Gujarat Weather News: હવામાન વિભાગ (IMD)ના જણાવ્યા અનુસાર ગુજરાતમાં ભીષણ ગરમી (Heat wave) વચ્ચે આજથી તાપમાનમાં વધારો થઈ શકે છે. રાજ્યના મોટાભાગના શહેરોમાં લોકો દિવસ દરમિયાન ઘરની બહાર નીકળી રહ્યા નથી. દરમિયાન હવામાન વિભાગે જણાવ્યું હતું કે આગામી મહિનાના શરૂઆતના દિવસોમાં રાજ્યનું તાપમાનમાં વધારો થઈ શકે છે.
મે મહિનામાં ગુજરાતમાં ફરી એકવાર કમોસમી વરસાદ (Unseasonal Rainfall)ની આગાહી છે. 8 મેની આસપાસ ગુજરાતમાં વરસાદ અને વાવાઝોડાની સંભાવના છે. ઉત્તર ગુજરાત, સૌરાષ્ટ્ર અને મધ્ય ગુજરાતમાં વરસાદની સંભાવના છે. આ પછી, મે થી 4 જૂન દરમિયાન અરબી સમુદ્રમાં એક ચક્રવાત બનશે. આ વાવાઝોડાને કારણે રાજ્યમાં વરસાદ પણ પડી શકે છે. કચ્છના કેટલાક ભાગોમાં 45 કિમી પ્રતિ કલાકની ઝડપે પવન ફૂંકાઈ શકે છે.
વરસાદ ક્યારે પડી શકે છે?
28 એપ્રિલથી ઉત્તર ગુજરાત, અમદાવાદ, ગાંધીનગર અને સૌરાષ્ટ્રના કેટલાક જિલ્લાઓમાં વાતાવરણમાં પલટો જોવા મળ્યો હતો. તેથી, 8 મેના રોજ ઉત્તર ભારત અને ગુજરાતમાં વરસાદની આગાહી કરવામાં આવી છે. ચક્રવાતી પવનો (Cyclonic Wind)ના ક્ષેત્રના નિર્માણને કારણે વાતાવરણમાં થયેલા ફેરફારને કારણે વરસાદની શક્યતા વ્યક્ત કરવામાં આવી છે. હવામાન વિભાગના જણાવ્યા અનુસાર, આગામી દિવસોમાં એટલે કે મે મહિનામાં બે થી ત્રણ વખત પ્રિ-મોન્સૂન એક્ટિવિટી (Pre-Monsoon Activity) જોવા મળી શકે છે. એપ્રિલ મહિનામાં ચોમાસા પહેલા પ્રિ-મોન્સૂન એક્ટિવિટી શક્યતા ઓછી છે. 14 થી 18 મે દરમિયાન પ્રિ-મોન્સૂન એક્ટિવિટી જોવા મળશે.
ગઈકાલે હવામાન કેવું હતું?
ગઈકાલના હવામાન (Weather) વિશે માહિતી આપતા હવામાન વિભાગે જણાવ્યું હતું કે ગુજરાતના ઘણા ભાગોમાં ભારે ગરમી પડી રહી હતી. રાજ્યમાં સૌથી વધુ તાપમાન રાજકોટમાં 44 ડિગ્રી સેલ્સિયસ નોંધાયું હતું. આ ઉપરાંત દીવ, દમણ અને દાદરા નગર હવેલીમાં તાપમાન સામાન્ય કરતાં વધુ નોંધાયું હતું.
આ પણ વાંચો:ગુજરાતમાં તીવ્ર ગરમીનો પ્રકોપ યથાવત્, આટલા દિવસ IMDએ આપ્યું ઓરેન્જ એલર્ટ
આ પણ વાંચો:હવામાન વિભાગની આગાહી, તાપમાનમાં બે થી ત્રણ ડિગ્રીનો થશે વધારો
આ પણ વાંચો:ગુજરાતમાં આજથી ગરમી ફરી તીવ્ર બનશે, આગામી 5 દિવસ ગરમીનો પારો ઊંચો રહેશે
