Ahmedbad News : અમદાવાદમાં એન્ટી કરપ્શન બ્યુરો (ACB)એ એક સફળ ઓપરેશન પાર પાડીને ફૂડ સેફ્ટી એન્ડ સ્ટાન્ડર્ડ્સ ઓથોરિટી ઓફ ઈન્ડિયા (FSSAI)ના જોઈન્ટ ડાયરેક્ટર રાજેન્દ્ર મહાદેવિયાને રૂ. 25 હજારની લાંચ લેતા રંગે હાથે ઝડપી પાડ્યો છે.
મળતી માહિતી અનુસાર, ફરિયાદીને ફૂડ સેફ્ટીનું લાઈસન્સ મેળવવામાં મદદ કરવા માટે રાજેન્દ્ર મહાદેવિયાએ રૂ. 25,000ની લાંચની માંગણી કરી હતી. ફરિયાદી લાંચ આપવા માંગતા ન હોવાથી એસીબી(ACB)નો સંપર્ક કર્યો હતો. એસીબી(ACB)એ છટકું ગોઠવી રાજેન્દ્ર મહાદેવિયાને લાંચ લેતા રંગે હાથે ઝડપી પાડ્યો હતો.
એસીબી(ACB)એ રાજેન્દ્ર મહાદેવિયાની ધરપકડ કરી વધુ તપાસ હાથ ધરી છે. આ ઘટના સરકારી કચેરીઓમાં ફેલાયેલા ભ્રષ્ટાચારને ઉજાગર કરે છે. એસીબી(ACB)ની આ કાર્યવાહીથી ભ્રષ્ટ અધિકારીઓમાં ફફડાટ ફેલાયો છે.
આ ઘટનાએ જાહેર જનતામાં એક સવાલ ઉભો કર્યો છે કે, સરકારી કચેરીઓમાં શું ભ્રષ્ટાચાર એટલો વધી ગયો છે કે સામાન્ય કામ માટે પણ લાંચ આપવી પડે છે? આ ઘટના દર્શાવે છે કે, એસીબી(ACB) ભ્રષ્ટાચાર સામે કડક કાર્યવાહી કરી રહ્યું છે. એસીબી(ACB)એ ભ્રષ્ટ અધિકારીઓને ચેતવણી આપી છે કે, તેઓ ગમે તેટલા મોટા અધિકારી હોય, પરંતુ જો તેઓ લાંચ લેતા પકડાશે તો તેમને કડક સજા થશે. આ ઘટનાએ સામાન્ય જનતાને પણ હિંમત આપી છે કે, તેઓ ભ્રષ્ટાચાર સામે અવાજ ઉઠાવે અને એસીબી(ACB)ને જાણ કરે.
@ Ravi Bhavsar
આ પણ વાંચો: સુરતમાં બે કરોડની સોનાની ચોરીની ઘટના, પોલીસને ચોરોનો પડકાર
આ પણ વાંચો: દાણચોરોએ મુંદ્રાના બદલે કંડલા પસંદ કરવા છતાં કસ્ટમ્સે સોપારીની દાણચોરી પકડી
આ પણ વાંચો: નાસિકમાં અન્ડરગાર્મેન્ટ્સ પહેરેલા ચોરોનો આતંક, 5 લાખનું સોનું અને કેળાની કરી ચોરી
