કોરોનાકાળ બાદ ફરી એકવાર અમરનાથ યાત્રા ભક્તોમાં ભારે ઉત્સાહ જોવા મળી રહ્યો છે, જેના લીધે આ વખતે પ્રશાસને શ્રદ્વાળુઓ માટે આ યાત્રા સરળ બની રહે તે માટે વિશેષ સગવડતા ઉભી કરી છે, અમરનાથ યાત્રા 30 જૂન 2022થી શરૂ થશે અને 11 ઓગસ્ટના રોજ સમાપ્ત થશે. યાત્રિકોના ભારે ધસારાને ધ્યાનમાં રાખીને શ્રાઈન બોર્ડે આ વર્ષે પૂરતી વ્યવસ્થા કરી છે. 2020 અને 2021 માં, કોવિડને કારણે, કોઈ યાત્રાળુ યાત્રા કરી શક્યા ન હતા.જમ્મુ અને કાશ્મીરના લેફ્ટનન્ટ ગવર્નર મનોજ સિંહાએ આજે અમરનાથ યાત્રા 2022 માટે ઓનલાઈન હેલિકોપ્ટર બુકિંગ સેવા પોર્ટલ લોન્ચ કર્યું. યાત્રા માટે હેલિકોપ્ટરની ટિકિટ બુક કરવા માટે શ્રદ્ધાળુઓ શ્રાઈન બોર્ડની વેબસાઈટ www.jksasb.nic.in પર સરળતાથી લોગઈન કરી શકે છે. આ સેવાથી શ્રદ્વાળુઓને સરળતા રહેશે.
મુલાકાત/ રક્ષા મંત્રીએ પાકિસ્તાન પર સાધ્યું નિશાન કહ્યું, પાડોશી હંમેશા ભારત વિરોધી ગતિવિધિઓનો આશરો લે છે
નવી ઓનલાઈન સેવાને અમરનાથ જીના ભક્તોને સમર્પિત કરતા ઉપરાજ્યપાલે કહ્યું, “સરકારનો લાંબા સમયથી બાકી રહેલો પ્રયાસ હતો કે શ્રીનગરથી સારી કનેક્ટિવિટી અને સુલભતા માટે હેલી સેવાઓ શરૂ કરવામાં આવે.” તેમણે કહ્યું કે પ્રથમ વખત શ્રદ્ધાળુઓ સરળતાથી શ્રીનગરથી પંચતરણી સુધીની યાત્રા કરી શકશે અને એક જ દિવસમાં પવિત્ર યાત્રા પૂર્ણ કરી શકશે.
લેફ્ટનન્ટ ગવર્નરે શ્રાઈન બોર્ડ અને NICના અધિકારીઓને યાત્રાળુઓ માટે મુશ્કેલી મુક્ત અને સુરક્ષિત ઓનલાઈન હેલિકોપ્ટર બુકિંગ સેવા સુનિશ્ચિત કરવા નિર્દેશ આપ્યો હતો. ઉપરાજ્યપાલના મુખ્ય સચિવ નીતીશ્વર કુમારે લેફ્ટનન્ટ ગવર્નરને શ્રી અમરનાથ જી યાત્રા માટે નવા હેલિકોપ્ટર બુકિંગ સેવા પોર્ટલ વિશે માહિતી આપી હતી.
ઘટના/ વાઘને પ્રેમ કરવો પડ્યો ભારે, બંધ પાંજરામાંથી લીધો રખેવાળનો પ્રાણ
અગાઉ હેલિકોપ્ટર સેવાઓ માત્ર બે ઝોન માટે કાર્યરત હતી, પરંતુ હવે યાત્રાળુઓ ચાર ઝોનમાં સેવાઓનો લાભ લઈ શકે છે. શ્રીનગરથી નીલગ્રાથ, શ્રીનગરથી પહલગામ, નીલગ્રાથથી પંચતરની અને પહેલગામથી પંચતરની માટે કુલ 11 હેલિકોપ્ટર મુસાફરો માટે ઉપલબ્ધ રહેશે. શ્રીનગરથી બે નવા સેક્ટરનો ઉમેરો એ પ્રવાસીઓને પ્રોત્સાહિત કરશે જેઓ એક જ દિવસમાં મુસાફરી પૂર્ણ કરીને ઘરે પરત ફરવા માગે છે
આ સુવિધા એવા ભક્તો માટે પણ ઉપલબ્ધ છે જેઓ માત્ર એક જ રૂટ પરથી મુસાફરી કરવા ઈચ્છે છે. શ્રીનગરથી નીલગ્રાથની વન-વે ભાડું રૂ. 11,700, શ્રીનગરથી પહલગામ રૂ. 10,800, નીલગ્રાથથી પંચતરણી રૂ. 2,800 અને પહલગામથી પંચતરણી રૂ. 4,200 છે. આ પોર્ટલ નેશનલ ઇન્ફોર્મેટિક્સ સેન્ટર, સ્ટેટ યુનિટ દેહરાદૂન, ઉત્તરાખંડ દ્વારા ડિઝાઇન અને વિકસાવવામાં આવ્યું છે.
.
