Breaking News: ગુજરાત એન્ટી-ટેરરિસ્ટ સ્ક્વોડ (ATS)એ આતંકવાદ સામેની લડાઈમાં મોટી સફળતા હાંસલ કરી છે. અલ-કાયદા ઇન ધ ઇન્ડિયન સબકોન્ટિનેન્ટ (AQIS) સાથે સંકળાયેલી એક મહિલા આતંકવાદી શમા પરવીનની બેંગલુરુથી ધરપકડ કરવામાં આવી છે. આ ઓપરેશન ગુજરાત ATSની  માહિતીના આધારે હાથ ધરવામાં આવ્યું હતું, જે રાષ્ટ્રીય સુરક્ષા માટે એક મહત્વપૂર્ણ સિદ્ધિ ગણાય છે.

સોશિયલ મીડિયા દ્વારા અલ-કાયદાના આતંકવાદી મોડ્યુલને પ્રોત્સાહન આપતી શમા પરવીન મૂળ ઝારખંડની છે. કર્ણાટકના બેંગલુરુથી તેની ધરપકડ કર્યા બાદ, ગુજરાત ATS એ મંગળવારે જણાવ્યું હતું કે શમા પરવીન બે ફેસબુક અને એક ઇન્સ્ટાગ્રામ એકાઉન્ટ દ્વારા સોશિયલ મીડિયા પર જેહાદ ફેલાવી રહી હતી. ઇન્સ્ટાગ્રામ એકાઉન્ટના 14 હજારથી વધુ ફોલોઅર્સ છે. ગુજરાત એટીએસ અનુસાર, 22 જુલાઈના રોજ ચાર આરોપીઓની ધરપકડ કરવામાં આવી હતી જે અલ કાયદા સાથે સંકળાયેલા હતા. આ આતંકવાદીઓની પૂછપરછ દરમિયાન શમા પરવીનની માહિતી સામે આવી હતી. આ પછી, શમા પરવીનને રડાર પર મૂકવામાં આવી હતી. તપાસ બાદ, એટીએસે બેંગલુરુથી 30 વર્ષીય શમા પરવીનની ધરપકડ કરી હતી.

ગુજરાત ATSના ડીઆઈજી સુનિલ જોશી અનુસાર દિલ્હીથી ધરપકડ કરાયેલ આરોપી શમા પરવીન સ્ટ્રેન્જર નેશન 2 નામના ઇન્સ્ટાગ્રામ એકાઉન્ટથી સંપર્કમાં હતી. ઇન્સ્ટાગ્રામ ઉપરાંત ફેસબુક પર પણ આ જ આઈડી મળી આવી હતી. તપાસ દરમિયાન, એટીએસની ટેકનિકલ ટીમને શમા પરવીન વિશે માહિતી મળી, જેના 14 હજારથી વધુ ફોલોઅર્સ છે. આંતરરાજ્ય ઓપરેશનને કારણે, કેન્દ્રીય એજન્સી અને સ્થાનિક પોલીસની મદદથી શમા પરવીનની બેંગલુરુથી ધરપકડ કરવામાં આવી છે. જોશીએ જણાવ્યું હતું કે પરવીન મૂળ ઝારખંડની રહેવાસી છે. તેણે બી.કોમમાં ગ્રેજ્યુએશન કર્યું છે. એટીએસના જણાવ્યા અનુસાર, શરૂઆતની પૂછપરછ દરમિયાન તેણે કબૂલાત કરી હતી કે તે અલ કાયદા સાથે સંકળાયેલી છે.

શમા પરવીનનું ઝારખંડ સાથે શું જોડાણ છે?

અગાઉ, ગુજરાત ATS એ અલ કાયદા સાથે જોડાયેલા એક ખતરનાક મોડ્યુલનો પર્દાફાશ કર્યો હતો અને 4 આતંકવાદીઓની ધરપકડ કરી હતી. તેમાંથી બેની ગુજરાતમાંથી, એક નોઈડાથી અને એક દિલ્હીથી ધરપકડ કરવામાં આવી હતી.

1 મોહમ્મદ ફૈક મોહમ્મદ રિઝવાન

2 મોહમ્મદ ફરદીન મોહમ્મદ રઈસ

3 સૈફુલ્લાહ કુરેશી મોહમ્મદ રફીક

⁠4 ઝીશાન અલી આસિફ અલી

ATSના DIG સુનિલ જોશી અનુસાર અત્યાર સુધીની તપાસમાં જાણવા મળ્યું છે કે શમા પરવીન સોશિયલ મીડિયા પર જેહાદી માનસિકતા અને ગઝવા-એ-હિંદના ઘણા વીડિયો ફેલાવીને હિંસા ફેલાવતી હતી. તે થોડા વર્ષોથી બેંગલુરુમાં તેના પરિવાર સાથે રહેતી હતી પરંતુ તે સરળતાથી તેના રૂમમાંથી બહાર આવતી નહોતી. શમા પરવીન વોટ્સએપ દ્વારા ઘણા પાકિસ્તાની એકાઉન્ટ્સના સંપર્કમાં હતી. તેણીને કોઈ પ્રકારનું ભંડોળ હતું કે તેની સાથે બીજું કોણ સંકળાયેલું હતું. હવે આની તપાસ કરવામાં આવશે. મહિલાની ધરપકડ કરીને અમદાવાદ લાવવામાં આવી છે, રિમાન્ડ લીધા પછી વિગતવાર તપાસ કરવામાં આવશે. ગુજરાત ATSના જણાવ્યા અનુસાર, શમા પરવીન બેંગલુરુના RT નગરમાં રહેતી હતી. ATSના જણાવ્યા અનુસાર, શમા પરવીન ઇન્સ્ટાગ્રામ એકાઉન્ટ strangers_nation02 અને ફેસબુક પેજ “Strangers of The Nation” અને “Strangers of The Nation 2” ચલાવતી હતી. આનો ઉપયોગ AQIS નેતા મૌલાના અસીમ ઉમરના જેહાદી ભાષણો ફેલાવવા માટે કરવામાં આવતો હતો.

આ પણ વાંચો:ગુજરાત ATSએ વધુ એક નકલી હથિયાર લાઇસન્સ કૌભાંડનો કર્યો પર્દાફાશ

આ પણ વાંચો:ગુજરાત ATSને Black Boxનું DVR મળી આવ્યું, FSL ટીમ તપાસ કરશે

આ પણ વાંચો:ગુજરાત ATSએ કચ્છ સરહદથી પાકિસ્તાની જાસૂસને ઝડપી પાડ્યો