સલમાન ખાનના રિયાલિટી શો ‘બિગ બોસ’ના સેટ પર આગ લાગી હોવાના સમાચાર સામે આવ્યા છે. કહેવામાં આવી રહ્યું છે કે બિગ બોસના સેટ પર આગ લાગ્યા બાદ ફાયર બ્રિગેડની 4 ગાડીઓ ઘટનાસ્થળે પહોંચી ગઈ છે. બિગ બોસના સેટના કયા ભાગમાં આગ લાગી તે અંગેની માહિતી ઉપલબ્ધ નથી. હજુ સુધી કોઈપણ પ્રકારની જાનહાનિની માહિતી સામે આવી નથી. ફાયર બ્રિગેડ આગ પર કાબૂ મેળવવાનો પ્રયાસ કરી રહી છે.
સલમાન ખાનના શો બિગ બોસની 15મી સીઝનનો ફિનાલે થોડા સમય પહેલા થયો હતો. આ ફિનાલેનું ભવ્ય પ્રીમિયર યોજાયું હતું, જેમાં બિગ બોસ 15ના તમામ સ્પર્ધકોએ હાજરી આપી હતી. બિગ બોસના સેટ પર આગ લાગ્યા બાદ ભારે હંગામો મચી ગયો છે. ફાયર બ્રિગેડની ગાડીઓ ઘટના સ્થળે પહોંચી આગ ઓલવવાની કામગીરી શરૂ કરી હતી. સેટ પરથી વીડિયો પણ સામે આવ્યો છે, જેમાં ફાયર બ્રિગેડના અધિકારીઓ જોઈ શકાય છે.
બિગ બોસ 15 વિશે વાત કરીએ તો, કરણ કુન્દ્રા, સિમ્બા નાગપાલ, નિશાંત ભટ્ટ, શમિતા શેટ્ટી, રશ્મિ દેસાઈ અને તેજસ્વી પ્રકાશ જેવા સેલેબ્સે તેમાં ભાગ લીધો હતો. શોમાં ત્રણ મહિનાથી વધુ સમય વિતાવ્યા પછી, તેજસ્વી પ્રકાશે બિગ બોસ ટ્રોફી જીતી લીધી. આ સાથે તેને એકતા કપૂરની ફેમસ નાગીન ફ્રેન્ચાઈઝી ‘નાગિન 6’ની નવી સીઝનમાં પણ લીડ રોલ કરવાની તક મળી છે
