Junagadh News: ગુજરાત (Gujarat) ના રાજકારણમાં ફરી એકવાર નવો વંટોળ જોવા મળી રહ્યો છે. જૂનાગઢ (Junagadh) ના દિગ્ગજ નેતા અને ભાજપના ભૂતપૂર્વ મંત્રી જવાહર ચાવડા (Jawahar Chavda) અચાનક ફરી સક્રિય થઈ ગયા છે. ગોપાલ ઈટાલિયાની જીત બાદ તેઓ ફરી જાહેર સભાઓ કરી રહ્યા છે અને તાજેતરમાં તેઓ આમ આદમી પાર્ટી (AAP)ના નેતા પિયુષ પરમારને મળ્યા હતા.
આપને જણાવી દઈએ હાલમાજ, અમરાપુર બેઠકના અકાળા અને વિરડી ગામમાં યોજાયેલી AAPની બેઠકમાં ભાજપ નેતા જવાહર ચાવડા હાજર રહ્યા હતા. AAP નેતા પિયુષ પરમાર પણ આ બેઠકમાં હાજર રહ્યા હતા. AAPની બેઠકમાં ભાજપના એક વરિષ્ઠ નેતાની હાજરી એક અસામાન્ય ઘટના છે અને તેણે ઘણી ચર્ચાઓ પણ જગાવી છે.આ બેઠક પછી, ચાવડાના AAP નેતાઓને મળતા ફોટા સોશિયલ મીડિયા પર વાયરલ થયા છે, જેના કારણે તેઓ AAPમાં જોડાય તેવી શક્યતાઓ વધુ મજબૂત બની છે.
ભૂતપૂર્વ મંત્રી જવાહર ચાવડા અચાનક ફરી સક્રિય થઈ ગયા છે. તેમણે જૂનાગઢમાં ફરી સભાઓ કરવાનું શરૂ કર્યું છે અને તાજેતરમાં રોજગારનો મુદ્દો ફરીથી ઉઠાવ્યો છે. આ પછી તરત જ AAPની બેઠકમાં તેમની હાજરીને એક સુનિયોજિત રાજકીય ચાલ માનવામાં આવી રહી છે.જવાહર ચાવડાના સમર્થકો માને છે કે આ તેમની તાકાત બતાવવાનો એક રસ્તો છે. આ ઘટનાએ સૌરાષ્ટ્રના રાજકારણમાં ચર્ચા જગાવી છે. લોકો તેમને સીધો પ્રશ્ન પૂછી રહ્યા છે કે શું તેઓ ખરેખર ભાજપ છોડીને AAP માં જોડાશે? બધાની નજર જૂનાગઢના રાજકીય હલચલ અને જવાહર ચાવડાના આગામી પગલાં પર છે. શું તેઓ ખરેખર નવી શરૂઆત કરીને સૌરાષ્ટ્રના રાજકારણમાં મોટો ભૂકંપ લાવી શકશે, તે તો સમય જ કહેશે.
ગોપાલ ઇટાલિયાએ પોતાની જીત બાદ વિસાવદરમાં કાર્યકરો સાથે ઉજવણી કરી અને જવાહર ચાવડા ઝિંદાબાદના નારા લગાવ્યા. જવાહર ચાવડા એક બળવાખોર કોંગ્રેસી નેતા છે જે કોંગ્રેસમાંથી ભાજપમાં જોડાયા છે. વિસાવદર પેટાચૂંટણીમાં AAP ની જીત બાદ, વિજયી AAP ઉમેદવારો અને કાર્યકરો દ્વારા જવાહર ચાવડા ના નામે લગાવવામાં આવેલા નારા ઘણી બાબતો તરફ ઈશારો કરે છે.
સૌરાષ્ટ્રના નેતાઓમાં જવાહર ચાવડાનું નામ મોખરે છે. તેઓ પહેલી વાર 1990માં માત્ર 26 વર્ષની ઉંમરે માણાવદરથી ધારાસભ્ય બન્યા હતા. દાયકાઓ સુધી કોંગ્રેસમાં રહ્યા બાદ, તેઓ 2019માં પાર્ટી છોડીને ભાજપમાં જોડાયા અને રૂપાણી સરકારમાં કેબિનેટ મંત્રી બન્યા.2022ની વિધાનસભા ચૂંટણીમાં તેમને ટિકિટ મળી હતી, પરંતુ તેઓ હારી ગયા હતા.
આ પણ વાંચો:રાજ્યના ભૂતપૂર્વ મંત્રી જવાહર ચાવડાનો ‘લેટર બોમ્બ’
આ પણ વાંચો:ગુજરાતના રાજકારણમાં મચશે ખળભળાટઃ જવાહર ચાવડાએ ભાજપનું પ્રતીક હટાવ્યું
આ પણ વાંચો:જવાહર ચાવડાએ કેન્દ્રીય મંત્રી માંડવિયાને લખ્યો પત્ર, ટોલ ટેક્સને લઈ થતાં અન્યાય સામે…
