Gujarat Weather News: ગુજરાતમાં ફરીથી તાપમાન (Temperature)માં વધારો થશે, જેના કારણે ફરી એકવાર હીટવેવ (Heatwave)નો સામનો કરવો પડશે. ગુજરાતમાં તાપમાનમાં 2 થી 3 ડિગ્રીનો વધારો થવાની સંભાવના છે. આજથી 22 એપ્રિલથી કચ્છ, અમદાવાદ, રાજકોટ, ભાવનગર, અમરેલી અને ઉત્તર ગુજરાતમાં તાપમાન 44 ડિગ્રી સુધી પહોંચવાની શક્યતા છે.
ગુજરાતમાં ગીરસોમનાથ, જામનગર, દ્રારકા, પોરબંદર, માંડવીના દરિયાકાંઠાના વિસ્તારોમાં ભેજવાળી સ્થિતિ અને ગરમીનો અનુભવ થશે, જેના કારણે ભારે પવન ફૂંકાઈ શકે છે. તે જ સમયે પવનની ગતિ વધુ હોવાથી કચ્છ અને સૌરાષ્ટ્રમાં ચક્રવાત જેવી સ્થિતિ જોવા મળી શકે છે. ભારતીય હવામાન વિભાગ (IMD)ની આગાહી મુજબ, છત્તીસગઢ, ઓડિશા અને પશ્ચિમ બંગાળ સહિત દેશના 23 રાજ્યોમાં તોફાન અને વરસાદની શક્યતા છે. 21 થી 23 એપ્રિલ દરમિયાન વિદર્ભમાં ગરમ પવન ફૂંકાય તેવી શક્યતા છે.
રાજ્યમાં આજે મહત્તમ તાપમાન (Temperature)માં બે થી ત્રણ ડિગ્રીનો વધારો થવાની સંભાવના છે અને મોટાભાગના શહેરોમાં પારો 42 ડિગ્રી સુધી પહોંચી શકે છે. ગુજરાતીઓએ હવે ફરીથી ગરમીનો સામનો કરવા તૈયાર થઈ જવું જોઈએ. હવામાન વિભાગે રાજ્યમાં આગામી હવામાનની આગાહી કરી છે, જેમાં આગામી 3 દિવસ સુધી તાપમાનમાં 2 થી 3 ડિગ્રીનો વધારો થવાની સંભાવના છે અને દરિયાકાંઠાના વિસ્તારો આગામી 3 દિવસ સુધી ગરમ અને ભેજવાળા રહેશે. ગુજરાત પ્રદેશનું મહત્તમ તાપમાન 40 થી 43 ડિગ્રી રહેશે. આજથી 25 એપ્રિલ સુધી સૌરાષ્ટ્ર અને કચ્છ વિસ્તારોમાં મહત્તમ તાપમાન (Temperature) પણ 40 થી 43 ડિગ્રીની વચ્ચે રહેશે. આગામી 3 દિવસ સુધી દરિયાકાંઠાના વિસ્તારોમાં હવામાન ગરમ અને ભેજવાળું રહેશે.
ભીષણ ગરમીથી રક્ષણ મેળવવા આ 5 બાબતોનું ધ્યાન રાખો
ACમાંથી બહાર નીકળ્યા બાદ સીધા સીધા સૂર્યપ્રકાશ (Sunlight)માં ન જાવ. જો તમે એસી રૂમમાંથી બહાર નીકળી સીધા ગરમ વિસ્તારમાં જાઓ છો, તો તે તમારા સ્વાસ્થ્યને બગાડી શકે છે. જ્યારે પણ તમારે ગરમીમાં એસીમાંથી બહાર નીકળવું પડે, ત્યારે પહેલા તેને બંધ કરો અને જ્યારે તમારા શરીરનું તાપમાન સામાન્ય થઈ જાય ત્યારે જ એસી રૂમમાંથી બહાર આવો.
તડકામાંથી આવ્યા પછી તરત જ ઠંડુ પાણી (Cold water) પીવાની ભૂલ ક્યારેય ન કરો. જો તમને તરસ લાગી રહી હોય, તો તડકામાંથી આવ્યા પછી હંમેશા સાદું પાણી અથવા માટલાનું પાણી પીવો. શરીર ઠંડુ થઈ જાય ત્યારે ઠંડુ પાણી પીવો.
ગરમીથી બચવા માટે, બપોરના તડકામાં બહાર ન જવાનો પ્રયાસ કરો. જો તમારે તડકામાં બહાર જવું પડે, તો તમારા માથાને સુતરાઉ કાપડથી ઢાંકો અને હળવા રંગના આરામદાયક કપડાં પહેરો.
હીટસ્ટ્રોક (Heatstroke)થી બચવા માટે, શરીરને હંમેશા હાઇડ્રેટેડ (Hydrated) રાખો. આ માટે તમારે પાણી પીવું જોઈએ અને કેરીના પન્ના, રસ, નારિયેળ પાણી, લીંબુ પાણીનું પણ સેવન કરવું જોઈએ. આ બધા પીણાં શરીરને હાઇડ્રેટેડ રાખે છે.
ઉનાળાની ઋતુમાં ઝાડા અને ટાઇફોઇડનો ભય રહે છે. આવી સ્થિતિમાં, તમારે આ ઋતુમાં લારીઓ પર વેચાતું પાણી પીવાનું ટાળવું જોઈએ. ઘરેથી પાણી સાથે લઈ જાઓ.
આ પણ વાંચો:આગામી 2 દિવસ ગુજરાતમાં પડશે આકરી ગરમી, IMDએ જારી કર્યુ યલો એલર્ટ
આ પણ વાંચો:ગુજરાતમાં ગરમીની ‘હીટ માર્ચ’ : મોટાભાગના વિસ્તારોમાં 40થી ઉપર તાપમાન
