વિરાટ કોહલી અને રોહિત શર્મા વચ્ચે આગળ નીકળવાની રેસ, સેમિફાઇનલમાં કોણ મારશે બાજી

Sports News : જ્યારે ટીમ ઈન્ડિયા 4 માર્ચે દુબઈ ઈન્ટરનેશનલ સ્ટેડિયમમાં ઓસ્ટ્રેલિયા સામે ચેમ્પિયન્સ ટ્રોફીની સેમિફાઇનલ રમશે, ત્યારે તેનું પહેલું લક્ષ્ય કાંગારૂઓને હરાવીને ફાઇનલમાં પ્રવેશવાનું હશે. ઓસ્ટ્રેલિયન ટીમે ICC ટુર્નામેન્ટમાં ભારત પર ઘણા ઘા કર્યા છે, જે હજુ પણ તાજા છે. હવે રોહિત શર્મા પાસે આ બધા પર બદલો લેવાની સુવર્ણ તક છે. દરમિયાન જ્યારે રોહિત શર્મા અને વિરાટ કોહલી આ મેચ માટે મેદાનમાં ઉતરશે, ત્યારે બંને વચ્ચે એકબીજાથી આગળ નીકળવાની સ્પર્ધા થશે, જે ચોક્કસપણે ખૂબ જ રસપ્રદ બનવાની છે.

સચિન તેંડુલકરે ભારત VS ઓસ્ટ્રેલિયા વનડેમાં સૌથી વધુ રન બનાવ્યા

જો આપણે ભારત અને ઓસ્ટ્રેલિયા વચ્ચે રમાયેલી ODI મેચોની વાત કરીએ તો તેમાં સૌથી વધુ રન બનાવનાર બેટ્સમેન સચિન તેંડુલકર છે. બંને ટીમો વચ્ચે સૌથી વધુ રન સચિન તેંડુલકરે બનાવ્યા છે. તેમને પાછળ છોડી દેવાનું ભૂલી જાઓ, તેમની બરાબરી કરવી પણ હાલમાં શક્ય લાગતું નથી. સચિન તેંડુલકરે ઓસ્ટ્રેલિયા સામે પોતાની વનડે કારકિર્દીમાં 71 મેચોમાં 3077 રન બનાવ્યા છે. તેને ઓસ્ટ્રેલિયા સામે વનડેમાં 9 સદી અને 15 અડધી સદી ફટકારી છે. તે એકમાત્ર બેટ્સમેન છે જેણે 3 હજારથી વધુ રન બનાવ્યા છે. આ પછી રોહિત શર્મા અને વિરાટ કોહલીનો વારો આવે છે.

ઓસ્ટ્રેલિયા સામે વિરાટ કોહલી અને રોહિત શર્માના ODI આંકડા

રોહિત શર્માએ ઓસ્ટ્રેલિયા સામે અત્યાર સુધીમાં 45 વનડે મેચમાં 2379 રન બનાવ્યા છે. જેમાં 8 સદી અને 9 અડધી સદીનો સમાવેશ થાય છે. ઓસ્ટ્રેલિયા સામે રોહિત શર્માની સરેરાશ 58.02 છે અને તે આ ટીમ સામે 96 ના સ્ટ્રાઇક રેટથી રન બનાવે છે. વિરાટ કોહલીએ ઓસ્ટ્રેલિયા સામે અત્યાર સુધીમાં 49 વનડે મેચમાં 2367 રન બનાવ્યા છે. તેણે ઓસ્ટ્રેલિયા સામે 8 સદી અને 14 અડધી સદી ફટકારી છે. આ ટીમ સામે તેનો સરેરાશ 53.79 છે અને તેનો સ્ટ્રાઇક રેટ 94 છે.

રોહિત શર્મા અને વિરાટ કોહલી વચ્ચે ફક્ત 12 રનનો તફાવત

જો આપણે આ બંને વચ્ચેના રનના તફાવત વિશે વાત કરીએ, તો તે ફક્ત 12 રન છે, જે ખૂબ જ નાનો છે. મંગળવારે એટલે કે આજે 4 માર્ચે, જ્યારે આ બંને ખેલાડીઓ ઓસ્ટ્રેલિયા સામે સેમિફાઇનલ મેચ રમશે, ત્યારે એકબીજાને પાછળ રાખવાની સ્પર્ધા થશે. આ મેચમાં રોહિત શર્મા ઇનિંગની શરૂઆત કરશે, જ્યારે વિરાટ કોહલી ત્રીજા નંબરે બેટિંગ કરશે. જો ચેમ્પિયન્સ ટ્રોફી દરમિયાન આ બંને ખેલાડીઓ પોતાના બેટથી રન બનાવે છે, તો ઓસ્ટ્રેલિયા મુશ્કેલીમાં મુકાશે તે નક્કી છે. ભારતીય ચાહકો પણ એવી જ આશા રાખતા હશે.

વર્ષ 2023 મા બંને ટીમો ODI માં ટકરાઈ હતી

આ પહેલા ભારત અને ઓસ્ટ્રેલિયા વચ્ચે છેલ્લી ODI મેચ વર્ષ 2023માં રમાઈ હતી. જ્યારે કોલકાતાના નરેન્દ્ર મોદી સ્ટેડિયમમાં ODI વર્લ્ડ કપની ફાઇનલ રમાઈ હતી, ત્યારે હવે તેઓ ODIમાં એકબીજાનો સામનો કરશે. ટીમ ઈન્ડિયા પાસે ઓસ્ટ્રેલિયા પાસેથી તે હારનો બદલો લેવાની અને ફાઇનલમાં પહોંચતા પહેલા ઓસ્ટ્રેલિયાને રોકવાની તક છે. એવી અપેક્ષા રાખીએ કે મેચ રસપ્રદ રહેશે અને ટીમ ઈન્ડિયા જીતશે.