ભારતમાં વધુ એક કંપનીની વેક્સિન તૈયાર થઇ ગઇ છે અને તેણે ઇમર્જન્સી યુઝ માટે મંજૂરી માગી દીધી છે. 12થી 18 વર્ષના લોકો માટે ઝાયડસ કેડિલાએ તેની કોરોના વેક્સિન ZyCoV-Dના ઈમર્જન્સી ઉપયોગ માટે ડ્રગ્સ કન્ટ્રોલર જનરલ ઓફ ઈન્ડિયા પાસેથી મંજૂરી માગી છે. કંપનીએ ઝાયકોવ ડી વેક્સિનના 12 કરોડ ડોઝનું વાર્ષિક ઉત્પાદન કરવાનો લક્ષ્યાંક રાખ્યો છે. ZyCoV-Dને મંજૂરી મળે છે તો આ દેશની પાંચમી એપ્રૂવડ વેક્સિન હશે.
બે દિવસ પહેલાં જ અમેરિકાની કંપની મોડર્નાને કોરોના વેક્સિન DGCIએ મંજૂરી આપી છે. એ પહેલાં કોવિશીલ્ડ, કોવેક્સિન અને સ્પુતનિક-Vને એપ્રૂવલ મળ્યું હતું. ભારતમાં હાલ લગાવવામાં આવી રહેલી વેક્સિન ડબલ ડોઝ છે. જોકે ZyCoV-D વેક્સિન આ તમામથી અલગ છે. આ ભારતીય વેક્સિનના એક કે બે નહિ, પરંતુ ત્રણ ડોઝ લગાવવામાં આવશે.
આ પણ વાંચો : દેશ અને દુનિયામાં કોરોનાનાં વધતા કેસ ચિંતાનો વિષય, કુલ મોતની સંખ્યામાં અમેેરિકા ટોપ પર
ZyCoV-D એક DNA-પ્લાઝ્મિડ વેક્સિન છે. આ વેક્સિન શરીરની ઈમ્યુનિટી વધારવા માટે જિનેટિક મટીરિયલનો ઉપયોગ કરે છે. જે રીતે અમેરિકા સહિત ઘણા દેશોમાં લાગી રહેલી ફાઈઝર અને મોડર્ના વેક્સિન ઈમ્યુનિટી વધારવા માટે mRNAનો ઉપયોગ કરે છે, એ રીતે પ્લાઝ્મિડ-DNAનો ઉપયોગ કરે છે.
કંપની દ્વારા ડ્રગ કંટ્રોલ ઓથોરીટી ઓફ ઈન્ડીયા સમક્ષ આ વેક્સિનની ત્રીજા તબકકાની કલીનીકલ ટ્રાયલ 28000થી વધુ વોલીયન્ટર્સ પર કરવામાં આવી હતી અને તેના પરિણામો તે તારણો રજુ કરાયા હતા અને તેમાં વેકસીન સલામત તથા અસરાકારક હોવાનું જાહેર થયુ છે. આ વેકસીનને ઝાયકોવ-ડી-બ્રાન્ડ નામ અપાયું છે અને તેનો 12થી18 વર્ષના ઉપરના બાળકો પર પણ સફળ પ્રયોગ કરવામાં આવ્યો હતો.
આ પણ વાંચો : 12 વર્ષીય અભિમન્યુ મિશ્રા બન્યો ચેસ ઇતિહાસમાં સૌથી યુવા ગ્રાન્ડમાસ્ટર, તોડ્યો 19 વર્ષનો જૂનો રેકોર્ડ
DCGIની મંજૂરી મળ્યા બાદ ભારત બાયોટેકની ‘કોવેક્સીન’ પછી આ બીજી સ્વદેશી રસી હશે. આ કોરોના વાયરસ સામે વિશ્વની પ્રથમ ડીએનએ રસી પણ હશે. ઝાયકોવ-ડી એ ડીએનએ રસી છે, જે વાયરસના તે ભાગના આનુવંશિક કોડનો ઉપયોગ કરે છે. જે શરીરમાં રોગપ્રતિકારક શક્તિને વેગ આપે છે. આ રસી કેન્દ્ર સરકારના રાષ્ટ્રીય બાયોફર્મા મિશનની મદદથી બનાવવામાં આવી રહી છે. આ રસીના ત્રણ ડોઝ આપવામાં આવશે. જેમાં પ્રથમ ડોઝ પછી 28 દિવસ અને 56 દિવસ પછી બીજો અને ત્રીજો ડોઝ લેવામાં આવશે.
આ વિશે કંપનીએ કહ્યું કે, બે ડોઝ રસીકરણ અંગે પણ કામ ચાલી રહ્યું છે. આ રસી 2-8 ડિગ્રી તાપમાને સંગ્રહિત કરી શકાય છે અને થોડા સમય માટે 25 °સે પણ રાખી શકાય છે. ડિસેમ્બર સુધી 5 કરોડ રસીના ડોઝનું ઉત્પાદન થશે.
આ પણ વાંચો : દૂધ બાદ હવે LPG ઘરેલું ગેસ સિલિન્ડરનાં ભાવમાં વધારો, જાણો કેટલી થઇ કિંમત
