Bengaluru News : બેંગલુરૂમાં એક્સ-ગર્લફ્રેન્ડને અશ્લિલ મેસેજ મોકલવાનું એક યુવકને ભારે પડ્યું હતું. આ યુવકને મારઝૂડનો વીડિયો વાયરલ થયો છે. જેમાં 8થી 10 લોકો તેને માર મારતા જોવા મળી રહ્યા છે. આ દરમિયાન યુવકને નગ્ન કરીને તેના ગુપ્તાંગ પર હુમલો કરવામાં આવ્યો હતો. આરોપીઓમાંથી એકે રેણુકાસ્વામી હત્યાકેસનો ઉલ્લેખ કરીને ધમકી આપી હતી, જેમાં અભિનેતા દર્શન પર એક યુવકની હત્યા કરવાનો આરોપ છે.
પીડિતની ઓળખ કુશલ તરીકે થઈ છે, જે બે વર્ષથી એક કોલેજ સ્ટુડન્ટ સાથે રિલેશનશિપમાં હતો. થોડા મહિના પહેલાં તેમનું બ્રેકઅપ થઈ ગયું હતું અને છોકરી બીજા કોઈ સાથે રિલેશનશિપમાં આવી ગઈ હતી. ગુસ્સામાં કુશલે છોકરીને અશ્લીલ મેસેજ મોકલ્યા હતા.
આ પછી છોકરી તેનો નવો બોયફ્રેન્ડ અને તેના મિત્રો ગુસ્સે થઈ ગયા. પોલીસના જણાવ્યા અનુસાર, આ લોકોએ 30 જૂને કોઈ બહાને કુશલને બોલાવ્યો અને પછી તેનું કારમાં અપહરણ કર્યું અને તેને તળાવ પાસે એક નિર્જન જગ્યાએ લઈ ગયો અને માર માર્યો. પોલીસે આ કેસમાં અત્યારસુધીમાં 8 લોકોની ધરપકડ કરી છે.
પોલીસે સોમવારે જણાવ્યું હતું કે કુશલની હાલત હવે સ્થિર છે. તેમણે એમ પણ કહ્યું હતું કે હુમલામાં સામેલ લોકોએ દર્શન કેસથી પ્રેરાઈને આ પગલું ભર્યું હતું. કેસની તપાસ ચાલુ છે અને બાકીના આરોપીઓની શોધ ચાલી રહી છે.
રેણુકાસ્વામી હત્યાકેસ શું છે?
રેણુકાસ્વામીનો મૃતદેહ 8 જૂન, 2024ના રોજ બેંગલુરુના સુમનહલ્લીમાં એક નાળા પાસે મળી આવ્યો હતો. 33 વર્ષીય મૃતક રેણુકાસ્વામી અભિનેતા દર્શનના ચાહક હતા. જાન્યુઆરી 2024માં કન્નડ અભિનેત્રી પવિત્રા ગૌડાએ દર્શન સાથે તેની 10મી વર્ષગાંઠની ઉજવણી કરી. આનાથી તેમના સંબંધો વિવાદમાં આવ્યા, કારણ કે દર્શન પહેલાથી જ પરિણીત છે.
આ સમાચારથી રેણુકાસ્વામી ખૂબ ગુસ્સે થયો. તે સતત પવિત્રાને મેસેજ કરી રહ્યો હતો અને દર્શનથી દૂર રહેવાનું કહેતો હતો. શરૂઆતમાં પવિત્રાએ તેના મેસેજને અવગણ્યા, પરંતુ પછીથી રેણુકાસ્વામીએ વાંધાજનક મેસેજ અને ધમકીઓ મોકલવાનું શરૂ કર્યું.
આ પછી પવિત્રાએ દર્શનને રેણુકાસ્વામીને મારી નાખવા માટે ઉશ્કેર્યો. તેણે તેને સજા આપવા પણ કહ્યું. દર્શને તેના સાથીઓની મદદથી રેણુકાસ્વામીનું અપહરણ કર્યું. બધા તેને ગોડાઉનમાં લઈ ગયા, જ્યાં તેની હત્યા કરતાં પહેલાં તેને ત્રાસ આપવામાં આવ્યો.પોલીસના જણાવ્યા અનુસાર, દર્શન અને તેના સાથીઓએ ગોડાઉનમાં રેણુકાસ્વામીને ખૂબ માર માર્યો હતો, જેના કારણે તેમનું મૃત્યુ થયું હતું. હત્યા પછી દર્શનના સાથીઓનાં કપડાં લોહીથી લથપથ હતાં.
તેઓ નજીકના રિલાયન્સ સ્ટોરમાં ગયા અને નવાં કપડાં ખરીદ્યાં અને ત્યાં બદલ્યાં.દક્ષિણના પ્રખ્યાત અભિનેતા દર્શન ઠુગુદીપ અને અભિનેત્રી પવિત્રા ગૌડાના પ્રખ્યાત રેણુકાસ્વામી હત્યાકેસમાં પોલીસે બુધવારે કોર્ટમાં ચાર્જશીટ દાખલ કરી હતી. આ ચાર્જશીટમાં કહેવામાં આવ્યું છે કે દર્શનનાં કપડાં અને પવિત્રાનાં જૂતાં પર લોહીના ડાઘ જોવા મળ્યા હતા. એ જ સમયે બંનેએ ચાહક રેણુકાસ્વામીને એટલી હદે ત્રાસ આપ્યો કે તેમણે તેના ગુપ્ત ભાગોમાં ઇલેક્ટ્રિક કરંટ પણ લગાવ્યો.
આ પણ વાંચો:રાજસ્થાન સરહદ પર પાકિસ્તાનનું ફરી એક નાપાક કૃત્ય;પંજાબ અને રાજસ્થાનના 8 જિલ્લાઓમાં શાળા,કોલેજો બંધ
આ પણ વાંચો:રાજસ્થાનના બાડમેરમાં ડ્રોન દેખાતા તરત જ બ્લેક આઉટ
આ પણ વાંચો:રાજસ્થાનના લાઠીથી પાકિસ્તાની પાયલોટની ધરપકડ, જેએફ 17 વિમાનમાં હતો સવાર
