ઉપરાષ્ટ્રપતિ જગદીપ ધનખડના રાજીનામા બાદ પીએમ મોદીની પહેલી પ્રતિક્રિયા, જાણો તેમણે શું કહ્યું

New Delhi: ભારતના ઉપરાષ્ટ્રપતિ જગદીપ ધનખડે સોમવારે સાંજે પોતાના પદ પરથી રાજીનામું આપી દીધું છે. રાષ્ટ્રપતિ દ્રૌપદી મુર્મુને મોકલેલા રાજીનામા પત્રમાં ધનખડે સ્વાસ્થ્યના કારણો દર્શાવ્યા છે અને કહ્યું છે કે તેઓ પોતાના પદ પરથી રાજીનામું આપી રહ્યા છે. તેમના આ પગલાથી બધા આશ્ચર્યચકિત છે અને તમામ પક્ષોના નેતાઓ અને સાંસદો ધનખડના સારા સ્વાસ્થ્યની કામના કરી રહ્યા છે. હવે ભારતના વડાપ્રધાન નરેન્દ્ર મોદીએ પણ જગદીપ ધનખડના રાજીનામા બાદ પોતાની પહેલી પ્રતિક્રિયા આપી છે.

પીએમ મોદીએ શું કહ્યું?

ઉપરાષ્ટ્રપતિ પદ પરથી જગદીપ ધનખડના રાજીનામા બાદ મંગળવારે પીએમ નરેન્દ્ર મોદીએ ટ્વિટ કર્યું. પીએમ મોદીએ ટ્વિટમાં કહ્યું- “શ્રી જગદીપ ધનખડજીને ભારતના ઉપરાષ્ટ્રપતિ સહિત અનેક ભૂમિકાઓમાં દેશની સેવા કરવાની તક મળી છે. હું તેમના સારા સ્વાસ્થ્યની કામના કરું છું.”

Shri Jagdeep Dhankhar Ji has got many opportunities to serve our country in various capacities, including as the Vice President of India. Wishing him good health.

श्री जगदीप धनखड़ जी को भारत के उपराष्ट्रपति सहित कई भूमिकाओं में देश की सेवा करने का अवसर मिला है। मैं उनके उत्तम…

— Narendra Modi (@narendramodi) July 22, 2025

મળતી માહિતી મુજબ, ઉપરાષ્ટ્રપતિ જગદીપ ધનખડનું રાજીનામું મંગળવારે સ્વીકારવામાં આવ્યું છે. કેન્દ્રીય ગૃહ મંત્રાલયે બંધારણની કલમ 67A હેઠળ તાત્કાલિક અસરથી ભારતના ઉપરાષ્ટ્રપતિ જગદીપ ધનખરના રાજીનામાની માહિતી આપી છે.

ધનખડે પત્રમાં શું કહ્યું?

ઉપરાષ્ટ્રપતિ જગદીપ ધનખડે રાષ્ટ્રપતિ દ્રૌપદી મુર્મુને મોકલેલા રાજીનામા અંગે કહ્યું હતું કે- “સ્વાસ્થ્ય સંભાળને પ્રાથમિકતા આપવા અને તબીબી સલાહનું પાલન કરવા માટે, હું બંધારણની કલમ 67 (A) અનુસાર તાત્કાલિક અસરથી ભારતના ઉપરાષ્ટ્રપતિ પદ પરથી રાજીનામું આપી રહ્યો છું.” તમને જણાવી દઈએ કે ધનખડ 74 વર્ષના છે અને તેમણે ઓગસ્ટ 2022 માં ઉપરાષ્ટ્રપતિ તરીકેનો કાર્યભાર સંભાળ્યો હતો. તેમનો કાર્યકાળ 2027 સુધીનો હતો. થોડા સમય પહેલા તેમણે દિલ્હી AIIMS માં એન્જીયોપ્લાસ્ટી કરાવી હતી. આ ઉપરાંત, આ વર્ષે તેમને થોડા દિવસો માટે હોસ્પિટલમાં દાખલ કરવામાં આવ્યા હતા.

જગદીપ ધનખડના રાજકીય જીવન વિશેના મુખ્ય મુદ્દાઓ

તેઓ ભાજપ, કોંગ્રેસ અને જનતા દળ સાથે જોડાયેલા રહ્યા છે.

તેઓ 1989 થી 1991 સુધી રાજસ્થાનની ઝુનઝુનુ લોકસભા બેઠક પરથી સંસદ સભ્ય હતા.

તેઓ 1993 થી 1338 સુધી રાજસ્થાન વિધાનસભાના સભ્ય હતા.

તેઓ 2019 થી 2022 સુધી પશ્ચિમ બંગાળના રાજ્યપાલ હતા.

તેઓ 2022 થી 2025 સુધી ભારતના ઉપરાષ્ટ્રપતિ રહેશે.