Sports News: ઇન્ડિયન પ્રીમિયર લીગ (IPL)માં દિલ્હી કેપિટલ્સ તરફથી રમતા યુવા ક્રિકેટર અભિષેક પોરેલ કાનૂની (Abishek Porel Rape Case) વિવાદમાં ઘેરાયા છે. કોલકાતા હાઈકોર્ટે (Kolkata High Court) મેડિકલ વિદ્યાર્થીની દ્વારા નોંધાયેલી ફરિયાદના આધારે અભિષેક પોરેલ અને અન્ય એક આરોપીની તાત્કાલિક ધરપકડ કરવાનો આદેશ આપ્યો છે. ફરિયાદમાં રેપ, મારપીટ, ગુનાહિત ધમકી સહિતના ગંભીર આરોપો લગાવવામાં આવ્યા છે. જોકે, ક્રિકેટરે તમામ આરોપોને નકારી કાઢ્યા છે.
શું છે સમગ્ર મામલો?
જૂન મહિનામાં પશ્ચિમ બંગાળની એક મેડિકલ વિદ્યાર્થીનીએ ( Medical Student Complaint) હૂગલી જિલ્લાના મોગરા પોલીસ સ્ટેશનમાં અભિષેક પોરેલ વિરુદ્ધ ફરિયાદ (Abishek Porel Rape Case) નોંધાવી હતી. યુવતીનો દાવો છે કે બંને છેલ્લા લગભગ ત્રણ વર્ષથી સંબંધમાં હતા. ફરિયાદ મુજબ, ક્રિકેટરે લગ્નનું વચન આપીને તેની સાથે શારીરિક સંબંધ બાંધ્યા હતા, પરંતુ બાદમાં લગ્ન કરવાની ના પાડી દીધી.ફરિયાદમાં વધુમાં આરોપ મૂકવામાં આવ્યો છે કે સંબંધોમાં મતભેદ બાદ અભિષેક પોરેલે યુવતી સાથે મારપીટ કરી હતી અને તેને ધમકી પણ આપી હતી.
હાઈકોર્ટનો મહત્વનો આદેશ
આ કેસમાં નોંધાયેલી FIRની સુનાવણી દરમિયાન કોલકાતા હાઈકોર્ટે અભિષેક પોરેલ (Abishek Porel Rape Case) અને અન્ય એક આરોપીની તાત્કાલિક ધરપકડ કરવાનો આદેશ આપ્યો છે. કોર્ટના આદેશ બાદ હવે તપાસ એજન્સીઓ આગળની કાનૂની કાર્યવાહી હાથ ધરશે.પોલીસનું કહેવું છે કે ફરિયાદના આધારે તપાસ શરૂ કરવામાં આવી છે અને કેસના તમામ પાસાઓની તપાસ કરવામાં આવી રહી છે.
યુવતીએ શું આરોપ લગાવ્યા?
ફરિયાદમાં યુવતીએ જણાવ્યું છે કે અભિષેક પોરેલે લગ્નનું વચન (Abishek Porel Rape Case) આપીને લાંબા સમય સુધી તેની સાથે સંબંધ રાખ્યો હતો. બાદમાં લગ્ન કરવાની ના પાડી અને સંબંધ તોડી નાખ્યો. યુવતીએ એવો પણ આરોપ મૂક્યો છે કે ક્રિકેટરે તેની સાથે શારીરિક અને માનસિક અત્યાચાર કર્યો તેમજ મારપીટ કરીને ધમકી આપી હતી.આ તમામ આરોપોના આધારે પોલીસે વિવિધ ગંભીર કલમો હેઠળ ગુનો નોંધ્યો છે.
અભિષેક પોરેલે આરોપોને ગણાવ્યા ખોટા
અભિષેક પોરેલે (IPL Cricketer) પોતાના પર લાગેલા તમામ આરોપોને સંપૂર્ણપણે ફગાવી દીધા છે. મીડિયા સાથેની વાતચીતમાં તેણે જણાવ્યું કે તે હાલ બેંગલુરુમાં છે અને હજુ સુધી પોલીસે તેનો સંપર્ક કર્યો નથી.તેમણે કહ્યું કે હાલમાં તેઓ પોતાની ક્રિકેટ કારકિર્દી પર ધ્યાન આપી રહ્યા છે અને પોલીસની પ્રાથમિક તપાસ પૂર્ણ થયા બાદ જ આ સમગ્ર મામલે વિગતવાર નિવેદન આપશે. પોરેલે એવો પણ દાવો કર્યો કે તેમના વિરુદ્ધ કરવામાં આવેલા આરોપો ખોટા છે.
દિલ્હી કેપિટલ્સ માટે રમે છે અભિષેક પોરેલ
23 વર્ષીય અભિષેક પોરેલ ડાબોડી વિકેટકીપર-બેટ્સમેન છે (Rape Allegation Against Cricketer) અને વર્ષ 2023થી IPLમાં દિલ્હી કેપિટલ્સ ટીમનો ભાગ છે. તેમણે બંગાળ તરફથી ઘરેલુ ક્રિકેટમાં પણ નોંધપાત્ર પ્રદર્શન કર્યું છે. અત્યાર સુધી તેઓ ફર્સ્ટ ક્લાસ અને લિસ્ટ-એ ક્રિકેટમાં અનેક મેચો રમી ચૂક્યા છે અને ભારત ‘A’ ટીમ સાથે વિદેશ પ્રવાસ પણ કરી ચૂક્યા છે.
તપાસ ચાલુ, સત્ય સામે આવવાનું બાકી
હાલ સમગ્ર મામલો તપાસ હેઠળ છે. કોર્ટના આદેશ બાદ પોલીસ આગળની કાર્યવાહી કરી રહી છે. કેસની અંતિમ સચ્ચાઈ તપાસ અને કાનૂની પ્રક્રિયા પૂર્ણ થયા બાદ જ સ્પષ્ટ થશે. તેથી હાલ બંને પક્ષોના દાવાઓની વચ્ચે તપાસના પરિણામની રાહ જોવામાં આવી રહી છે.
આ પણ વાંચો: ‘વિરાટ અને રોહિતને કોઈ હાથ પણ ન લગાવી શકે’: અશ્વિને દિગ્ગજોના બહાને વ્યક્ત કર્યું બોલરોનું દર્દ
આ પણ વાંચો: વાઈડ, ડેડ બોલ અને કોચની એન્ટ્રી; ભારતીય ક્રિકેટ મેચોમાંના નિયમોમાં ધરખમ ફેરફાર
આ પણ વાંચો: ચેમ્પિયન સ્પેન પર અબજો રૂપિયાનો વરસાદ, રનર-અપ અર્જેન્ટીના પણ માલામાલ
