Ahmedabad News: અમદાવાદના રસ્તાઓ પર મોંઘીદાટ પોર્શે કાર (Ahmedabad Porsche Viral Video)ને બેફામ ઝડપે દોડાવવાનો વીડિયો સામે આવ્યા બાદ નવરંગપુરા પોલીસે કાર્યવાહી કરી છે. લો ગાર્ડન નજીક પૂરઝડપે પસાર થયેલી પોર્શે કારને લઈને એક યુવકે પોલીસમાં અરજી કર્યા બાદ તપાસ શરૂ કરવામાં આવી હતી. પોલીસે કાર કબજે કરીને તેના ચાલક અરકાન તિરમિઝીની ધરપકડ કરી છે.
પ્રાથમિક વિગતો પ્રમાણે, HCG હોસ્પિટલ તરફથી લો ગાર્ડન તરફ જતા માર્ગ પર શ્રેયાંશ નામનો યુવક પોતાની કારમાં જઈ રહ્યો હતો. આ દરમિયાન પાછળથી એક પોર્શે કાર (Ahmedabad Porsche Viral Video) અત્યંત ઝડપે પસાર થઈ હતી. કારની ઝડપ એટલી વધુ હોવાનું કહેવાય છે કે થોડા સમય માટે રસ્તા પર હાજર અન્ય વાહનચાલકોમાં પણ ભયનો માહોલ સર્જાયો હતો.
Ahmedabad Porsche Viral Video: ડેશકેમમાં કેદ થયો પોર્શેનો વીડિયો
શ્રેયાંશની કારમાં લાગેલા ડેશકેમમાં પોર્શે કારનો વીડિયો રેકોર્ડ થયો હતો. વીડિયોમાં કાર ખૂબ જ ઝડપે પસાર થતી જોવા મળે છે. આ વીડિયો સામે આવ્યા બાદ શ્રેયાંશે સમગ્ર મામલે પોલીસને અરજી કરી હતી. અરજી મળ્યા બાદ પોલીસે વીડિયોની તપાસ કરીને પોર્શે કારનો નંબર શોધી કાઢ્યો હતો. ત્યારબાદ વાહનના માલિકને પોલીસ સ્ટેશન બોલાવવામાં આવ્યો હતો.
પોલીસ સ્ટેશનમાં બોલાવી કાર કરી જપ્ત
પોર્શે (Ahmedabad Porsche Viral Video)ના માલિક પોલીસ સમક્ષ હાજર થતાં પોલીસે કાર કબજે કરી હતી. ત્યારબાદ બેદરકારીપૂર્વક વાહન ચલાવી અન્ય લોકોના જીવ જોખમમાં મૂકવાના આરોપ હેઠળ ડ્રાઈવર સામે ગુનો નોંધવામાં આવ્યો હતો. પોલીસે અરકાન તિરમિઝીની ધરપકડ કરીને સમગ્ર મામલે વધુ તપાસ શરૂ કરી છે.
કાર ચાલકે પોતાને પાયલટ ગણાવ્યો હોવાનો દાવો
ફરિયાદ બાદ અરકાન તિરમિઝીએ અરજી કરનાર શ્રેયાંશનો સંપર્ક કર્યો હોવાની માહિતી સામે આવી છે. આ દરમિયાન તેણે પોતે પાયલટ હોવાનું જણાવ્યું હતું. બનાવ સમયે પોર્શે (Ahmedabad Porsche Viral Video)ની ઝડપ આશરે 110 કિલોમીટર પ્રતિ કલાક હોવાની કબૂલાત પણ કરી હોવાનો દાવો કરવામાં આવ્યો છે. આ ઉપરાંત, ફરિયાદ પાછી ખેંચી લેવા માટે અરજદાર યુવક પર દબાણ કરવાનો પ્રયાસ કરવામાં આવ્યો હોવાનો પણ આક્ષેપ છે. જોકે, આ સમગ્ર બાબત અંગે પોલીસ દ્વારા તપાસ કરવામાં આવી રહી છે.
300ની સ્પીડના વાયરલ વીડિયો અંગે પણ તપાસ
આ મામલે માત્ર લો ગાર્ડન નજીકના 110 કિલોમીટર પ્રતિ કલાકની ઝડપના વીડિયો પૂરતી જ તપાસ મર્યાદિત નથી. પોર્શે કાર (Ahmedabad Porsche Viral Video) ને આશરે 300 કિલોમીટર પ્રતિ કલાકની ઝડપે ચલાવવામાં આવી હોવાનો એક અન્ય વીડિયો પણ સોશિયલ મીડિયામાં વાયરલ થયો હોવાનું સામે આવ્યું છે. પોલીસ હવે આ વાયરલ વીડિયોની પણ તપાસ કરી રહી છે. વીડિયો ક્યારે અને ક્યાં બનાવવામાં આવ્યો હતો, કાર કોણ ચલાવી રહ્યું હતું અને તેમાં દર્શાવાતી ઝડપ અંગેની હકીકત શું છે તે અંગે તપાસ ચાલી રહી છે.
અમદાવાદમાં ફરી ઝડપભેર વાહનચાલનનો મુદ્દો ચર્ચામાં
મોંઘી અને હાઈ-પરફોર્મન્સ કારને જાહેર રસ્તા પર બેફામ ઝડપે ચલાવવાના બનાવો અગાઉ પણ ચર્ચામાં રહ્યા છે. શહેરના વ્યસ્ત રસ્તાઓ પર આવી રીતે વાહન ચલાવવાથી માત્ર ડ્રાઈવર જ નહીં પરંતુ આસપાસના વાહનચાલકો અને રાહદારીઓ માટે પણ ગંભીર જોખમ ઊભું થઈ શકે છે. હાલ નવરંગપુરા પોલીસે પોર્શે કાર (Ahmedabad Porsche Viral Video) કબજે કરી અરકાન તિરમિઝીની ધરપકડ કરી છે અને વાયરલ વીડિયો સહિત સમગ્ર ઘટનાની તપાસ આગળ ધપાવી છે.
આ પણ વાંચો:અમદાવાદમાં કારચાલકને ચાલુ ગાડીએ ખેંચ આવતાં સર્જાયો અકસ્માત, રિક્ષા-મોપેડને કચડ્યા, 1નું મોત
આ પણ વાંચો:રાજકોટ-અમદાવાદ હાઈવે પર ભયાનક અકસ્માત, ટેન્કર અને કાર વચ્ચે ટક્કરમાં 4ના મોત
આ પણ વાંચો:અમદાવાદના કૃષ્ણનગરમાં AMTS બસનો અકસ્માત: બેદરકારી સામે ફરી ઉઠ્યા પ્રશ્નો
