ભારત અને વેસ્ટ ઇન્ડીઝ વચ્ચે તાજેતરમાં પૂર્ણ થયેલી સીરીઝમાં જસપ્રિત બુમરાહે પોતાની બોલિંગથી પ્રેક્ષકોને ઘણા પ્રભાવિત કર્યા હતા. તેણે પોતાની શાનદાર આઉટસ્વિંગથી કેરેબિયન બેટિંગ લાઇન-અપ ને વેરવિખેર કરી દીધી. તે વિરાટ કોહલીનો એક્સ ફેક્ટર સાબિત થયો. તેના ટૂંકા રનઅપને કારણે, ભારતીય ફાસ્ટ બોલરે વેસ્ટ ઇન્ડીઝનાં ઝડપી બોલરો એન્ડી રોબર્ટ્સ અને કર્ટલી એમ્બ્રોઝ જેવા વેસ્ટ ઈન્ડિઝનાં પ્રભાવશાળી ફાસ્ટ બોલરોને ઘણા પ્રભાવિત કર્યા હતા. બુમરાહનાં આંકડાથી પૂર્વ ભારતીય કેપ્ટન અનિલ કુમ્બલે પણ પ્રભાવિત થયો છે અને તેણે કહ્યું કે, આ યુવા ક્રિકેટર ભારતનો મહાન ઝડપી બોલર બની શકે છે.
કુમ્બલેએ એક વેબસાઇટ સાથેની વાતચીતમાં કહ્યું, ‘બુમરાહ સતત સારું પ્રદર્શન કરી રહ્યો છે. તેઓ વિકેટ કેવી રીતે લેવી તે જાણે છે. તે ફક્ત તમારી કુશળતા અથવા ક્ષમતા પર જ નિર્ભર નથી કરતુ. પુનરાગમન કરવાની ક્ષમતા પર ઘણું નિર્ભર છે અને મને લાગે છે કે બુમરાહે આ બાબતે એક સુંદર કાર્ય કર્યું છે. તે ક્રિકેટનાં ખૂબ સારા વિદ્યાર્થી છે. તેઓ પરિસ્થિતિને જોઈને પોતાને બદલવાનું જાણે છે. તે અલગ પિચ પર બેટ્સમેનને જુદી જુદી પ્રકારની બોલિંગ કરે છે. બુમરાહની આ ક્ષમતા આ સીરીઝમાં જોવા મળી હતી.
કુમ્બલેએ એમ પણ કહ્યું હતું કે, બુમરાહ જે રીતે પ્રગતિ કરી રહ્યો છે અને તે ત્રણેય ફોર્મેટમાં સતત સારું પ્રદર્શન કરે છે તે જોતાં, એમ કહી શકાય કે તે ભારતનો મહાન ઝડપી બોલર બની શકે છે. 48 વર્ષીય દિગ્ગઝ ભારતીય લેગ સ્પિનરે કહ્યું કે, બુમરાહમાં આ રીતે આગળ વધવાનો અને ભારતનો મહાન ઝડપી બોલર બનવાનો ગુણ છે. મને લાગે છે કે તેમા આ ખાસ વાત છે અને તમને તેની શરૂઆતની કારકીર્દિમાં આ જોવા મળ્યુ હશે. તે માત્ર 25 વર્ષનો છે અને તેની લાંબી કારકિર્દી બાકી છે. આવુ પ્રદર્શન જોઈને તમને આનંદ થાય છે.’
ભારત તરફથી સૌથી વધુ ટેસ્ટ વિકેટ લેનારા કુમ્બલેએ કહ્યું કે, બુમરાહ અન્ય બોલરો કરતા અલગ છે કારણ કે તે બે કે ત્રણ વિકેટને પાંચ વિકેટમાં રૂપાંતરિત કરવાનો પ્રયાસ કરે છે. તે પોતાના દેશ માટે મેચ જીતવા માંગે છે. મને લાગે છે કે આ મોટા બોલરની નિશાની છે. તમે ઇચ્છો છો કે બોલર તમારા મેચ વિનર બને અને બુમરાહ પણ તે જ કરી રહ્યો છે. આ વાત તેણે તેની યુવાનીમાં જ બતાવી દીધી છે.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
