Porbandar News: ભારતીય નૌકાદળ માટે બનાવવામાં આવી રહેલું દૃષ્ટિ 10 સ્ટારલાઈનર ડ્રોન પોરબંદરમાં પરીક્ષણ દરમિયાન ક્રેશ થયું હતું. અદાણી ડિફેન્સ અને એરોસ્પેસ દ્વારા નિર્મિત આ ડ્રોન નૌકાદળને સોંપતા પહેલા પરીક્ષણ દરમિયાન ઉડાવવામાં આવ્યું હતું.
ડ્રોન 10 સ્ટારલાઈનરને ઈઝરાયેલની સંરક્ષણ કંપની એલ્બિટ સિસ્ટમ્સના સહયોગથી વિકસાવવામાં આવ્યું છે. આ ડ્રોન 70 ટકા સ્વદેશી છે અને 36 કલાક સુધી ઉડવામાં સક્ષમ છે. 450 કિલોગ્રામ સુધીનો પેલોડ વહન કરવામાં સક્ષમ આ ડ્રોન સર્વેલન્સ અને ઈન્ટેલિજન્સ એકત્ર કરવામાં મહત્વની ભૂમિકા ભજવે છે.
ભારતીય નૌકાદળ પહેલાથી જ દૃષ્ટિ 10ને તેના કાફલામાં સામેલ કરી ચૂક્યું છે અને આ ડ્રોન આર્મી અને નૌકાદળની ગુપ્ત માહિતી, દેખરેખ અને જાસૂસી ક્ષમતાઓને વધારવાના ઉદ્દેશ્યથી ખરીદવામાં આવ્યું હતું. દરેક દ્રષ્ટિ 10 ડ્રોનની કિંમત લગભગ 145 કરોડ રૂપિયા છે.
અકસ્માત બાદ ડ્રોનને મળી આવ્યું છે અને ઘટનાની તપાસ ચાલુ છે. આ ઘટના એવા સમયે બની છે જ્યારે ભારતીય નૌકાદળ તેની દરિયાઈ સુરક્ષા માટે મહત્વપૂર્ણ પગલાં લઈ રહી છે. ચાર મહિના પહેલા, એક MQ-9B સી ગાર્ડિયન ડ્રોન પણ તકનીકી ખામીને કારણે બંગાળની ખાડીમાં ક્રેશ થયું હતું.
આ પણ વાંચો: ભારતીય સેનાના પાયદળ યુનિટને સ્વદેશી એન્ટી ડ્રોન ગન મળી, જાણો કેવી રીતે તે દુશ્મનના ઈરાદાને નષ્ટ કરશે
આ પણ વાંચો: ભારતીય સેનાને મળ્યો પ્રથમ સ્વદેશી ડ્રોન ‘નાગાસ્ત્ર’, આતંકીઓ અને દુશ્મનોના ઠેકાણાઓ પર કરશે એરસ્ટ્રાઈક
આ પણ વાંચો: એડનની ખાડીમાં માલવાહક જહાજ પર ડ્રોનથી હુમલો,ભારતીય નૌકાદળનું સફળ ઓપરેશન
