અમદાવાદ ક્રાઈમ બ્રાન્ચે ડુપ્લિકેટ વિઝા સાથે અમદાવાદમાં રહેતી કેન્યાની એક મહિલાની ધરપકડ કરી છે. વાડજની હોટલ રેડ એપલમાં રહેતી મહિલા છેલ્લા ઘણાં સમયથી ડુપ્લીકેટ વિઝાના આધારે અમદાવાદમાં રહેતી હતી. આ મહિલા મૂળ કેન્યાની રહેવાસી છે નામ છે, તેનુ નામ છે રોઝ કિમાન્ડો. આ મહિલા અમદાવાદમાં વર્ષ 2017 માં ટુરીસ્ટ વિઝા પર આવી હતી અને તે બાદથી અમદાવાદમાં ખોટા વિઝાનાં આધારે વસવાટ કરતી હોવાનુ સામે આવ્યુ છે.
આ પણ વાંચો :અમદાવાદ: પીઆઈ ગીતા પઠાણના રેગ્યુલર જામીન અરજી કોર્ટે ફગાવી
અમદાવાદ ક્રાઇમ બ્રાન્ચની ટીમને ચોક્કસ માહિતી મળતા પોલીસે વાડજમાં આવેલી હોટલ રેડ એપલમાં રેડ કરી કેન્યાની મહિલાના વીઝા ચેક કરતા શંકાસ્પદ લગતા FRRO માં તપાસ કરાવતા મહિલાનાં વિઝા ડુપ્લિકેટ હોવાનુ સામે આવ્યું છે. મહિલાની વધુ પુછપરછ કરતા સામે આવ્યું કે રોઝ કમાન્ડો નામની આ મહિલા અમદાવાદમાં જ ખોટા વિઝાના સ્ટીકર અને સિક્કા મરાવી ગેરકાયદેસર રીતે રહે છે અને ઈન્ટરનેટનાં માધ્યમથી યુવાનોને શોધીને દેશનાં અલગ અલગ રાજ્યોમાં જઈને દેહવિક્રયનો વ્યવસાય કરે છે.
આ પણ વાંચો :પોલીસે સુલતાન ખાન ગેંગના સાગરિત બકુ ખાનને કાયદાનું કરાવ્યું ભાન
ક્રાઈમ બ્રાંચે આરોપી મહિલાને નકલી વિઝા કોના પાસે બનાવ્યા અને તે છેલ્લાં 5 વર્ષથી કોના કોનાં સંપર્કમાં હતી તે દિશામાં પુછપરછ હાથ ધરી છે.. મહત્વનુ છે કે આ મહિલા છેલ્લાં 5 વર્ષથી ભારતમાં ડુપ્લીકેટ વિઝાના આધારે રહેતી હતી ત્યારે ભારતના અનેક રાજ્યોમાં ટ્રાવેલ કરતી હોવા છતાં પોલીસથી કઈ રીતે બચી જતી હતી તે તમામ દિશામાં તપાસ હાથ ધરાઈ છે.
આ પણ વાંચો :ચોરી અરવલ્લી જિલ્લામાં થઈ, આરોપીઓ ખેડા એસ.ઓ.જી એ પકડ્યા
