પન્ન થતી વીજળી પણ એજન્સી દ્વારા ગુજરાત ઉર્જા વિકાસ નિગમને રૂ. 6.31 પ્રતિ કિલોવોટના દરે પૂરી પાડવામાં આવશે.
આગામી ત્રણ-ચાર મહિનામાં આ પ્લાન્ટ દ્વારા રોજના 1,200 થી 1,500 ટન કચરાને પ્રોસેસ કરીને વધુ વીજળી ઉત્પન્ન કરવામાં આવશે. સ્ટેન્ડિંગ કમિટીના ચેરમેન દેવાંગ દાણીએ જણાવ્યું હતું કે શહેરમાંથી દરરોજ 5000 મેટ્રિક ટન કચરો પીરાણા સ્થિત ડમ્પ સાઇટ પર ઠલવાય છે.
AMC એ સમગ્ર શહેરમાંથી એકત્ર થતા ઘન કચરાના નિકાલની સમસ્યાને ઘટાડવાના ઉદ્દેશ્ય સાથે પીરાણામાં જિંદાલ અર્બન વેસ્ટ મેનેજમેન્ટને ઘન કચરામાંથી શક્તિ ઉત્પન્ન કરવાનું કાર્ય સોંપ્યું છે.
એજન્સી RDF આધારિત ઇન્સિનરેશન ટેક્નોલોજીનો ઉપયોગ કરીને બોઈલરમાં મ્યુનિસિપલ ઘન કચરાને બાળીને 65 tpi સ્ટીમ ઉત્પન્ન કરશે. આ વરાળ 15 મેગાવોટ પ્રતિ કલાકની ક્ષમતા ધરાવતી ટર્બાઇન દ્વારા 15 મેગાવોટ પ્રતિ કલાક વીજળી ઉત્પન્ન કરશે. આમ કુલ 1000 ટન કચરામાંથી પ્રતિદિન 360 મેગાવોટ વીજળી ઉત્પન્ન થશે જે પાવર ગ્રીડને સપ્લાય કરવામાં આવશે.
આ પણ વાંચો: જામનાગરવાસીઓને મળી ગુજરાતના સૌપ્રથમ વેસ્ટ ટુ એનર્જી પ્લાન્ટની સુવિધા
આ પણ વાંચો: નાકરાવાડી લેન્ડ ફીલ સાઈટ ખાતે ૪ મેગાવોટ લેન્ડ માઉન્ટેડ સોલાર પાવર પ્લાન્ટ મૂકવાનું આયોજન,૧૮ કરોડની જોગવાઈ
આ પણ વાંચો: અમદાવાદનો સૌથી મોટો કચરાનો ઢગ હવે શહેરને આપશે વીજળી
