ટીવી એક્ટ્રેસ શ્વેતા તિવારી અવારનવાર ચર્ચાનો વિષય બનતી રહે છે. ક્યારેક તેની પ્રોફેશનલ લાઈફને લઈને તો, ક્યારેક પર્સનલ લાઈફને લઈને. શ્વેતા અને તેના પતિ અભિનવ કોહલી દીકરા અંગે એકબીજા પર આક્ષેપો કરતા રહે છે. હવે અભિનવે શ્વેતા પર આરોપ લગાવ્યો છે કે તે તેને તેના 4 વર્ષના દીકરાને મળવા દેતી નથી અને તેને એ પણ નથી ખબર કે હાલ તેનો પુત્ર ક્યાં છે.
અભિનવે ડિસેમ્બર 2020 માં પુત્ર રેયાંશની કસ્ટડી માટે હાઇકોર્ટનો સંપર્ક કર્યો હતો. અરજીમાં અભિનવે શ્વેતા પર પણ તેના પુત્ર રેયાંશને મળવા ન દેવાનો આરોપ મૂક્યો છે. અભિનવના વકીલ તૃપ્તિ શેટ્ટીએ તાજેતરના એક ઇન્ટરવ્યુમાં અભિનવ વિશે જણાવ્યું છે.
તૃપ્તિ શેટ્ટીએ એક ખાનગી માધ્યમ સાથેની ખાસ વાતચીતમાં કહ્યું – ડિસેમ્બર 2020 માં, મારા ક્લાયન્ટે શ્વેતા સામે હાઈકોર્ટમાં અરજી કરી. અભિનવને તેમના પુત્ર રેયાંશને મળવા દેવામાં આવતો નથી. ગયા વર્ષે જ્યારે શ્વેતા તિવારી કોરોના પોઝિટિવ થઇ હતી, ત્યારે અભિનવે પુત્ર રેયાંશની સંપૂર્ણ સંભાળ લીધી હતી. કોરોના નેગેટિવ બન્યા પછી, શ્વેતાએ રેયાંશને તેના પિતાને મળવા દીધો નથી. અભિનવને એ પણ ખબર નથી હોતી કે તેમના પુત્રએ હાલ ક્યાં છે.
તેણે વધુમાં કહ્યું કે અભિનવ રેયાંશને મળવા માટે અનેક વાર શ્વેતાનો સંપર્ક કરવાનો પ્રયાસ કર્યો હતો, પરંતુ શ્વેતા તેની અવગણના કરી રહી છે. અભિનવે પોલીસની મદદ લેવાનો પ્રયાસ પણ કર્યો પણ તે તેમાં સફળ થઈ શક્યો નહીં. જે બાદ તેણે હાઇકોર્ટમાં જવાનું નક્કી કર્યું.
ડિસેમ્બર 2020 માં, હાઇકોર્ટે શ્વેતાને નોટિસ ફટકારી હતી અને આ મામલો 5 જાન્યુઆરીએ મેટર લિસ્ટ થઇ હતી. શ્વેતા તે દિવસે હાજર થઈ હતી, તેણે કોર્ટમાંથી તેના વકીલની નિમણૂક માટે સમય માંગ્યો છે. અમે અદાલતને વિનંતી કરી હતી કે રેયાંશને અભિનવને મળવાની છૂટ આપવામાં આવે. શ્વેતાએ આ બાબત સ્વીકારી. કોર્ટના આદેશ અનુસાર, દરરોજ સાંજે 6 થી 6.30 ની વચ્ચે, તમે વીડિયો કોન્ફરન્સિંગ દ્વારા વાત કરી શકો છો.
આપને જણાવી દઈએ કે, અભિનવે શ્વેતા પર ગંભીર આક્ષેપો કર્યા હતા. અભિનવે એક વીડિયો શેર કર્યો છે. જેમાં શ્વેતા અભિનવને ઘરની બહાર રહેવા જણાવી રહી છે. તે અભિનવને રેયાંશને મળવા નથી દેતી. આ પહેલા અભિનવે એમ પણ કહ્યું હતું કે શ્વેતા તેને કહ્યા વિના રેયાંશ સાથે ગાયબ થઈ ગઈ હતી.
અભિનવ દ્વારા શેર કરેલા અન્ય વીડિયોમાં, અભિનવ ઘરની બહારથી તેના બાળક સાથે વાત કરતો જોવા મળી રહ્યો છે. આ વિડીયો સાથે અભિનવે લખ્યું ‘મારી અચ્છાઈ લાભ લેવામાં આવ્યો. થોડા સમય માટે બેબીને મળવા દેવામાં આવ્યો અને બાદમાં તેને લઈને ગાયબ થઈ ગઈ. મેં દરવાજા પર બેલ વગાડતો રહ્યો. આ તે બપોરેનો એક વિડીયો છે અને બેબી કહી રહ્યો છે તમે હોટેલમાં નથી આવ્યા. ‘
