Chandigarh News: ચંદીગઢથી દિલ્હી જઈ રહેલી એર ઈન્ડિયાની ફ્લાઈટ (Air India Flight Incident)માં એક મુસાફરે અચાનક ઉગ્ર વર્તન કરતાં મુસાફરો અને ક્રૂ સભ્યોમાં ગભરાટ ફેલાયો હતો. ફ્લાઈટ દિલ્હીમાં લેન્ડ થવાની તૈયારીમાં હતી ત્યારે મુસાફરે પોતાની સીટ પરથી ઊભા થઈ વિમાનની બારી પર વારંવાર મુક્કા માર્યા હતા, જેના કારણે અંદરના ભાગને નુકસાન પહોંચ્યું હતું.
ફ્લાઈટના ક્રૂ સભ્યોએ પરિસ્થિતિને કાબૂમાં લેવાનો પ્રયાસ કર્યો અને સુરક્ષિત રીતે વિમાનને દિલ્હી એરપોર્ટ પર ઉતારવામાં સફળ રહ્યા હતા. લેન્ડિંગ બાદ મુસાફરને સુરક્ષા એજન્સીઓના હવાલે કરવામાં આવ્યો હતો.
Air India Flight Incident: લેન્ડિંગ સમયે બદલાયું વર્તન
ફ્લાઈટ (Air India Flight Incident)માં હાજર કેટલાક મુસાફરોના જણાવ્યા મુજબ, યાત્રી સમગ્ર મુસાફરી દરમિયાન સામાન્ય દેખાતો હતો. પરંતુ ફ્લાઈટ દિલ્હી નજીક પહોંચીને લેન્ડિંગ પ્રક્રિયામાં પ્રવેશી ત્યારે તે અચાનક ગભરાઈ ગયો અને અસામાન્ય વર્તન કરવા લાગ્યો.તે સીટ પરથી ઊભો થઈ બારી પાસે ગયો અને વિન્ડો પર જોરદાર પ્રહાર કરવા લાગ્યો. તે સમયે તમામ મુસાફરો સીટ બેલ્ટ બાંધી બેઠેલા હોવાથી કોઈ સીધી દખલ કરી શક્યું નહોતું.
ક્રૂ સભ્યો સાથે ગેરવર્તન
મુસાફરને શાંત કરવાના પ્રયાસ દરમિયાન તેણે ક્રૂ સભ્યો સાથે પણ ગેરવર્તન કર્યું હોવાનું સામે આવ્યું છે. સ્થિતિ ગંભીર બનતા કોકપિટ ક્રૂને જાણ કરવામાં આવી અને દિલ્હી એરપોર્ટની સુરક્ષા ટીમને એલર્ટ મોકલવામાં આવ્યો.ક્રૂ સભ્યોએ મુસાફરને નિયંત્રણમાં રાખીને ફ્લાઈટને સુરક્ષિત રીતે લેન્ડ કરાવી હતી.
CISFએ એરપોર્ટ પર ઝડપી લીધો
વિમાન દિલ્હી એરપોર્ટ પર ઉતરતા જ CISFના જવાનો અંદર પ્રવેશ્યા હતા અને સંબંધિત મુસાફરને કસ્ટડીમાં લીધો હતો. ત્યારબાદ પૂછપરછ માટે તેને સુરક્ષા એજન્સીઓના હવાલે કરવામાં આવ્યો હતો.સૂત્રો મુજબ, બાદમાં મુસાફરે એરપોર્ટ પર પણ કસ્ટડીમાંથી છટકવાનો પ્રયાસ કર્યો હતો, પરંતુ CISFની ટીમે તરત જ તેને ફરીથી પકડી લીધો હતો.
પરિવારનો દાવો: માનસિક સમસ્યાથી પીડિત
મુસાફરના પરિવારજનોનું કહેવું છે કે તે લાંબા સમયથી માનસિક સ્વાસ્થ્ય સંબંધિત સમસ્યાઓનો સામનો કરી રહ્યો છે. મેડિકલ તપાસ બાદ પણ તેની માનસિક સ્થિતિ અંગે કેટલીક બાબતો સામે આવી હોવાનું જાણવા મળ્યું છે.ત્યારબાદ તેને પરિવારજનોની જવાબદારીમાં સોંપવાની પ્રક્રિયા હાથ ધરવામાં આવી હતી.
30 દિવસ માટે નો-ફ્લાય લિસ્ટમાં સમાવેશ
એરલાઇન (Air India Flight Incident) દ્વારા ઘટનાની જાણ નાગરિક ઉડ્ડયન સત્તાધીશોને કરવામાં આવી છે. પ્રાથમિક પગલાં રૂપે મુસાફરને 30 દિવસ માટે નો-ફ્લાય લિસ્ટમાં સામેલ કરવામાં આવ્યો છે.આગામી તપાસ અને સંબંધિત અહેવાલના આધારે પ્રતિબંધની અવધિ વધારવા અંગે નિર્ણય લેવામાં આવી શકે છે.
વિમાનની વિન્ડો કેટલી મજબૂત હોય છે?
એવિએશન નિષ્ણાતોના જણાવ્યા મુજબ, વિમાનની વિન્ડોમાં બહુસ્તરીય સુરક્ષા વ્યવસ્થા હોય છે. અંદરનો ભાગ ખાસ પ્રકારના મજબૂત પ્લાસ્ટિકથી બનેલો હોય છે, જ્યારે બહારનો ભાગ અત્યંત મજબૂત કાચનો બનેલો હોય છે. સામાન્ય સંજોગોમાં તેને નુકસાન પહોંચાડવું સહેલું નથી.વિમાન (Air India Flight Incident)માં આવી હરકતોને ગંભીર સુરક્ષા ભંગ તરીકે જોવામાં આવે છે અને દોષિત સાબિત થનાર મુસાફરો સામે કડક કાર્યવાહી કરવામાં આવે છે.
આ પણ વાંચો:એર ઈન્ડિયાની ફ્લાઈટમાં ફરી ટેકનિકલ ખામી,900 ફૂટ નીચે ઉતર્યું વિમાન, ઈન્ડિગોની ફ્લાઈટ રદ
આ પણ વાંચો:ભારતમાં 7 વિમાનોને બોમ્બથી ઉડાવી દેવાની ધમકી, શિકાગો જતી એર ઈન્ડિયાની ફ્લાઈટ કેનેડામાં ઉતરી
આ પણ વાંચો:એર ઈન્ડિયાની ફ્લાઈટમાં કારતુસ મળ્યા, ગભરાટ સર્જાયો, પ્લેન 27 ઓક્ટોબરે દિલ્હી આવ્યું હતું
