Jamnagar News: જામનગર જીલ્લા પોલીસ વડા પ્રેમસુખ ડેલુ એ ખોટો વેચાણ કરાર બનાવી તથા સરકારી જમીનો પર દબાણ કરનાર ઇસમો વિરૂધ્ધ કડક કાર્યવાહી કરવા સૂચના આપી હતી. આ સૂચનાના પગલે નાયબ પોલીસ વડા આર.બી.દેવધા ના માર્ગદર્શન મુજબ પંચકોષી એ. ડિવીઝન ના પો.ઇન્સ એમ.એન.શેખ એ જામનગરના ચકચારી ગેંગરેપના આરોપી હુશેન ગુલમામદ શેખ અને તેના સાગરીતની મોટા થાવરીયા ગામની સરકારી ગૌચરની જમીન દબાણ કરી હતી, જે દબાણ દુર કરાવ્યુ હતું.
આરોપી હુશેન ગુલમામદ શેખે આરોપી અફઝલ સિદિક જણેજા સાથે સાંઠગાંઠ કરી મોટા થાવરીયા ગામની ગૌચરની જમીનો ના ખોટો વેચાણ કરાર બનાવી સરકારી ગૌચરની જમીન પચાવી પાડવાના બદ ઇરાદે ગુન્હાહીત કાવતરુ રચી મોટા થાવરીયા ગ્રામ પંચાયત પાસેથી મકાન વેરા પહોંચ મેળવી ખોટા વેચાણ કરારનો ખરા તરીકે ઉપયોગ કર્યો હોવાનું સામે આવ્યું હતું.
આ અંગે જામનગરના પંચકોષી એ. ડિવીઝનમાં આઇ.પી.સી.ક.૧૨૦(બી),૪.૨૦,૪૬૫,૪૬૭,૪૬૮,૪૭૧ મુજબનો ગુન્હો દાખલ કરાયો છે, અને જાબુડા પાટીયા પાસે ઉપરોકત આરોપી અફઝલ સિદિક જુણેજા ઉભેલો હોવાના અને રાજકોટ જવા માટે વાહન શોધી રહ્યો હોવાના સમાચાર મળતાં જ આરોપી અફઝલને પકડી પંચકોશીએ ડિવિઝન પોલીસ મથકમાં લઈ જવાયો છે અને વધુ પુછપરછ હાથ ધરી છે. ત્યારે મુખ્ય સૂત્રધાર હુસેન શેખ ગેંગરેપના ગુનામાં જેલવાસ ભોગવી રહ્યો છે.
@સાગર સંઘાણી
આ પણ વાંચો: જામનગરમાં યુવકનું વીજપોલના આંચકાથી નિપજ્યું કમકમાટીભર્યુ મોત
આ પણ વાંચો: જામનગરમાં આરોપીએ 11 વિઘા સરકારી જમીન પર ગેરકાયદેસર બાંધકામ કરાતાં તોડી પડાયું
આ પણ વાંચો: જામનગરમાં યુવતીને બ્લેકમેલ કરીને 3 નરાધમોએ મહિનાઓ સુધી દુષ્કર્મ આચર્યું
