Madhyapradesh News : મધ્યપ્રદેશના છિંદવાડામાં એક ચોંકાવનારી ઘટના બની છે. જેમાં ઝેરી કફ સિરપ પીવાથી વધુ એક છોકરીનું મોત થયું છે. કોલ્ડરિફ કફ સિરપથી મધ્યપ્રદેશમાં મૃત્યુઆંક હવે 10 પર પહોંચી ગયો છે.આ છોકરી ગયા અઠવાડિયાથી નાગપુરની હોસ્પિટલમાં દાખલ હતી. કિડની ફેલ થવાને કારણે તેનું મૃત્યુ થયું. તેણીની ઓળખ યોગિતા ઠાકરે તરીકે થઈ છે, જે પારસિયા વિસ્તારના બધકુહીની રહેવાસી છે.
મધ્યપ્રદેશમાં સીરપના વેચાણ પર પ્રતિબંધ
મધ્યપ્રદેશની મોહન યાદવ સરકારે ઝેરી સિરપથી થતા મૃત્યુને ધ્યાનમાં રાખીને એક મોટો નિર્ણય લીધો છે. સમગ્ર મધ્યપ્રદેશમાં મુખ્યમંત્રીએ આ કફ સિરપના વેચાણ પર પ્રતિબંધ મૂક્યો છે. ઇન્સ્ટાગ્રામ પર પોસ્ટ કરતા મોહન યાદવે કહ્યું, “કોલ્ડ્રિફ સિરપથી છિંદવાડામાં બાળકોના મૃત્યુ અત્યંત દુ:ખદ છે. આ સિરપના વેચાણ પર સમગ્ર મધ્યપ્રદેશમાં પ્રતિબંધ મૂકવામાં આવ્યો છે. સિરપ બનાવતી કંપનીના અન્ય ઉત્પાદનોના વેચાણ પર પણ પ્રતિબંધ મૂકવામાં આવી રહ્યો છે.
સિરપ ફેક્ટરી કાંચીપુરમમાં આવેલી છે, તેથી ઘટનાની જાણ થયા પછી, રાજ્ય સરકારે તમિલનાડુ સરકારને તપાસ કરવા કહ્યું. આજે સવારે તપાસ રિપોર્ટ મળ્યો. રિપોર્ટના આધારે કડક કાર્યવાહી કરવામાં આવી છે. બાળકોના દુ:ખદ મૃત્યુ બાદ, સ્થાનિક સ્તરે કાર્યવાહી ચાલી રહી છે. રાજ્ય સ્તરે આ મામલાની તપાસ માટે એક ટીમ પણ બનાવવામાં આવી છે. ગુનેગારોને કોઈપણ કિંમતે બક્ષવામાં આવશે નહીં.”
અત્યાર સુધીમાં 10 બાળકોના મોત થયા છે
આ એક જ કફ સિરપના કારણે મધ્યપ્રદેશમાં અત્યાર સુધીમાં દસ બાળકોના મોત થયા છે. 4 સપ્ટેમ્બરના રોજ છિંદવાડામાં શરૂ થયેલો માસૂમ બાળકોના મૃત્યુનો સિલસિલો 4 ઓક્ટોબર સુધી અટક્યો નથી. આ ઘટનાએ મધ્યપ્રદેશ સહિત સમગ્ર દેશમાં હંગામો મચાવ્યો છે. મૃત્યુ પામેલા બાળકોના પરિવારો દુ:ખી છે. સૌથી મોટો પ્રશ્ન એ છે કે આ ઝેરી કફ સિરપ આટલી મોડી કેમ મળી; કોણ જાણે કેટલા લોકોને તેનો ભોગ બનાવી ચૂક્યું હશે.
આ પણ વાંચો:દિલ્હી-NCRમાં ભારે વરસાદની ચેતવણી, IMDએ યલો એલર્ટ જારી કર્યું
આ પણ વાંચો:વરસાદ વચ્ચે વડોદરાના શેરી ગરબા સદાબહાર, પરંપરાગત ભક્તિભાવથી ઉજવાઈ આઠમની રાત…
આ પણ વાંચો:દિલ્હી NCRમાં ભીષણ ગરમીથી ઝઝૂમી રહેલા લોકોને મળી રાહત, ઘણા વિસ્તારોમાં હળવો વરસાદ પડ્યો
