સમગ્ર વિશ્વમાં કોરોનાનો કહેર હજુ પણ યથાવત છે. ત્યારે ખાસ કરીને બ્રિટનમાં કોરોના વાયરસનું નવુ રૂપ બહાર આવતા લોકોમાં ડર વધુ પ્રસર્યો છે. જો કે, બ્રિટનમાં કોરોના વાયરસનાં નવા સ્વરૂપને જોતા ભારત સજાગ બન્યું છે.
ગત દિવસે યુકેથી 20 મુસાફરો કોરોના પોઝિટિવ હોવાનું માલુમ પડ્યા બાદ, ભારત સરકારે કડક પગલા લીધા છે અને કડક ધોરણ સંચાલન પ્રક્રિયા (એસઓપી) જારી કરી છે. બ્રિટનથી આવતા મુસાફરોની નજીકથી નજર રાખવામાં આવી રહી છે. સરકારે કહ્યું કે, તે દેશથી આવતા તમામ મુસાફરોએ આરટી-પીસીઆર તપાસ કરાવવી જોઇએ અને જો સંક્રમિત જાણ થાય તો તેઓને સંસ્થાકીય વિભાજિત આવાસ કેન્દ્રમાં મોકલવા જોઈએ.
કેન્દ્રીય આરોગ્ય મંત્રાલય દ્વારા જારી કરવામાં આવેલા એસઓપીમાં સૂચના આપવામાં આવી છે કે 25 નવેમ્બરથી 23 ડિસેમ્બર સુધી યુકે દ્વારા આવતા મુસાફરોનાં આરોગ્ય પર નજર રાખવામાં આવે. માર્ગદર્શિકામાં જણાવાયું છે કે, છેલ્લા 4 અઠવાડિયામાં ભારતનાં વિવિધ એરપોર્ટ પર યુકેથી ફ્લાઇટ્સનાં મુસાફરોની સૂચિ ઇમિગ્રેશન બ્યુરો દ્વારા રાજ્ય સરકારો અને એકીકૃત રોગ સર્વેલન્સ પ્રોગ્રામ (આઈડીએસપી) ને પૂરી પાડવામાં આવશે. આ સર્વેલન્સ ટીમો મુસાફરોને શોધી શકશે. બ્રિટિશ પ્રવાસીઓ માટે જારી કરવામાં આવેલી સરકારની એસ.ઓ.પી. અનુસાર સંક્રમણ લાગ્યો હોય તેવા લોકોને સંસ્થાકીય એકમમાં અલગ રાખવામાં આવશે.
યુકેથી આવતા તમામ મુસાફરોએ છેલ્લા 14 દિવસની મુસાફરીની વિગતો આપવી પડશે અને કોવિડ-19 તપાસવા માટે આવેદન ભરવુ પડશે. એસઓપી જણાવે છે કે, સંબંધિત રાજ્યો 21 થી 23 ડિસેમ્બરની વચ્ચે યુકેથી આવતા તમામ મુસાફરોની આરટી-પીસીઆર તપાસ કરશે. એરપોર્ટ પર ચેપ લાગ્યો ન હોય તેવા મુસાફરોને ઘરમાં અલગ રહેવાની સલાહ આપવામાં આવશે. સંક્રમિત જોવા મળતા મુસાફરોને સંબંધિત રાજ્ય અધિકારીઓ દ્વારા સંસ્થાકીય વિભાજિત આવાસ કેન્દ્રોમાં અલગ રૂમમાં મોકલવામાં આવશે.
Covid-19 / જાણો કોરોનાનાં દર્દીઓ માટે શું આવ્યા રાહતનાં સમાચાર?…
Covid-19 / યુકેથી આવેલા પ્રવાસીઓમાંથી 20 પોઝિટિવ, ઉભા કર્યા તંત્ર સતર્ક…
Covid-19 / અમેરિકા ફરી કોરોનાના કોહરામનાં આગોશમાં, 24 કલાકમાં 3400થી વધ…
મંતવ્ય ન્યૂઝ દ્વારા જાહેર અપીલ –
દેશ – દુનિયા સહિત ગુજરાતમાં પણ કોરોનાએ જ્યારે ફરી માંથુ ઉચક્યુ છે, ત્યારે અમે મંતવ્ય ન્યૂઝ તમામ નાગરીકોને અપીલ કરીએ છીએ કે, આ સમયે કોરોનાથી ડરવાની નહીં, પરંતુ સંયમ સાથે વર્તવાની જરુર છે. બને તેટલો જાહેર સંપર્ક ટાળો, કોરોના માર્ગદર્શીકા અને સરકારનાં સૂચનોનું ચુસ્તપણે પાલન કરો અને સ્વજનોને પણ કરાવો. આ કાળમાં તકેદારીએ જ સ્વસ્થ્ય હોય સંયમ સાથે નિયમોનું પાલન કરી એક જાગૃત નાગરીકની ફરજ બજાવો…
