પંજાબમાં આજે 117 વિધાનસભા સીટો પર મતદાન થઈ રહ્યું છે. રાજ્યમાં યોજાનારી ચૂંટણીમાં 93 મહિલાઓ સહિત કુલ એક હજાર 304 ઉમેદવારો મેદાનમાં છે. મતદાન સવારે 8 વાગ્યાથી શરૂ થયું હતું અને સાંજે 6 વાગ્યા સુધી ચાલશે. મતગણતરી 10 માર્ચે થશે. પંજાબમાં આ વખતે કોંગ્રેસ, AAP, SAD-BSP ગઠબંધન, BJP-PLC-SAD (યુનાઈટેડ) અને વિવિધ ખેડૂતોના સંગઠનોની રાજકીય પાંખ સંયુક્ત સમાજ મોરચા વચ્ચે હરીફાઈ છે.
#PunjabElections2022 | I am certain of winning Patiala. I think we will win the elections…They (Congress) live in a different world & will be wiped out in Punjab: Capt Amarinder Singh, Punjab Lok Congress founder, at Patiala pic.twitter.com/jrt2a2PPnb
— ANI (@ANI) February 20, 2022
પંજાબના પૂર્વ મુખ્યમંત્રી અને પંજાબ લોક કોંગ્રેસના સંસ્થાપક કેપ્ટન અમરિંદર સિંહે કહ્યું છે કે તેમને પટિયાલા વિધાનસભા બેઠક પરથી ચૂંટણી જીતવાનો વિશ્વાસ છે. તેમણે કોંગ્રેસ પર નિશાન સાધતા કહ્યું કે, ‘મને લાગે છે કે અમે ચૂંટણી જીતીશું.પંજાબમાંથી કોંગેરસનો સફાયો થશે.
પોતાની નવી પાર્ટી વિશે વાત કરતા અમરિન્દર સિંહે કહ્યું- “અમે બે મહિનામાં પાર્ટી બનાવી છે અને અમારી પાર્ટી ખૂબ સારું કામ કરી રહી છે. અમને સારા રિપોર્ટ્સ મળી રહ્યા છે. તેમણે કહ્યું કે આ ચૂંટણી મારી પ્રતિષ્ઠા કેમ હશે તે લોકોએ નક્કી કરવાનું છે.
આમ આદમી પાર્ટીની ચૂંટણીની સંભાવનાઓ પર અમરિન્દર સિંહે કહ્યું કે કોઈ આગાહી કરી શકે નહીં. 5-6 પક્ષો મેદાનમાં છે અને મતગણતરીના દિવસે જ સ્થિતિ સ્પષ્ટ થશે. તમને જણાવી દઈએ કે ગયા વર્ષે સપ્ટેમ્બરમાં મુખ્યમંત્રી પદેથી અને પછી કોંગ્રેસમાંથી રાજીનામું આપ્યા બાદ અમરિંદર સિંહે એક નવી પાર્ટી બનાવી અને ભારતીય જનતા પાર્ટી અને શિરોમણિ અકાલી દળ (યુનાઈટેડ) સાથે ગઠબંધન કરીને ચૂંટણી લડી રહ્યા છે.
