@નિકુંજ પટેલ
સીઆઈડી ક્રાઈમ રાજકોટ ઝોનને માહિતી મલી હતી કે કેટલાક શખ્સો ઓનલાઈન ગેમીંગ, કિર્કેટ સટ્ટાનો જુગાર રમાડે છે. ઉપરાંત હારજીતના નાંણા બેન્ક એકાઉન્ટમાં ગેમીંગ, ક્રિકેટ ટ્રાન્સફર કરવા લોકોને લોન મેળવી આપવા અથવા વધારાની આવક અપાવવાની લાલચ આપે છે. જેને આધારે પોલીસે તપાસ હાથ ધરીને સાત શખ્સો સામે ગુનો દાખલ કરીને વધુ તપાસ હાથ ધરી છે.
તપાસમાં આરોપીઓ ખોટા દસ્તાવેજોને આધારે સીમ કાર્ડ ખરીદતા હતા. ત્યારબાદ અલગ અલગ કંપનીઓ ખોલાવતા હતા અને ખોટા ઈ-મેઈલ આઈડી બનાવતા હતા. આ બનાવટી કંપનીઓના નામે બેન્ક એકાઉન્ટ ખોલાવી આ કંપનીઓ માટે ડાયરેક્ટર ઓફ ફોરેન ટ્રેડનું લાયસન્સ મેળવવા માટે ઓનલાઈન ફોર્મમાં ખોટી માહિતી રજૂ કરતા હતા. ઉપરાંત ખોટી સહીઓ કરી ક્રિકેટ સટ્ટા બેટીંગ માટે આ એકાઉન્ટનો ઉપયોગ કરતા હતા. આ એકાઉન્ટમાં 11,95,69,85,737.98 રૂપિયાના ગેરકાયદે ટ્રાન્ઝેક્શન કરી મોટો આર્થિક લાભ મેળવી લોકો તથા સરકાર સાથે છેતરપિંડી અને વિશ્વાસઘાતનો ગુનો કર્યો હતો.
આરોપીઓમાં બોડકદેવમાં રહેતા અને સીબીટીએફ ઓનલાઈન ક્રિકેટ સ્ટ્ટા બેટીંગ ગેમના માલિક અમિત એમ મજીઠીયા, દિલ્હીમાં રહેતા ઓએસટી બુકના માલિક ઓમ શંકર તિવારી, થલતેજના ભાવેશ જી.સચાણીયા, અશ્વિન એમ.સચાણીયા, મહિસાગરના ધનંજયકુમાર પી.પટેલ, બનાસકાંઠાના ભાવેશકુમાર બી.જોષી તથા વિકીભાઈનો સમાવેશ થાય છે. આ કેસની વધુ તપાસ સુરેન્દ્રનગર યુનિટના અધિકારીઓ ચલાવી રહ્યા છે.
આ પણ વાંચોઃ
આ પણ વાંચોઃ
આ પણ વાંચોઃ
