Us News: યુએસ પ્રમુખ ડોનાલ્ડ ટ્રમ્પે (Donald Trump ) કહ્યું છે કે તેમને વ્લાદિમીર પુતિન (Vladimir Putin) પર વિશ્વાસ છે કે તેઓ યુક્રેનમાં કોઈપણ યુદ્ધવિરામનું પાલન કરશે. તેમણે કહ્યું કે જો યુક્રેન પર મોસ્કોના આક્રમણને સમાપ્ત કરવા માટે કોઈ સમજૂતી થાય તો પુતિન તેમનું વચન પાળશે. ટ્રમ્પે કહ્યું કે તેઓ યુક્રેનમાં યુદ્ધ અંગે વાટાઘાટો કરવા માટે પુતિન પર વિશ્વાસ કરી શકે છે. ટ્રમ્પે બ્રિટિશ વડા પ્રધાન કીર સ્ટારમર સાથેની બેઠકની શરૂઆતમાં પત્રકારો સાથે વાત કરતાં આ ટિપ્પણી કરી હતી. સ્ટારમેરે કિંગ ચાર્લ્સ વતી ટ્રમ્પને રાજ્યની મુલાકાત માટે આમંત્રણ આપ્યું હતું, જેને અમેરિકી રાષ્ટ્રપતિએ સ્વીકાર્યું છે.
‘અમેરિકા હંમેશા બ્રિટનની સાથે છે’
પુતિન વિશે પૂછવામાં આવતા, ઓવલ ઓફિસમાં સ્ટારમર સાથે બેઠેલા ટ્રમ્પે પત્રકારોને કહ્યું: “મને લાગે છે કે તેઓ તેમની વાત રાખશે. મેં તેમની સાથે વાત કરી છે, હું તેમને લાંબા સમયથી ઓળખું છું, મને નથી લાગતું કે તેઓ તેમની વાતનો ભંગ કરશે.” ટ્રમ્પે કહ્યું કે બ્રિટન “પોતાનું ધ્યાન રાખી શકે છે, પરંતુ જો તેમને મદદની જરૂર પડશે તો હું હંમેશા બ્રિટનની સાથે રહીશ.”
બ્રિટનના વડાપ્રધાને શું કહ્યું?
બ્રિટિશ વડા પ્રધાન કીર સ્ટારમેરે કહ્યું કે તેઓ શાંતિ સોદો કાયમી છે તેની ખાતરી કરવા માટે સાથે મળીને કામ કરવા માગે છે. આ એક એવો કરાર હોવો જોઈએ જેનું કોઈ ઉલ્લંઘન ન કરે. બ્રિટન અને ફ્રાન્સ બંનેએ યુક્રેનમાં પીસકીપીંગ ફોર્સ તૈનાત કરવાની ઓફર કરી છે, પરંતુ એરિયલ અને સેટેલાઇટ સર્વેલન્સ અને સંભવિત એર પાવર સહિતની મદદની યુએસ ગેરંટી ઇચ્છે છે.
આ પણ વાંચો: 43 કરોડનું રોકાણ કરીને અમેરિકન નાગરિકતા ખરીદી શકો છો, ટ્રમ્પે ગોલ્ડ કાર્ડ જાહેર કર્યું, શું છે જોખમો?
આ પણ વાંચો: ‘એ અમારા પર ગમે તેટલો કાદવ ફેંકે….’ ટ્રમ્પ અને PM મોદીનું નામ લઈ ડાબેરીઓ પર કેમ ભડક્યાં મેલોની
