National News : મહારાષ્ટ્રમાં ભાજપ અને શિવસેના (UBT) વચ્ચે રાજકીય નિવેદનબાજી તેજ બની છે. કેન્દ્રીય ગૃહમંત્રી અમિત શાહ (Amit Shah)ના મહારાષ્ટ્ર પ્રવાસ બાદ ભાજપના નેતા ચંદ્રશેખર બાવનકુળેએ ઉદ્ધવ ઠાકરે (Uddhav Thackeray)પર આકરા કટાક્ષ કર્યા છે. તેમણે કહ્યું કે જ્યારે પણ અમિત શાહ મહારાષ્ટ્ર આવે છે ત્યારે ઉદ્ધવ ઠાકરેને તાવ આવી જાય છે. તેમની ઊંઘ ઉડી જાય છે અને તેઓ પરેશાન થઈ જાય છે. બાવનકુળેના આ નિવેદનથી રાજ્યનું રાજકારણ ફરી ગરમાયું છે.
અમિત શાહના પ્રવાસથી ઉદ્ધવ ઠાકરે પરેશાન: બાવનકુળે
ભાજપના નેતા ચંદ્રશેખર બાવનકુળેએ (Chandrashekhar Bawankule) ઉદ્ધવ ઠાકરેના નિવેદનો પર પ્રતિક્રિયા આપતા કહ્યું કે અમિત શાહ (Amit Shah)જ્યારે પણ મહારાષ્ટ્ર આવે છે ત્યારે ઉદ્ધવ ઠાકરેની રાજકીય બેચેની વધી જાય છે.

તેમણે કટાક્ષ કરતાં કહ્યું કે ઉદ્ધવ ઠાકરેની (Uddhav Thackeray)રાત્રે ઊંઘ ઉડી જાય છે અને તેમનું મનોવિજ્ઞાન બદલાઈ જાય છે. આ જ કારણ છે કે તેઓ ભાજપ અને અમિત શાહ સામે પાયાવિહોણા આરોપો લગાવે છે. બાવનકુળેએ આને ઉદ્ધવ ઠાકરેની જૂની આદત ગણાવી હતી.
ઉદ્ધવ ઠાકરેએ અમિત શાહને કયા મુદ્દે ઘેર્યા?
તાજેતરમાં પુણેમાં યોજાયેલા એક કાર્યક્રમમાં કેન્દ્રીય ગૃહમંત્રી અમિત શાહે ઉદ્ધવ ઠાકરે પર નિશાન સાધ્યું હતું. તેમણે કહ્યું હતું કે કોરોના મહામારી દરમિયાન અજિત પવાર તેમના સંપર્કમાં હતા, પરંતુ તે સમયે મહારાષ્ટ્રના મુખ્યમંત્રી રહેલા ઉદ્ધવ ઠાકરે ફોન પણ ઉપાડતા નહોતા.
અમિત શાહના આ નિવેદન બાદ ઉદ્ધવ ઠાકરેએ વળતો પ્રહાર કર્યો હતો. તેમણે અમિત શાહ (Amit Shah)પર ખોટું બોલવાનો આરોપ લગાવ્યો અને તેમને મણિપુર તથા અરુણાચલ પ્રદેશની મુલાકાત લેવાનો પડકાર આપ્યો હતો. આ નિવેદનો બાદ બંને પક્ષો વચ્ચે રાજકીય ટકરાવ વધુ તીવ્ર બન્યો છે.
રોહિત પવારના આરોપો પર પણ બાવનકુળેનો પ્રહાર
રોહિત પવાર દ્વારા કરવામાં આવેલા આરોપો અંગે પણ ચંદ્રશેખર બાવનકુળેએ Chandrashekhar Bawankuleનારાજગી વ્યક્ત કરી હતી. તેમણે કહ્યું કે રોહિત પવાર શરદ પવાર, ઉદ્ધવ ઠાકરે અને બાળાસાહેબ ઠાકરેના રાજકીય તથા સાંસ્કૃતિક વારસાને ભૂલી રહ્યા છે.
બાવનકુળેના જણાવ્યા અનુસાર, મહારાષ્ટ્રની રાજકીય સંસ્કૃતિમાં આટલા નીચા સ્તરે જઈને આરોપો લગાવવાની પરંપરા નથી. તેમણે કહ્યું કે શરદ પવારે ક્યારેય આ પ્રકારના આરોપો લગાવ્યા નથી. રોહિત પવાર (Rohit Pawar)સસ્તી પ્રસિદ્ધિ મેળવવા માટે આવા નિવેદનો કરી રહ્યા છે. તેમણે શરદ પવારની પાર્ટીને પણ આ મુદ્દે પોતાનું વલણ સ્પષ્ટ કરવાની સલાહ આપી હતી.
ઓપરેશન ટાઈગર અને અમિતાભ બચ્ચનની સુરક્ષા પર શું કહ્યું?
ઓપરેશન ટાઈગર (Operation Tiger)અંગે બાવનકુળેએ કહ્યું કે જો નવા લોકો NDAમાં જોડાય તો ગઠબંધન વધુ મજબૂત બનશે. NDA મજબૂત બનવાથી દેશની તાકાત વધશે અને વિકાસને પણ વેગ મળશે. વિકાસના કારણે લોકો તેમની સાથે જોડાવા ઇચ્છે છે અને તેમાં કંઈ ખોટું નથી.
બીજી તરફ, અમિતાભ બચ્ચનને મળેલી ધમકી અંગે તેમણે કહ્યું કે મુંબઈ પોલીસ અને ગૃહ વિભાગ રાજ્યમાં કાયદો અને વ્યવસ્થા જાળવવા સક્ષમ છે. અમિતાભ બચ્ચન હોય કે અન્ય કોઈ સેલિબ્રિટી, કોઈ તેમને નુકસાન પહોંચાડી શકશે નહીં. મુંબઈ પોલીસ તેમની સુરક્ષા જાળવવા અને કોઈપણ પરિસ્થિતિનો સામનો કરવા સંપૂર્ણ સક્ષમ છે.
