India News: Commonwealth Games 2026ના અંતિમ તબક્કામાં ભારતીય ખેલાડીઓ શાનદાર પ્રદર્શન સાથે વધુ ગોલ્ડ મેડલ જીતવાના ઇરાદા સાથે મેદાનમાં ઉતર્યા છે. સ્પર્ધાના દસમા દિવસે ભારતના 10 બોક્સર પોતાની-પોતાની ફાઇનલમાં રમવાના છે, જ્યારે એથ્લેટિક્સ, પેરા એથ્લેટિક્સ, જુડો અને ટ્રેક સાયક્લિંગમાં પણ ભારતીય ખેલાડીઓ પાસેથી મેડલની અપેક્ષા છે. અત્યાર સુધી ભારતે કુલ 23 મેડલ જીત્યા છે, જેમાં પાંચ ગોલ્ડનો સમાવેશ થાય છે. આજે ભારત પાસે મેડલ ટેલીમાં મોટો વધારો કરવાની સુવર્ણ તક છે.
Commonwealth Games 2026માં ભારતની ગોલ્ડ પર નજર
કોમનવેલ્થ ગેમ્સ 2026 ના અંતિમ દિવસે ભારત માટે સૌથી મોટું આકર્ષણ બોક્સિંગ (Boxing) રહેશે. કુલ 10 ભારતીય બોક્સર ગોલ્ડ મેડલ માટે રિંગમાં ઉતરશે. મહિલા 54 કિલોગ્રામમાં પ્રીતી પવાર, 57 કિલોગ્રામમાં જેસ્મિન લેમ્બોરિયા અને અન્ય ભારતીય બોક્સર પોતાની ફાઇનલ મેચમાં દેશને ગોલ્ડ અપાવવાના લક્ષ્ય સાથે રમશે. ભારતીય બોક્સિંગ દળનું આ પ્રદર્શન સમગ્ર ટૂર્નામેન્ટ દરમિયાન નોંધપાત્ર રહ્યું છે. એકસાથે 10 બોક્સર ફાઇનલમાં પહોંચતા ભારતને એક જ દિવસે અનેક ગોલ્ડ જીતવાની આશા વધી છે.
એથ્લેટિક્સ અને પેરા એથ્લેટિક્સમાં પણ ભારતની આશા
ભારતીય ખેલાડીઓ એથ્લેટિક્સ (Athletics) અને પેરા એથ્લેટિક્સમાં પણ મેડલ માટે પડકાર રજૂ કરી રહ્યા છે. પુરુષોની F57 શોટપુટ ફાઇનલમાં શુભમ જુયાલ અને સોમન રાણા મેદાનમાં ઉતર્યા, જ્યારે ટ્રિપલ જમ્પમાં પ્રવીણ ચિત્રવેલ અને સેલ્વા પ્રભુ તિરુમરણે ભારતનું પ્રતિનિધિત્વ કર્યું. મહિલાઓની 10,000 મીટર રેસ વૉકમાં પ્રિયંકા ગોસ્વામી અને રવિના ગાયકવાડે પણ દેશ માટે મેડલ જીતવાનો પ્રયાસ કર્યો. પ્રિયંકા ગોસ્વામી અગાઉ કોમનવેલ્થ ગેમ્સમાં સિલ્વર મેડલ જીતનારી પ્રથમ ભારતીય મહિલા બની ચૂકી છે.
અત્યાર સુધી ભારતના શાનદાર પ્રદર્શનથી વધ્યો આત્મવિશ્વાસ
ભારતે અત્યાર સુધી કુલ 23 મેડલ પોતાના નામે કર્યા છે, જેમાં પાંચ ગોલ્ડ મેડલનો સમાવેશ થાય છે. ભાલાફેંકમાં નીરજ ચોપરા (Neeraj Chopra)અને યશ વીર સિંહે ડબલ પોડિયમ મેળવી દેશનું ગૌરવ વધાર્યું હતું. ડેકાથલોનમાં તેજસ્વિન શંકરે કાંસ્ય પદક જીતીને ઇતિહાસ રચ્યો હતો. બીજી તરફ, જુડો (Judo)માં અસ્મિતા દેએ ભારતને પ્રથમ ગોલ્ડ અપાવ્યો, જ્યારે હર્ષ સિંહે પણ ગોલ્ડ જીત્યો હતો. યામિની મૌર્યાએ સિલ્વર મેડલ મેળવી ભારતની સિદ્ધિઓમાં વધારો કર્યો.
દિવસભર અનેક સ્પર્ધાઓ પર રહેશે નજર
આજે ટ્રેક સાયક્લિંગ, જુડો, બોલ્સ અને બોક્સિંગ સહિત વિવિધ રમતોમાં ભારતીય ખેલાડીઓ મેદાનમાં ઉતરશે. પુરુષોની 1500 મીટર T54 ફાઇનલમાં રમેશ શણ્મુગમે ભાગ લીધો હતો, પરંતુ તેઓ સાતમા સ્થાને રહ્યા હતા. હવે સમગ્ર દેશની નજર બોક્સિંગની ફાઇનલ મેચો પર છે, જ્યાં ભારત પાસે એક જ દિવસે અનેક ગોલ્ડ જીતવાની તક છે. જો ભારતીય ખેલાડીઓ અપેક્ષા મુજબનું પ્રદર્શન કરશે તો ભારતના મેડલ ટેલીમાં નોંધપાત્ર વધારો થઈ શકે છે અને કોમનવેલ્થ ગેમ્સ 2026નું સમાપન વધુ યાદગાર બની શકે છે.
આ પણ વાંચો:Commonwealth Games 2026: 15 મિનિટમાં ભારતના 2 ગોલ્ડ, જુડોમાં ભારતનો ડબલ ધમાકો
આ પણ વાંચો:કોમનવેલ્થ ગેમ્સ 2026માં ભારતનો શાનદાર દેખાવ, ભારતના ખાતામાં 12 મેડલ
આ પણ વાંચો:કોમનવેલ્થ ગેમ્સ 2026માં ભારતની શાનદાર ઉડાન: શર્મિલા ગોલ્ડ, સર્વેશનો ઐતિહાસિક સિલ્વર
