New Delhi: દિલ્હીના મુખ્યમંત્રી અને આમ આદમી પાર્ટીના રાષ્ટ્રીય સંયોજક અરવિંદ કેજરીવાલ (Arvind kejriwal)ને સુપ્રીમ કોર્ટ તરફથી મોટો ઝટકો લાગ્યો છે. વચગાળાના જામીનને એક સપ્તાહ લંબાવવા માટે સુપ્રીમ કોર્ટ (Supreme Court)માં દાખલ કરાયેલી કેજરીવાલની અરજી પર તાત્કાલિક સુનાવણી થશે નહીં. સુપ્રીમ કોર્ટના તાજેતરના નિર્ણયથી કેજરીવાલને 2 જૂને જેલમાં જવું પડે તેવી શક્યતા વધી ગઈ છે.
દિલ્હીના મુખ્યમંત્રી અરવિંદ કેજરીવાલ વચગાળાના જામીન લંબાવવાની અરજી પર તાત્કાલિક સુનાવણી ઈચ્છે છે. કેજરીવાલ તરફથી હાજર રહેલા વરિષ્ઠ વકીલ અભિષેક મનુ સિંઘવીએ સુપ્રીમ કોર્ટની વેકેશન બેન્ચ પાસે તાત્કાલિક સુનાવણીની માગ કરી હતી. જસ્ટિસ જે.કે. મહેશ્વર અને કે.વી. વિશ્વનાથનની બેન્ચે જણાવ્યું હતું કે પિટિશનની યાદી પર નિર્ણય ભારતના મુખ્ય ન્યાયાધીશ (CJI) દ્વારા લેવામાં આવશે, કારણ કે મુખ્ય કેસમાં નિર્ણય હજુ અનામત છે.
સુપ્રીમ કોર્ટે અભિષેક મનુ સિંઘવીને પૂછ્યું કે ગયા અઠવાડિયે જ્યારે મુખ્ય બેન્ચના જજ જસ્ટિસ દત્તા બેઠા હતા ત્યારે અરજી શા માટે દાખલ કરવામાં આવી ન હતી. હવે ચીફ જસ્ટિસ નક્કી કરશે કે આ કેસની સુનાવણી ક્યારે અને કઈ બેન્ચ કરશે. અરવિંદ કેજરીવાલને 21 દિવસના વચગાળાના જામીન આપતાં સુપ્રીમ કોર્ટે કહ્યું હતું કે, તેમણે 2 જૂને આત્મસમર્પણ કરવું પડશે અને જેલમાં જવું પડશે.
દરમિયાન, સોમવારે, અરવિંદ કેજરીવાલે સ્વાસ્થ્યના કારણોને ટાંકીને વચગાળાના જામીન 7 દિવસ વધારવા માટે સુપ્રીમ કોર્ટમાં અપીલ કરી હતી. આમ આદમી પાર્ટી તરફથી કહેવામાં આવ્યું હતું કે કેજરીવાલનું વજન 7 કિલો ઘટી ગયું છે અને કીટોનનું સ્તર ઘણું વધી ગયું છે. તેને કિડનીની ગંભીર સમસ્યા અથવા તો કેન્સરનું લક્ષણ ગણાવતા, આમ આદમી પાર્ટીએ કહ્યું હતું કે ડોક્ટરોએ તેમને PET-CT સ્કેન સહિત અનેક પરીક્ષણો કરાવવા કહ્યું છે અને આ માટે તેમને સમયની જરૂર છે.
આ પણ વાંચો:પંજાબ AAP સરકારના મંત્રી બલકાર સિંહનો અશ્લીલ વીડિયો આવ્યો સામે
આ પણ વાંચો:કોર્ટે બિભવ કુમારની જામીન અરજી ફગાવી…
આ પણ વાંચો:આજીવન કેદની સજા ભોગવતા કેદી હવે પ્રવેશ પરીક્ષા આપશે
આ પણ વાંચો:31 મેના રોજ SIT સમક્ષ હાજર થશે પ્રજ્વલ રેવન્ના, પરિવાર અને સમર્થકોની માંગી માફી
