Ahmedabad News : અમદાવાદ સીટી ગર્લ પુજા ટીકમાણી એ 20 પાઉન્ડનો બેકપેક લઈને સૌથી ઝડપી હાફ મેરેથોન પૂરૂ કરવાનો ગિનીસ બુક ઓફ વર્લ્ડ રેકોર્ડ પ્રાપ્ત કર્યો છે. કર્મે અને વ્યવસાયે બિઝનેશ વુમન તેમજ રનીંગ જેમનો શોખ છે, તેવા પુજા ટીકમાણી એ તેમનાં 45 માં બર્થ ડે પર ગિનીસ બુક ઓફ વર્લ્ડ રેકોર્ડ હાંસલ કરીને વૈશ્વિક સ્તરે એક આગવી છાપ છોડી છે. તેમણે આ ઉંમરે આ સિધ્ધિ મેળવીને સાબિત કર્યું છે કે ઉંમર એ એક માત્ર નંબર છે.
જેસલ અને પૂજા દ્વારા બનાવવામાં આવેલો ગીનીસ વર્લ્ડ રેકોર્ડનો અર્થ એ છે કે આ રેકોર્ડ અગાઉ કોઈના પણ દ્વારા બનાવવામાં આવ્યો નહોતો. તેમની અરજીને જૂન 2024માં ગીનીસ વર્લ્ડ રેકોર્ડ્સ દ્વારા સ્વીકારવામાં આવી હતી. તેમણે બંનેએ આ માટેની નિર્ધારિત માર્ગદર્શિકા મુજબ, તેમના આ પ્રયાસનું વીડિયોગ્રાફી મારફતે દસ્તાવેજીકરણ કર્યું હતું અને ચાર્ટર્ડ એકાઉન્ટેન્ટ્સ અને ગુજરાત પોલીસ વિભાગના અધિકારીઓ સહિતના સાક્ષીઓ દ્વારા તેનું પ્રમાણીકરણ કરાવ્યું હતું.
દ્રઢ સંકલ્પની સામે ભલભલા પડકારો ટકતા નથી એ વાતને સાબિત કરનારા સ્ટ્રેન્થ અને કન્ડિશનિંગ કૉચ જેસલ ત્રિવેદી અને બિઝનેસવિમેન પૂજા ટીકમણી એ અમદાવાદમાં હાલમાં જ યોજાયેલી બીસફલ મેરેથોનમાં ગીન વર્લ્ડ રેકોર્ડ બનાવીને અદભૂત સિદ્ધિ હાંસલ કરી છે. જેસલ ત્રિવેદીએ 40 પાઉન્ડના બેકપૅકની સાથે 50 કિલોમીટરની દોડને 8 કલાક અને 45 મિનિટમાં પૂરી કરી હતી, જ્યારે પૂજા તિકમણીએ 20 પાઉન્ડના પૅકની સાથે 21.1 કિલોમીટરની હાફ-મેરેથોન 2 કલાક અને 34 મિનિટમાં પૂરી કરી હતી. તેઓ બંને તેમના રેકોર્ડ તોડનારા પ્રયાસ માટેના સત્તાવાર પ્રમાણપત્રની રાહ જોઈ રહ્યાં છે.
આ પણ વાંચો: ગૃહરાજ્ય મંત્રી હર્ષ સંઘવીની અધ્યક્ષતામાં વર્ચ્યુઅલ બેઠક યોજાઈ
આ પણ વાંચો: ગૃહ રાજ્ય મંત્રી હર્ષ સંઘવીએ રાજ્યમાં થનારી મોકડ્રીલ અંગે વિસ્તૃત જાણકારી આપી
આ પણ વાંચો: ગુજરાતના સંવેદનશીલ બોર્ડર એરિયામાં મોકડ્રીલનો આદેશ, ગૃહમંત્રી હર્ષ સંઘવીએ યોજી બેઠક
